NẸHEMIA 12 - BIBLU WIWE LỌ 1923

¹ DINVIE ehelẹ̃ wẹ yẹwhenọ lẹ po Levinu lẹ lọ po he hẹji yì po Zelubabẹli visunnu Sealtlẹli tọn lọ po, po Jeṣua po, Selaia, Jẹlemia, Ẹzla;

² Amalia, Maíuki, Hatusi;

³ Sekẹma, Lẹhumi, Melẹmọti;

⁴ Iddo, Ginnetọi, Abija;

⁵ Mijamini, Maadia, Bilga;

⁶ Ṣemaia, po Jọialibi po, Jedaia;

⁷ Salu, Amọki, Hilkia, Jẹdaia. Ehelẹ̃ wẹ ogán yẹwhenọ lẹ tọn po mẹmẹsunnu yetọn lẹ tọn po to azán Jeṣua tọn lẹ mẹ.

⁸ Humọ Levinu le lọ: Jeṣua, Binnui, Kadiniẹli, Selẹbia, Juda, po Matania po, he tin to avọ́ nunina pẹ́dido tọn lẹ ji, ewọ po mẹmẹsunnu etọn lẹ po.

⁹ Bakbuluà ga po Unnọ po, mẹmẹsunnu yetọn lẹ, tin to titegbè na yé to hihọ́ lẹ mẹ.

¹⁰ Jeṣua wẹ so ji Jọiakimi, Jọiakimi sọ ji Eliasibi, Eliasibi sọ ji Jọiada,

¹¹ Joiada sọ ji Jonatani, Jonatani sọ ji Jadua.

¹² Yẹwhenọ lẹ sọ tin to azán Jọiakimi tọn lẹ mẹ, nukọntọ owhé otọ́ lẹ tọn lẹ tọn: sọn Selaia mẹ, Melaia; sọn Jẹlemia mẹ, Hanania;

¹³ sọn Ẹzla mẹ, Mẹṣulami; sọn Amalia me, Jehohanani;

¹⁴ sọn Maluki mẹ, Jonatani; sọn Sebania mẹ, Josẹfu;

¹⁵ sọn Halimi mẹ, Adna; sọn Mẹlaioti mẹ, Hẹlkai;

¹⁶ sọn Iddo mẹ, Zekalia; sọn Ginnẹtọni mẹ, Mẹṣulami;

¹⁷ sọn Abija mẹ, Zikli; sọn Miniamini mẹ, sọn Moadia mẹ, Piitai;

¹⁸ sọn Bilga mẹ, Ṣamua; sọn Ṣemaia mẹ, Jehonatani;

¹⁹ podọ sọn Joialibi mẹ, Metẹnai; sọn Jedaia mẹ, Uzi;

²⁰ sọn Salai mẹ, Kalai; sọn Amọki mẹ, Ebeli;

²¹ sọn Hilkia mẹ, Hasabia; sọn Jedaia mẹ, Nẹtanẹli.

²² Levinu lẹ lọ to azán Eliasibi tọn lẹ mẹ, Jọiada, po Johanani po, po Jadua po, wẹ yè do yíflin nukọntọ owhé otọ́ lẹ tọn tọn: yẹwhenọ lẹ ga, to ahọludu Daliusi Pẹlṣianu lọ tọn mẹ.

²³ Visunnu Levi tọn lẹ, nukọntọ owhé otọ́ lẹ tọn tọn lẹ, wẹ yè wlan do owé otànnugbo lẹ tọn mẹ, yèdọ kakajẹ azán Johanani visunnu Eliasibi tọn ton lẹ mẹ.

²⁴ Podọ ogán Levinu lẹ tọn lẹ: Hasabia, Selebia, po Jeṣua visunnu Kadiniẹli tọn po, po mẹmẹsunnu yetọn lẹ po pànnukọn yé, nado nọ pà bo sọ nọ na opẹ́ lẹ kẹdẹdi gbèdide Davidi omẹ Jiwheyẹwhe tọn lọ tọn, hihọ́ pànnukọn hihọ́.

²⁵ Matania, po Bakbukia po, Obadia, Mẹṣulami, Talmọni, Akubi, wẹ họ̀njinọtọ lẹ he to hihó go pọ́n to agbànhò hòngbo lẹ tọn lẹ ji.

²⁶ Ehelẹ tin to azán Jọiakimi visunnu Jeṣua tọn tọn lẹ mẹ, visunnu Jozadaki tọn lọ, podọ to azán Nẹhemia otògán lọ tọn lẹ mẹ, po Ẹzla yẹwhenọ wékantọ lọ tọn po.

²⁷ To klándowìwe adó Jelusalẹm tọn tọn whenu wẹ yé din Levinu lẹ sọn otẹn yetọn lepo mẹ, nado hẹn yé wá jẹ Jelusalẹm, nado yí homehùn do payi klándowiwe lọ go, po pẹ́dido lẹ po, po hànjiji po, po ajògàn lẹ po, asiazón hànjinu lẹ, po ajalẹn lẹ po.

²⁸ Visunnu hànjitọ lẹ lọ tọn lẹ sọ bẹ́ yéde pli dopọ, tọ́n sọn danfáfá ji lẹ́do Jelusalẹm, podọ sọn gbeta Netofitinu lẹ tọn lẹ mẹ;

²⁹ sọn Bẹtigilgali mẹ ga, podọ tón sọn danji Geba po Azmavẹ po tọn lẹ mẹ: na hànjitọ lẹ lọ ko do gbeta lẹ na ye lẹ́do Jelusalẹm pó.

³⁰ Yẹwhenọ lẹ po Levinu lẹ po sọ lẹ́ yéde wé; yé sọ lẹ̀ gbẹtọ lẹ wé, po hòngbo lẹ lọ po, po adó lẹ lọ po.

³¹ Whenẹnu we yẹn hẹn ahọvi Juda tọn lẹ hẹji wá to adó lọ ji, bo sọ dè ogbẹ́ daho awe he to opẹ́ lẹ na bo sọ to yìyì to titò mẹ; fietọn ode to yìyì to alọ adusi go to adó lọ ji hlan ogbóji họ̀ngbo lọ dali:

³² podọ to yé godo wẹ Hosaia to yìyì, po odá po sọn ahọvi Juda tọn lẹ mẹ,

³³ po Azalia po, Ẹzla, po Mẹṣulami po,

³⁴ Juda, po Bẹnjamini po, po Ṣemaia po, po Jẹlemia po,

³⁵ podọ mẹdẽlẹ sọn visunnu yẹwhenọ lẹ tọn lẹ mẹ po opẹ́n lẹ po: Zekalia visunnu Jonatani tọn lọ, visunnu Ṣemaia ton lọ, visunnu Matania tọn lọ, visunnu Mikaia tọn lọ, visunnu Zakuli tọn lọ, visunnu Asafi tọn lọ;

³⁶ po mẹmẹsunnu etọn lẹ po, ṣẹmaia, po Azalẹli po, Milalai, Gilalai, Maai, Netanẹli, po Juda po, Hanani, po nuzinzán hànjinu Davidi omẹ Jiwheyẹwhe tọn tọn lẹ po; Ẹzla wékantọ lọ sọ tin to yé nukọn:

³⁷ podọ to asisa hóngboji dali, podọ to yé nukọn titegbè, wẹ yé nọ gbọn hẹji yì to aila tòdaha Davidi tọn tọn dali, to hihẹji yì adó lọ tọn, to aga ohọ̀ Davidi tọn, yèdọ jẹ osìn họ́ngboji hlan whèzẹtẹn dali.

³⁸ Podọ ogbẹ́ yé tọn awetọ he to opẹ́ lẹ na yì nado pa yé, podọ yẹn to yé godo, po odá gbẹtọ lẹ tọn po, to adó lọ ji, to aga atòhó zohò lẹ tọn ji, yèdọ jẹ adó gbigblo lọ kòn;

³⁹ podọ to aga họ̀ngbo Eflaimi tọn ji, podọ to họ̀ngbo hóhó lọ dali, podọ to owhèvi họ́ngbo lọ dali, po atọ̀họ́ Hananẹli tọn po, po atọ́nó Hamea tọn po, yèdọ jẹ lẹngbọ họ́ngbo lọ ji: yé sọ ṣite gun to hóngbo ahọluwhàn tọn lọ mẹ.

⁴⁰ Mowẹ ogbó yé tọn awe lẹ he to opó lẹ na to ohọ̀ Jiwheyẹwhe tọn mẹ ṣite, podọ yẹn, po odá ogán lẹ tọn po to dè:

⁴¹ podọ yẹwhenọ lẹ, Eliakimi, Maaseia, Miniamini, Mikaia, Elioenai, Zekalia, po Hanania po, po opẹ́n lẹ po;

⁴² Maaseia, po Ṣemaia po, po Eleazali po, po Uzi po, po Jehohanani po, po Malkija po, po Elami po, po Ezẹli po. Hànjitọ lẹ to hànji lẹ́dó, po Jezlahia nugopọ́ntọ yetọn po.

⁴³ Yé sọ sán avọ́ daho lẹ de to azán nẹ gbè, bo sọ jaya: na Jiwheyẹwhe ko yí ayajijẹ daho do nẹn yé jaya; yọnnusi lẹ ga po yọ̀pọ lẹ po sọ to ayajẹ: sọmọ bọ yè sẹ̀ ayajijẹ Jelusalẹm tọn lọ yèdọ jẹ aganu bóbóe.

⁴⁴ Azán nẹ gbè wẹ yè dè gbẹtọ lẹ do abò lẹ ji na adọkunnu lẹ, na avọ́ nunina zédlanga lẹ, na sinséntintan lẹ, podọ na madao lẹ, nado bépli do yé mẹ, kẹdẹdi ogle tòdaho lẹ tọn lẹ, mimá yè dè gbọn osẹ́n dali lẹ na yẹwhenọ lẹ po Levinu lẹ po: na Juda to ayajẹ na yẹwhenọ lẹ podọ na Levinu he nọ site lẹ.

⁴⁵ Yé sọ to ayipa hihọ́ Jiwheyẹwhe yetọn tọn go, po hihọ́ klándowiwe tọn po, mọwẹ hànjitọ lẹ po họ̀njinọtọ lẹ po to wiwà do kẹdẹdi gbèdide Davidi tọn, po Sọlọmọni visunnu etọn tọn po.

⁴⁶ Na to azán Davidi po Asafi po tọn lẹ mẹ sọn hóhó ogán hànjitọ lẹ tọn de podọ ohàn pipà tọn lẹ po opó po tin hlan Jiwheyẹwhe.

⁴⁷ Islaeli lẹpo to azán Zelubabẹli tọn lẹ mẹ, podọ to azán Nẹhemia tọn lẹ mẹ nọ na mimá hànjitọ lẹ po hònjinọtọ lẹ po tọn lẹ, dile azán dopodopo biọ do: yé sọ lẹ́wé na Levinu lẹ; Levinu lẹ sọ lẹ́wé na visunnu Aalọn tọn lẹ.