NẸHEMIA 5 - BIBLU WIWE LỌ 1923

¹ WHENẸNU wẹ awhá daho de tite sọn gbẹtọ lẹ mẹ podọ sọn asi yetọn lẹ mẹ do mẹmẹsunnu yetọn Ju lẹ go.

² Na omẹ dèlẹ tin he didọ finẹ dọmọ, Míwlẹ, visunnu mítọn lẹ po viyọnnu mítọn lẹ po yín mẹsusu: mì gbọ mí ni tindo gbadó, na mí nido dù bo gán.

³ Omẹ dẽlẹ tin finẹ ga he didọmọ, Mìwlẹ to ogle mítọn lẹ, po ovéngle mítọn lẹ po, pọ owhé mítọn lẹ po súafa: mì gbọ mí ni tindo gbadó, na hùvẹ́ lọ tọn wuta.

⁴ Mẹdẽlẹ tin finẹ ga he didọmọ, Mìwlẹ ko yàn akuẹ na otakuẹ ahọlu tọn to ogle mítọn lẹ po ovẹ̃ngle mítọn lẹ po ji.

⁵ Gãnṣo agbasalan mítọn tin di agbasalan mẹmẹsunnu mítọn lẹ tọn, ovi mítọn lẹ di ovi yetọn lẹ: bo pọ́n, mí hẹn visunnu mítọn lẹ po viyọnnu mítọn lẹ po wá biọ kanlinmọgbénu nado yín mẹmẹsi lẹ, podọ yè ko hẹn sọn viyọnnu mítọn dẽlẹ mẹ wá biọ kanlinmọgbénu die: mọ é ma tin to huhlọn mítọn mẹ nado gbẹ́ ẹ gba; na omẹ dẽvo lẹ wẹ tindo ogle mítọn lẹ po ovẹ̃ngle mítọn lẹ po.

⁶ Yẹn sọ yín adinọ talala whenuena yẹn sè awhá yetọn po ohọ́ helẹ̃ po.

⁷ Whenẹnu wẹ yẹn dowé hẹ dẽ, bo wọ́ hẹ mẹgbõgbo lẹ lọ po ogán lẹ lọ po, bo sọ dọ hlan yé dọmọ, Mìwlẹ to alèmasẹ́nmẹ yí, omẹ dopodopo sọn nọvisunnu etọn si. Yẹn sọ do opli daho de do yé ji.

⁸ Yẹn sọ dọ hlan yé dọmọ, Mìwlẹ kẹdẹdi huhlọn mítọn ko hó mẹmẹsunnu mítọn Ju lẹ, he yè ko sà hlan kosi lẹ; bé mìwlẹ na sọ sà yèdọ mẹmẹsunnu mítọn lẹ wẹ, bẹ́ yè na sọ sà yé hlan mìwlẹ? Whenẹnu wẹ yé nabọẹ, boma sọ mọ ohó de ba.

⁹ Yẹn sọ dọ ga dọmọ, Onú he míwlẹ wà ma yín dagbe gba; bé é ma jẹ mìwlẹ nado nọ zinzọnlin to budisi Jiwheyẹwhe mítọn tọn mẹ, na ovlẹ kosi kẹ̀ntọ mítọn lẹ lọ tọn wutu?

¹⁰ Podọ yẹn mọkẹdẹ, mẹmẹsunnu ṣie lẹ po mẹmẹsi ṣie lẹ po, yàn akuẹ po gbadó po na yé do alèmasẹ́nmẹ ji. Yẹn vẹ̀ mì, gbọ mí ni jó alèmasẹ́nmẹ he dai.

¹¹ Mì gọ̀jó, hlan yé, yẹn vẹ́ mì, yèdọ to azán he gbè, ogle yetọn lẹ, ovẹ̃ngle yetọn lẹ, olivieligle yetọn lẹ, po owhé yetọn lẹ po, odá kanwekotọ akuẹ lọ tọn ga, po gbadó lọ tọn po, óvẹn lọ, po amì lọ po, he mìwlẹ yí sọn yé si.

¹² Whenẹnu wẹ yé dọmọ, Mìwlẹ na gọ̀ yé jó, bo ma na sọ biọ núdo sọn yé de gba; mọwẹ mìwlẹ na wà do, yèdọ le hiẹ dọ do. Whenẹnu wẹ yẹn ylọ yẹwhenọ lẹ, bo yí whiwhle de sọn yé de, na yé na do wà kẹdẹdi adangblọn he.

¹³ Yẹn sọ húnhún awukẹyẹ ṣie dogbonu, bo dọmọ, Mọwẹ Jiwheyẹwhe ni húnhún omẹ dopodopo dogbonu do sọn owhé etọn gbè, podọ sọn tuklajẹ etọn mẹ he ma yí adangblọn he basi; yèdọ le wẹ é ni yín húnhúnhúnhún dogbonu do, bo sọ yín bẹnjẹvọnọ. Agùn lẹpo sọ dọmọ, Niṣẹ, bo so pà OKLUNỌ Gbẹtọ lẹ sọ basi kẹdẹdi adangblọn he.

¹⁴ Hugamọ sọn ojlẹ he mẹ yè ko dè mi nado yín otògán yetọn to aigba Juda tọn mẹ, sọn owhè ogbàntọ mẹ yèdọ jẹ owhè gbànnukunawetọ Altakẹlikesi ahọlu lọ tọn mẹ, enẹ wẹ, owhè wiawe, yẹn po mẹmẹsunnu ṣie lẹ po ma ko dù akla otògán lọ tọn gba.

¹⁵ Ṣigba otògán he ko tin jẹnukọn na mi lẹ yín ahódokọnamẹ hlan gbẹtọ ewlẹ, bo sọ nọ yí sọn yé de akla po ovẹ̃n po, dogọ́ ṣekẹli okande fataka tọn; nugbo yèdọ mẹmẹsi yetọn lẹ to gándù to omẹ ewlẹ ji: aigba yẹn ma wà mọ gba, na budisi Jiwheyẹwhe tọn tọn wutu.

¹⁶ Nugbo, yẹn to lin-sinyẹn to azọ́n adó he lọ tọn mẹ, mọ míwlẹ ma sọ họ́ aigba depope: yè sọ bẹ́ mẹmẹsi ṣie lẹpo pli finẹ do azọ́n lọ kòn.

¹⁷ Huganmọ to tafo ṣie ji ogán kantóngbàn sọn Ju lẹ mẹ tin finẹ, gọ́na enẹlẹ he wá jẹ mí de lẹ sọn kosi he tin lẹ́do mí pé lẹ ṣẹnṣẹn.

¹⁸ Dinvie enẹ he yè wleawuna na azán dopo yín oyín dopo po lẹngbọ didè ṣidopo po; koklo lẹ ga wẹ yè sọ wleawuna na mi, podọ whladopo to azán ao mẹ agbànhò ovẹ̃n alọpálọpa lẹ tọn lẹpo tọn: ganṣo na ehe lẹpo yẹn ma biọ akla otògán lọ tọn gba, na mẹglọnọ lọ yín pinpọ́n to omẹ he lẹ ji wutu.

¹⁹ Jiwheyẹwhe ṣie È, flin hlan mi na dagbe, he yẹn ko wà lẹpo na omẹ he lẹ.