NẸHEMIA 3 - BIBLU WIWE LỌ 1923

¹ WHENẸNU wẹ Eliasibi ogán yẹwhenọ lọ tite po mẹmẹsunnu etọn yẹwhenọ lẹ po, yé sọ dó lẹngbọ họ́ngboji lọ; yé lẹ́ ẹ wé, bo zé ohọ̀n etọn lẹ daga; yèdọ jẹ atọ̀họ̀ Hammea tọn kọ̀n wẹ yé lẹ́ ẹ wé, jẹ atọ̀họ̀ Hananẹli tọn kọ́n.

² Awetọsẹpọ́ e de wẹ omẹ Jẹliko tọn lẹ dó. Podọ awetọ to yé de wẹ Zakuli visunnu Imli tọn lọ dó.

³ Whèvi hóngboji lọ wẹ visunnu Hassenaa tọn lẹ dó; yé dó whlẹlidemẹ etọn lẹ, bo sọ zé ohòn etọn lẹ dote, sẹ́hlo etọn lẹ, po họ̀nglatin etọn lẹ po.

⁴ Podọ awetọsẹpọ́ yé de wẹ Melẹmọti visunnu Ulia tọn lọ, visunnu Hakozi tọn lọ jlado. Awetọsẹpọ́ yé de wẹ Mẹṣulami visunnu Belekia tọn lọ, visunnu Meṣẹzabeli tọn lọ jlado. Podọ awetọsẹpọ́ yé de wẹ Zadọki visunnu Baana tọn lọ jlado.

⁵ Podọ awetọsẹpọ́ yé de wẹ Tekoinu lọ lọ jlado; aigba mẹgbõgbo yetọn lẹ ma yí okò yetọn lẹ hlan azọ́n klunọ yetọn tọn gba.

⁶ Họ́ngbo hóhó lọ wẹ Joiada visunnu Pasea po Mesulami po tọn visunnu Besodeia tọn lọ jlado, yé sọ do whlẹlidemẹ etọn lẹ, bo sọ zé ohọ́n etọn lẹ dote, po sẹ́hlo etọn lẹ po, po họ̀nglatin etọn lẹ po.

⁷ Awetọsẹpọ́ yé de wẹ Mẹlatia Gibeọninu lọ, po Jadoni Mẹlonọtinu lọ po, omẹ Gibeọni tọn lẹ, po Mizpa tọn lẹ po, jlado, he yín ofìn otògán lọ tọn to otọ́ gododọ̃n.

⁸ Awetọsẹpọ́ e de wẹ Uziẹli visunnu Halhaia tọn, sikayawàtọ lẹ lọ, jlado. Podọ awetọsẹpọ́ e de wẹ Hanania dopo sọn anàhọ̀tọ lẹ mẹ jlado, yé sọ li Jelusalẹm yèdọ jẹ adó gbigblo lọ kòn.

⁹ Podọ awetọsẹpọ́ fie wẹ Lefaia visunnu Huli tọn lọ, ogán odá awlomẹ Jelusalẹm tọn lọ tọn jlado.

¹⁰ Awetọsẹpọ́ yé wẹ Jedaia visunnu Halumafi tọn lọ jlado, yèdọ pannukọn owhé etọn. Podọ awetọsẹpọ́ e de wẹ Hatusi visunnu Hasabneia tọn lọ jlado.

¹¹ Malkija visunnu Halimi tọn lọ, po Hasubi visunnu Pahati-moabi tọn lọ po, jla mimá devo do, po atòhò ozòhó lẹ lọ tọn po.

¹² Podọ awetọsẹpọ́ e de wẹ Ẹalumi visunnu Halohẹsi tọn lọ, ogán odá owlomẹ Jelusalẹm tọn lọ tọn, ewọ po viyọnnu etọn lẹ po jlado.

¹³ Agbadòmẹ hóngboji wẹ Hanuni, po tòmẹnu Zanoa tọn lẹ po jlado; yé dó e, bo sọ zé ohọ́n etọn lẹ dote, sẹ́hlo etọn, po họ̀nglatin etọn lẹ po, awàgbà fọtọ́n sọn adó lọ go jẹ ogbó họ́ngboji lọ.

¹⁴ Ogbó họ́ngboji lọ wẹ Malkija visunnu Lekabi tọn lọ, ogán awlomẹ Beti-hakelẹmi tọn lọ tọn jlado; é dó e, bo sọ zé ohọ̀n etọn lẹ dote, sẹ́hlo etọn lẹ, po họ̀nglatin etọn lẹ po.

¹⁵ Po asisa hóngboji lọ po wẹ Ṣalumi visunnu Kọli-hozẹ tọn lọ, ogán awlomẹ Mizpa tọn lọ tọn jlado; é dó e, bo sọ ṣinyọnnúdo e, bo zé ohọ̀n etọn lẹ dote, sẹ́hlo etọn lẹ, po họ̀nglatin etọn lọ po, po adó otándò Ṣela tọn tọn po to ojipa ahọlu lọ tọn dali, yèdọ jẹ agahẹ́nú he jẹte jei sọn tòdaho Davidi tọn mẹ

¹⁶ To ewọ godo wẹ Nẹhemia visunnu Azbuki tọn lọ, ogán odá owlomẹ Bẹti-zuli tọn tọn lọ jlado jẹ otẹn he pannukọn oyọ́whé Davidi tọn lẹ podọ jẹ otándò he yè basi lọ kòn, podọ jẹ owhé omẹ hlọnhlọnnọ lẹ tọn kòn.

¹⁷ Ewọ godo wẹ Levinu lọ lọ, Lẹhumi visunnu Bani tọn jlado. Awetọsẹpọ́ e de wẹ Hasabia, ogán odá awlomẹ Keila tọn tọn lọ jlado na awlomẹ etọn.

¹⁸ Ewọ godo wẹ mẹmẹsunnu yetọn lẹ jlado, Bawai visunnu Henadadi tọn, ogán odá awlomẹ Keila tọn tọn lọ.

¹⁹ Awetọsẹpọ́ e de wẹ Ezeli visunnu Jeṣua tọn, ogán Mizpa tọn jlado, mimá devo, pannukọn jihẹ́ jei jẹ ohọ̀ awhàngbaja tọn go to kọ̀hiha adó lọ tọn

²⁰ Ewọ godo Baluki visunnu Zabbai tọn yí sọwhiwhe do jla mimá devo do, sọn kóhiha adó lọ tọn jẹ ohọ̀n owhé Eliasibi ogán yẹwhenọ lọ tọn kọ̀n.

²¹ Ewọ godo wẹ Mẹlẹmoti visunnu Ulia tọn lọ visunnu Hakọzi tọn lọ jla mimá devo do, sọn ohọ̀n owhé Eliasibi tọn kọ́n yèdọ jẹ opòdo owhé Eliasibi tọn tọn.

²² To ewọ godo wẹ yẹwhenọ lẹ jlado, omẹ Danfafaji tọn lẹ.

²³ To yé godo wẹ Bẹnjamini po Haṣubi po jlado pannukọn owhé yetọn. To yé godo wẹ Azalia visunnu Maaseia tọn visunnu Anania tọn lọ jlado gọ́na owhé etọn titi.

²⁴ To ewọ godo wẹ Binnui visunnu Henadadi tọn jla mimá awetọ do, sọn ohó Azalia tọn kòn jẹ kòhiha adó tọn lọ, podọ jẹ lọnglọnẹnmẹ.

²⁵ Palali visunnu Uzai tọn jlado pannukọn kọ̀hiha adó tọn lọ, po atọ̀họ̀ he nọte tọ́n sọn ohọ̀ agatọn ahọlu tọn lọ, he tin to akànmaho ahọluwhàn tọn lọ dali. To ewọ godo wẹ Pedaia visunnu Palosi tọn jlado.

²⁶ (Dinvie Nẹtinimi lẹ nọ nó Ofẹli mẹ jẹ otẹn pànnukọn osìn họ́ngboji hlan whèzẹtẹn dali po atọ̀họ̀ lọ he nọte tọ́n po.)

²⁷ To ewọ godo wẹ Tekoinu lẹ jla mimá dèvo do, pànnukọn atọ̀họ̀ daho lọ he nọte tọ́n, podọ jẹ adó Ofẹli tọn kọ́n.

²⁸ To osé lọ họ́ngboji aga wẹ yẹwhenọ lẹ jlado, omẹ dopodopo pànnukọn owhé etọn titi.

²⁹ To yé godo wẹ Zadọki visunnu Immeli tọn jlado pànnukọn owhé etọn titi. Podọ to ewọ godo wẹ Ṣemaia visunnu íjekania tọn hihótọ hòngbo whèzẹtẹn tọn lọ jlado.

³⁰ To ewọ godo wẹ Hanania visunnu Ṣẹlemia tọn, po Hanuni po visunnu ṣidopotọ Zalafi tọn lọ sọ jla mimá dẽvo do. To ewọ godo wẹ Mẹṣulami visunnu Bẹlekia tọn lọ jlado pànnukọn abòmẹ etọn.

³¹ To ewọ godo wẹ Malkija dopo sọn sikayawàtọ lẹ mẹ jlado jẹ ohọ́ Nẹtinimi lẹ tọn kọ́n, podọ sọn ajọ́tọ lẹ mẹ, pànnukọn họ́ngbo Hamifikadi tọn, podọ jẹ jeiaga lọnglọnẹn lọ tọn.

³² Podọ to jeiaga lọnglọnẹn lọ tọn po lẹngbọ họ́ngboji lọ po ṣẹnṣẹn wẹ sikayawàtọ lẹ po ajọ́tọ lẹ lọ po jlado.