NẸHEMIA 4 - BIBLU WIWE LỌ 1923

¹ ṢIGBA é sọ wá jọ dọ, whenuena San balatisèdọ mí dó adó lọ, ewọ yínhomẹgblenọ, bo yí adisisa daho, bo to Ju lẹ sànko.

² E sọ dọhó to mẹmẹsunnu etọn lẹ po awhànfuntọ Samalia tọn lẹ po nukọn, bo dọmọ, Etẹ́wẹ Ju madogannọ helẹ̃ to wiwà? Yé na hẹn yéde lì wẹ? Yé na nọ sánvọ́ wẹ? Yé na basi opòdo to azán dopo mẹ wẹ? Yé na fọ́n zannu lẹ dogbẹ́ sọn okiti zodàpò tọn mẹ wẹ, mimọ yè ko mó yé?

³ Dinvie Tobia Ammọni lọ tin to e de, é sọ dọmọ, Yèdọ enẹ he yé dó, eyín wọtupọẹ de hẹji yì, é na gbà adó yetọn jannu tọn liai.

⁴ Sè, Jiwheyẹwhe mítọn E; na yè to mí vlẹ: bo diọ ovlẹ yetọn do ota yetọn titi ji, bo sọ jó yé hlan jẹ ohẹngble to aigba mẹglọnọ tọn de mẹ:

⁵ Á ṣinyọnnudo ylanwà yetọn blo, a sọ dike ylando yetọn yín súnsún sẹ́ sọn nukọn towe blo: na yé ko hẹnhomẹgble we jẹ adiji to didótọ lẹ lọ nukọn.

⁶ Mọwẹ mí dó adó lọ; yè sọ basi adó lẹpo do dopo jẹ odá jiyìyi etọn: na gbẹtọ ewlẹ tindo otù de nado wàzọ́n.

⁷ Ṣigba é sọ wá jọ dọ, whenuena Sanbalati, po Tobia po, po Alabianu lẹ po, po Ammọninu lẹ po, po Asdọdinu lẹ po, sè dọ jijlado adó Jelusalẹm tọn lẹ tọn to yìyì nukọn, podọ yè ṣẹ̀ kikó lẹ hẹn dote, whenẹnu wẹ yé yín homẹgbletọ susu;

⁸ Yé sọ blató popo yé tọn dopọ nado wá bo sọ hòavùn hẹ Jelusalẹm, podọ nado hẹn oflu wá enẹ mẹ.

⁹ Ṣigba míwlẹ to odó mítọn basi hlan Jiwheyẹwhe mítọn, bo sọ dè hihọtọ de do yé ji to okle po ozán po, na yé tọn wutu.

¹⁰ Juda sọ dọmọ, Huhlọn agbànhẹntọ agbàn lẹ tọn lẹ yín whiwhepò, zodùpò susu sọ tin finẹ; mọ wẹ míwlẹ ma sọ tin sọgan nado dó adó lọ.

¹¹ Mẹglatọ mítọn lẹ sọ dọmọ, Yé ma to na yọnẹn, kavi mọ, kaka mí do wá biọ ṣẹnṣẹn yé tọn, bo hù yé, bo sọ hẹn azọ́n lọ nado doalọte.

¹² E sọ wá jọ dọ, whenuena Ju he nọ nó yé dali lẹ wá, ye dọ hlan mí whla ao sọn otẹn lẹpo mẹ dọmọ, Mì do na lẹ́gọ́ jẹ mí de.

¹³ Enẹwutu wẹ yẹn dè omẹ do adà otẹn yìdò lẹ mẹ sọn tẹnvivò adó lọ godo tọn, to otẹn vòtò lẹ mẹ, yèdọ yẹn dè gbẹtọ lẹ kẹdẹdi ohẹnnu yetọn lẹ po ohi yetọn lẹ po, owhán yetọn lẹ, po ogá yetọn lẹ po.

¹⁴ Yẹn sọ pọ́n, bo tite, bo dọ hlan mẹgbógbo lẹ, podọ hlan ogán lẹ, podọ hlan pipòtọ gbẹtọ lẹ tọn dọmọ, Mì yín avọ̀satọ yé tọn blo: mì nọ flin OKLUNỌ, he yín daho dobu, mì ni sọ hòavùn na mẹmẹsunnu mítọn lẹ, visunnu mítọn lẹ po viyọnnu mítọn lẹ po, asi mítọn lẹ po owhé mítọn lẹ po.

¹⁵ E sọ wá jọ, whenuena kẹ̀ntọ mítọn lẹ sè dọ é yín yinyọnẹn hlan mí, podọ Jiwheyẹwhe ko hẹn hónamẹ yetọn wá jẹ ovó mẹ, wẹ mí lẹ́gọ̀ popo mí tọn jẹ adó lọ kọ̀n, omẹ dopodopo hlan azón etọn kón.

¹⁶ E sọ wá jọ sọn ojlẹ nẹ mẹ zọ̀nmi wẹ odá mẹmẹsi ṣie lẹ tọn wà to azón lọ mẹ, odá yé tọn sọ hẹn owhán lẹ go, awọnyínu lẹ, po ogá lẹ po, po awù ogàn tọn lẹ po; ogán lẹ sọ tin to owhé Juda tọn lẹpo godo.

¹⁷ Yé he to adó dó lẹ po yé he to agbàn lẹ hẹn po doagbànna yéde, omẹ dopodopo yí alọ etọn lẹ do to wiwà to azón lọ mẹ, bo sọ yi awetọ do hẹn adánwànu etọn lẹ go;

¹⁸ podọ didótọ lẹ, omẹ dopodopo tindo ohi etọn bibla to adà etọn mẹ, bo to didó mọ. Ewọ he to opẹ̀n lọ kún sọ tin to dẽ.

¹⁹ Yẹn sọ dọ hlan mẹgbògbo lẹ, podọ hlan ogán lẹ podọ hlan pipòtọ gbẹtọ lẹ lọ tọn dọmọ, Daho wẹ azọ́n lọ bo sọ klo, yè sọ klán mí do adó lọ ji, ode dẹn sọn awetọ de:

²⁰ otẹn depope mẹ mì sè ogbè opẹ́n lọ tọn te, mì ni yànwhá jẹ mí de to finẹ; Jiwheyẹwhe mítọn na sọ hòavùn na mí.

²¹ Mowẹ mí to wiwà to azọ́n lọ mẹ: odá yé tọn sọ hẹn owhán lẹ go sọn finfọ́n afọnnu tọn mẹ kakajẹ awusọhia sunwhlẹvu lẹ tọn.

²² Domọkẹdẹ to ojlẹ dopolọ mẹ wẹ yẹn dọ hlan gbẹtọ ewlẹ dọmọ, Gbọ omẹ dopodopo po mẹmẹsi etọn po ni nó Jelusalẹm mẹ, dọ to ozán mẹ yé nido yín ahọluwhàn de hlan mí, podọ nido jẹtukla to okle mẹ.

²³ Mọwẹ yẹn, kavi mẹmẹsunnu ṣie lẹ, kavi mẹmẹsi ṣie lẹ, kavi omẹ ahọluwhàn lọ tọn lẹ he to hihodo mi lẹ, depope mí tọn ma klón avọ́ mítọn lẹ dai gba, ome dopodopo to yìyì po adánwànu etọn po jẹ osìn lọ kọ̀n.