NẸHEMIA 11 - BIBLU WIWE LỌ 1923

¹ AHOVI gbẹtọ lẹ tọn lẹ sọ nọ nọ̀ Jelusalẹm mẹ: pipòtọ gbẹtọ lẹ tọn ga sọ dèvò lẹ, nado hẹn omẹ dopo sọn ao mẹ wá nado nọ nò Jelusalẹm tòdaho wiwe lọ mẹ, podọ ṣinẹnnẹ he pò lẹ to tòdaho dèvo lẹ mẹ.

² Gbẹtọ lẹ sọ dona omẹ he yí ojlo do jó yéde nado nó Jelusalẹm mẹ lẹpo,

³ Dinvie ehelẹ wẹ ogán gbeta tọn lẹ he nọ nọ̀ Jelusalẹm mẹ: ṣigba to tòdaho Juda tọn lẹ mẹ wẹ omẹ dopodopo nọ nọ̀ nutindo etọn mẹ to tòdaho yetọn lẹ mẹ, nado dọ, Islaeli lẹ, yẹwhenọ lẹ, po Levinu lẹ po, po Netinimi lẹ po, po ovi mẹmẹsi Sọlọmọni tọn lẹ tọn lẹ po.

⁴ Podọ to Jelusalẹm mẹ mẹdẽlẹ sọn ovi Juda tọn lẹ mẹ nọ nọ̀, podọ sọn ovi Bẹnjamini tọn lẹ mẹ Sọn ovi Juda tọn lẹ mẹ: Ataia visunnu Uzia tọn lọ, visunnu Zekalia tọn lọ, visunnu Amalia tọn lọ, visunnu Sẹfatia tọn lo, visunnu Mahalaleli tọn lọ, sọn ovi Pelezi tọn lẹ mẹ;

⁵ po Maaseia visunnu Baluki tọn lọ po, visunnu Koli-hoze tọn lọ, visunnu Hazaia tọn lọ, visunnu Adaia ton lọ, visunnu Joialibi tọn lọ, visunnu Zekalia tọn lọ, visunnu Ṣiloninu lọ tọn.

⁶ Visunnu Pelẹzi tọn lẹpo he nọ nọ Jelusalẹm mẹ lẹ yín omẹ hlọnhlonnọ fowekandekoatọ́nnukunatọ̀n.

⁷ Ehelẹ sọ wẹ visunnu Benjamini tọn lẹ: Salu visunnu Mẹṣulami tọn lọ, visunnu Joẹdi tọn lọ, visunnu Pẹdaia tọn lọ, visunnu Kolaia tọn lọ, visunnu Maaseia tọn lọ, visunnu Itiẹli tọn lọ, visunnu Jẹsaia tọn lọ.

⁸ Podọ to godo etọn Gabbai, Salai, fenẹkantọ̀nsinatọ̀n.

⁹ Joẹli visunnu Zakli tọn wẹ nugopóntọ yetọn: podo Juda visunnu Hasenua tọn lọ wẹ meawetọ to tòdaho lọ ji.

¹⁰ Sọn yẹwhenọ lẹ mẹ: Jedaia visunnu Joialibi tọn, Jakini,

¹¹ Selaia visunnu Hilkia tọn lọ visunnu Mẹṣulami tọn lọ, visunnu Zadọki tọn lọ, visunnu Mẹlaioti tọn lọ, visunnu Ahitubi tọn lọ, ogán ohọ̀ Jiwheyẹwhe tọn tọn,

¹² po mẹmẹsunnu yetọn lẹ po he nọ wà azón ohò lọ tọn lẹ, fenẹkònukunawe: po Ádaia visunnu Jelohami tọn lọ po, visunnu Pẹlalia tọn lọ, visunnu Amzi tọn lọ, visunnu Zekalia tọn lọ, visunnu Pashuli tọn lọ, visunnu Malkija tọn lọ,

¹³ po mẹmẹsunnu etọn lẹ po nukọntọ owhé otọ́ lẹ tọn tọn lẹ fọdekandenukunawe: po Amassai visunnu Azaleli tọn lọ po, visunnu Ahzai tọn lọ, visunnu Mẹsilẹmoti tọn lọ, visunnu Immẹli tọn lọ,

¹⁴ po mẹmẹsunnu yetọn lẹ po, omẹ hlọnhlọnnọ tudido tọn lọ kantọ̀nsinatọ̀n: podọ nugopóntọ yetọn wẹ Zabdiẹli, visunnu Hagedolimi tọn lọ.

¹⁵ Podọ sọn Levinu lẹ mẹ; Ṣemaia visunnu Hasubi tọn lọ, visunnu Azlikami tọn lọ, visunnu Hasabia tọn lọ, visunnu Buni tọn lọ;

¹⁶ podọ Sabetai po Jozabadi po, sọn ogán Levinu lẹ tọn mẹ, mẹhe tindo núgopọ́n azọ́nwà gbonu dali ohọ̀ Jiwheyẹwhe tọn lọ tọn;

¹⁷ po Matania visunnu Mika tọn po, visunnu Zabdi tọn lọ, visunnu Asafi tọn lọ, mẹhe yín ogán nado ṣẹ̀ avọ́ nunina pénina tọn to odẹ̀ mẹ, po Babukia po, mẹawetọ to mẹmẹsunnu etọn lẹ ṣẹnṣẹn; po Abda visunnu Ṣamua tọn lọ po, visunnu Galali tọn, visunnu Jedutuni tọnlọ.

¹⁸ Levinu lẹpo to tòdaho wiwe lọ mẹ yín fọdekanwenukunẹnẹ.

¹⁹ Huganmọ hònjinọtọ lẹ, Akubi, Talmọni, po mẹmẹsunnu yetọn lẹ po, he hẹn nuhihó go to hòngbo lẹ ji, yín kantọ̀nnukunawe.

²⁰ Podọ pipòtọ Islaeli tọn, sọn yẹwhenọ Levinu lẹ mẹ, tin to tòdaho Juda tọn lẹpo mẹ omẹ dopodopo to gúdùnú etọn mẹ.

²¹ Ṣigba Netinimi lẹ nọ nọ̀ Gfẹli mẹ: Ziha po Gispa po tintò Netinimi lẹ lọ ji.

²² Nugopọ́ntọ lẹ ga sọn Levinu lẹ mẹ to Jelusalẹm wẹ Uzi visunnu Bani tọn lọ, visunnu Hasabia tọn lọ, visunnu Matania tọn lọ, visunnu Mika tọn lọ, sọn visunnu Asafi tọn lẹ mẹ, hànjitọ lẹ lọ, to azọ́nwà ohọ̀ Jiwheyẹwhe tọn tọn ji.

²³ Na gbèdide de tin sọn ahọlu lọ de gbọn yé tọn dali, po núwleawuna de po na hànjitọ lẹ lọ, dile azán dopodopo biọ do.

²⁴ Podọ Petahia visunnu Mẹsezabẹli tọn lọ, sọn ovi Zela tọn lẹ mẹ visunnu Juda tọn lọ, wẹ to alọ ahọlu lọ tọn ji to whẹ́hó lẹpo mẹ gbọn gbẹtọ lẹ lọ tọn dali.

²⁵ Podọ na gbeta lẹ, po ogle yetọn lẹ po, mẹdẽlẹ sọn ovi Juda tọn lẹ mẹ nọ nò Kiliati-alba mẹ po otò etọn lẹ po, podọ to Dibọni mẹ po otò etọn lẹ pọ, podọ to Jekabzeẹli mẹ po gbeta ẹtọn lọ po;

²⁶ podọ to Jeṣua mẹ, podọ to Molada mẹ, po Bẹti-pẹleti po;

²⁷ podọ to Hazali-sua mẹ, podọ to Beẹli-seba mẹ po otò etọn lẹ po;

²⁸ podọ to Ziklagi mẹ, podọ to Mẹkona mẹ podọ to otò etọn lẹ mẹ;

²⁹ podọ to Eni-limmọni mẹ, podọ to Zola mẹ, podọ to Jalmuti mẹ;

³⁰ Zanva, Adulami, po gbeta yetọn lẹ po, Lakisi po ogle etọn lẹ o, Azeka po otò etọn lẹ po. Mowẹ yé osla sọn Beẹli-seba mẹ jẹ agbàdo Hinnọmi tọn mẹ.

³¹ Ovi Bẹnjamini tọn lẹ ga nọ nọ̀ sọn Geba mẹ hlannukọn, to Mikinasi po Aija po, podọ to Bẹti-ẹli po otò etọn lẹ po;

³² to Anatoti, Nobi, Anania;

³³ Hazoli, Lama, Gitaimi;

³⁴ Hadidi, Zeboimi, Nẹbalati;

³⁵ Lọdi, po Ono po, ágbàdo anàwàtọ lẹ tọn.

³⁶ Podọ sọn Levinu lẹ mẹ yè hẹn okànta dẽlẹ to Juda mẹkọ̀ndopọ hlan Bẹnjamini.