NẸHEMIA 6 - BIBLU WIWE LỌ 1923

¹ DINVIE é sọ wá jọ, whenuena yè hẹnwádọ jẹ Sanbalati po Tobia po de, podọ jẹ Gẹsẹmi Alabianu lọ po de, podọ jẹ pipòtọ kẹ̀ntọ mítọn lẹ tọn po de, dọ yẹn ko dó adó lọ, podọ yè ma sọ pò kikẹ̀ de dai to finẹ gba; (mọ yèdọ jẹ ojlẹ nẹ mẹ yẹn ma ko zẹ́ ohọ́n họ̀ngbo lẹ tọn lẹ lọ dote gba;)

² Wẹ Sanbalati po Gẹṣẹmi po domẹhlan mi, dọmọ, Wá, gbọ mí ni pli dopọ do dopo otọ̀ lẹ lọ tọn mẹ to danfáfá Ono tọn ji. Ṣigba yé to linlẹn nado wà odánú hẹ mì wẹ.

³ Yẹn sọ do mẹdagun lẹ hlan yé, dọmọ, Yẹn to azón daho de wà, sọmọ bọ yẹn ma sọgan jẹte wá gba: etẹwutu azọ́n lọ na do pòali, whenuena yẹn jó e dai, bo jẹte wá mì de?

⁴ Yé sọ domẹhlan mi whla ẹnẹ kẹdẹdi ehe hunkọ; yẹn sọ gblọnna yé kẹdẹdi alọpa doponẹ lọ.

⁵ Whenẹnu wẹ San-balati do mẹmẹsi etọn hlan mi to alọpa mọnkọ mẹ whla atóntọ po ohówé hùnhùn de po to alọ etọn mẹ;

⁶ ehemẹ yè wlan do dọmọ, Yè hẹnwádọ to akọta lẹ ṣẹnṣẹn, Gasini wẹ dọ ẹ, dọ hiẹ po Ju lẹ po to linlẹn nado ṣiatẹ; na ehe tọn wutu hiẹ dó adó lọ: hiẹ na sọ yín ahọlu yetọn kẹdẹdi ohó helẹ.

⁷ Podọ hiẹ ko sọ dè yẹwhegán de lẹ ga nado dọyẹwheho towe tọn to Jelusalẹm, dọmọ, Ahọlu de tin to Juda mẹ: podọ dinvie yè na hẹnwádọ to ahọlu de kẹdẹdi ohó helẹ̃. Enẹwutu wá dinvie, bo gbọ mí ni yi hónamẹ dopọ.

⁸ Whenẹnu wẹ yẹn domẹhlan ẹn, dọmọ, Yè ma wà onú mọnkọ de dole hiẹ dọ do gba, ṣìgba hiẹ pà yé dọ tón sọn ayiha towe titi mẹ wẹ

⁹ Na yé omẹ popo na ko hẹn mí savọ̀, dọmọ, Yè na hẹn alọ yetọn lẹ yin madogannọ sọn azọ́n lọ kọ̀n, bọ é ma na yín wiwà. Ṣigba dinvie, Jiwheyẹwhe È, hiẹ ni nahuhlọn alọ ṣie lẹ.

¹⁰ Yẹn sọ yì jẹ owhé Ṣemaia visunnu Delaia tọn visunnu Mẹhetabẹli lọ tọn gbè, mẹhe yè glọn do; ewọ sọ dọmọ, Gbọ mí ni pli dopọ to ohọ̀ Jiwheyẹwhe mítọn tọn mẹ, to tẹmpli lọ hòmẹ, bo sọ gbọ mí ni sú ohọ́n tẹmpli lọ tọn lẹ: na yé na wá nado hù we: nugbo ozán mẹ wẹ yé na wá nado hù we.

¹¹ Yẹn sọ dọmọ, Bé omẹ di yẹn nkọ de ao họ̀nyì? mẹnu ka wẹ tin finẹ, he, tintin di yẹn nkọ, na yì biọ tẹmpli mẹ nado whlẹn ogbẹ́ etọn? Yẹn ma jei hòmẹ gba.

¹² Yẹn sọ fọyè, bo, dayi e go, Jiwheyẹwhe ma wẹ ko do e hlan gba: ṣigba é kó odọdai he do oji e wẹ: podọ Tobia po Sanbalati po wẹ dà ẹ.

¹³ Ehe wutu wẹ yè do dà ẹ, na yẹn na do yín avọ̀satọ, bo wà mọ, bo do wàylando, podọ yé Dido tindo owhẹ̀hó na oylan hinhẹnwádọ de, na yé nido vlẹ mi kò.

¹⁴ Jiwheyẹwhe ṣie E, flìn, Tobia po Sanbalati po kẹdedi azọ́n yetọn helẹ̃, po Noadia yẹwhegányọnnu lọ po ga, po pipòtọ yẹwhegán lẹ tọn po, he do ko hù mi lẹ.

¹⁵ Mowẹ yè vẹ̀ adó lọ to azán koatọ́ntọ osùn Eluli tọn mẹ, to azán kandewiawe mẹ.

¹⁶ E sọ wá jọ, whenuena kẹ̀ntọ mítọn lẹpo sè e, wẹ kosi lẹpo he tin to mí dali dibu, yè sọ hẹn yé kúgblẹ̃ to nukun yetọn titi lẹ mẹ: na yé mọhlan dọ Jiwheyẹwhe mítọn de wẹ yè wà azọ́n he sọn.

¹⁷ Huganmọ to azán nẹlẹ̃ mẹ mẹgbõgbo Juda tọn lẹ do ohówé susu hlan Tobia, podọ ohówé Tobia tọn lẹ sọ nọ wá jẹ yé de.

¹⁸ Na mẹsusu tin yè hẹn whle to Juda mẹ finẹ hlan ẹn, na ewọ yín yọ́nwhèn Ṣekania visunnu Ala tọn tọn wutu; Jehohanani visunnu etọn ko sọ yí viyọnnu Mẹṣulami tọn visunnu Bẹlekia tọn do dà asi.

¹⁹ Yé sọ nọ dọhó owàlọ dagbe etọn lẹ tọn to nukọn ṣie, bo sọ nọ hẹn ohó ṣie lẹ wádọ nẹ̃. Tobia sọ do ohówé lẹ hlan nado do mi obu mẹ.