NẸHEMIA 10 - BIBLU WIWE LỌ 1923

¹ DINVIE enẹlẹ he dọtufó lẹ wẹ, Nẹhemia Tilsata lọ, visunnu Hakalia tọn, po Zẹdekia po;

² Selaia, Azalia, Jẹlemia;

³ Pashuli, Amalia, Malkija;

⁴ Hatusi, Ṣebania, Maluki;

⁵ Halimi, Melẹmoti, Obadia;

⁶ Daniẹli, Ginetọni, Baluki;

⁷ Mẹṣulami, Abija, Mijamini;

⁸ Maazia, Bilgai, Ṣemaia: ehelẹ wẹ yẹwhenọ lẹ.

⁹ Podọ Levinu lẹ: yínylọ, Jeṣua visunnu Azania tọn, Binui sọn visunnu Henadadi tọn lẹ mẹ, Kadiniẹli;

¹⁰ po mẹmẹsunnu yetọn lẹ po, Ṣebania, Hodia, Kẹlita, Pelaia, Hanani;

¹¹ Mika, Lẹhobi, Hasabia:

¹² Zakuli, Ṣelebia, Ṣebania;

¹³ Hodia, Bani, Bẹnnu.

¹⁴ Nukọntọ gbẹtọ lẹ tọn lẹ: Palosi, Pahati-moabi, Elami, Zatu, Bani;

¹⁵ Buni, Azgadi, Bebai;

¹⁶ Adonjja, Bigvai, Adini;

¹⁷ Ateli, Hẹzekia, Azuli;

¹⁸ Hodia, Hasumi, Bezai;

¹⁹ Halifi, Anatoti, Nobai;

²⁰ Magpiasi, Mẹṣulami, Hezili;

²¹ Mẹsezabeli, Zadọki, Jadua;

²² Pẹlalia, Hanani, Anaia;

²³ Hosea, Hanania, Hasubi;

²⁴ Halohẹsi, Pilha, Ṣobeki;

²⁵ Lehumi, Haṣabna, Maaseia;

²⁶ po Ahia po, Hanani, Anani;

²⁷ Maluki, Halimi, Baana.

²⁸ Po pipòtọ gbẹtọ lẹ tọn po, yẹwhenọ lẹ, Levinu lẹ hònjinọtọ lẹ, hànjitọ lẹ, Nẹtinimi lẹ, po yé he ko klán yéde dovò lẹpo po sọn akọta aigba lọ lẹ tọn mẹ hlan osẹ́n Jiwheyẹwhe tọn, asi yetọn lẹ, visunnu yetọn lẹ, po viyọnnu yetọn lẹ po, omẹ dopodopo he tindo oyọnẹn po wùntùntùn po;

²⁹ yé sẹ̀bọ̀ do mẹmẹsunnu yetọn lẹ de, mẹgbõgbo yetọn lẹ, bo biọ dẹ̀hodo de mẹ, po whiwhle de po mẹ, nado nọ zinzọnlin to osẹ́n Jiwheyẹwhe tọn mẹ, he yè na gbọn Moṣe mẹmẹsi Jiwheyẹwhe tọn lọ dali, podọ nado nọ payi podọ nado nọ basi gbèdide OKLUNỌ Jiwheyẹwhe mítọn tọn, po whẹ̀dida etọn lẹ po po osẹ́ndai etọn lẹ po;

³⁰ podọ na mìwlẹ ma na do na viyọnnu mítọn lẹ hlan akọta aigba lọ tọn lẹ gba, kavi yí viyọnnu yetọn lẹ na visunnu miton lẹ:

³¹ podọ eyín akọta aigba lọ tọn lẹ hẹn núsisa kavi núdùdù depope wá to gbojẹzángbè nado sà, wẹ mìwlẹ ma na họ̀ sọn yé si to gbojẹzángbè gba, kavi to azán wiwe de gbè: podọ míwlẹ na jó owhè ṣinawetọ do, po bibiọ ahọ depope tọn po.

³² Mí sọ basi ogbèdai lẹ ga na ni, nado yí dadatòn, ṣekẹli de tọn na sinsẹ̀n ohọ̀ Jiwheyẹwhe mítọn tọn tọn do doahọkọna mìde to whèmẹwhèmẹ;

³³ na akla-adlọ lọ, podọ na avọ́ nunina jinulili whẹwhẹ tọn, podọ na avọ́ nunina mimẹ̀ whẹwhẹ́ tọn, gbọjẹzán lẹ tọn, osùn yọ́yọ́ lẹ tọn, na hùnwhẹ dido lẹ, podọ na onú wiwe lẹ, odọ na avọ́ nunina ylando tọn lẹ nado asi ovẹ̀sè na Islaeli, podọ na azọ́n ohọ̀ Jiwheyẹwhe mítọn tọn tọn lẹpo.

³⁴ Mí sọ dèvò lẹ, yẹwhenọ lẹ, Levinu lẹ, po gbẹtọ lẹ po, na avọ́ nunina naké tọn, nado hẹn ẹn wá biọ ohọ̀ Jiwheyẹwhe mítọn tọn mẹ, kẹdẹdi owhé otọ́ mítọn lẹ tọn lẹ, to ojlẹ didè lẹ ji, to whèmewhème, nádo nọ mẹ̀ to agbà OKLUNỌ Jiwheyẹwhe mítọn tọn ji, dile yè wlan ẹn to osẹ́n mẹ do:

³⁵ podọ nado hẹn sinsẹ́ntintan aigba mítọn tọn lẹ wá, po sinsẹ́ntintan sinsẹ́n alọpalọpa atin lẹ tọn lẹpo po, to whèmẹwhèmẹ jẹ ohọ̀ OKLUNỌ tọn mẹ:

³⁶ plọ́nji visunnu mítọn lẹ tọn ga, po whékanlin mítọn tọn po, dile yè wlan ẹn to osẹ́n mẹ do, po plọ́nji kanlinpa mítọn tọn lẹ po, po lẹngbọpa mítọn lẹ tọn po, nado nọ hẹn wá do ohọ́ Jiwheyẹwhe mítọn tọn mẹ, jẹ yẹwhenọ he to devizọ́nwà to ohò Jiwheyẹwhe mítọn tọn mẹ de:

³⁷ podọ mí nado nọ hẹn sinsẹ́ntintan linfinhihò mítọn tọn lẹ wá, po avọ́ nunina mítọn zédlanga tọn lẹ po, podọ sọn sinsẹ́n alọpalọpa atin lẹ tọn lẹpo po, ovẹ̃n po amì po jẹ yẹwhenọ lẹ de, do abò ohọ̀ Jiwheyẹwhe mítọn lọ tọn tọn mẹ; po madao aigba mítọn tọn jẹ Levinu lẹ de; na yé, Levinu lẹ nọ yí madao lẹ to tòdaho oglegbo mítọn tọn lẹpo mẹ.

³⁸ Podọ yẹwhenọ visunnu Aalọn tọn lọ na tin to Levinu lẹ de, whenuena Levinu lẹ to madao lẹ yí: Levinu lẹ na nọ hẹn madao sọn madao lẹ mẹ hẹji wá jẹ ohọ̀ Jiwheyẹwhe mítọn tọn mẹ, do abò lẹ mẹ, biọ agbàn hòmẹ.

³⁹ Na ovi Islaeli tọn lẹ po ovi Levi tọn lẹ po wẹ nọ hẹn avọ́ nunina zédlanga tọn, ogbadó tọn, ovẹ̃n tọn, amì tọn, do abò lẹ mẹ, fie nuzinzán fiwiwe tọn lẹ te, po yẹwhenọ he to devizónwà lẹ po, po hònjinọtọ lẹ po, po hànjitọ lẹ po: podọ mìwlẹ ma na gbẹ́ ohó Jiwheyẹwhe mítọn tọn lọ dai gba.