LOMUNU LẸ 4 - BIBLU WIWE LỌ 1923

¹ BE etẹwẹ mí na dọ lò dọ Ablaham otọ́ mìtọn na agbasalan go tọn mọyí?

² Na eyín yè sùwhẹna Ablaham sọn azón mẹ, é tindo ofi na doawagun te; ṣigba é ma yín hlan Jiwheyẹwhe dali gba.

³ Na etẹwutu wẹ Owé wiwe dọ? Ablaham yí Jiwheyẹwhe se, yè sọ hia ẹ hlan ẹn na dódó.

⁴ Hlan ewọ he wàzón yè ma hia ale lọ na ojọmiọn tọn gba, ṣigba ahó tọn wẹ.

⁵ Ṣigba hlan ewọ he ma wàzóh, ṣigba bo to ewọ he sùwhẹna mẹylankan yise, yè hia etọn na dódó.

⁶ Dile Davidi papajlẹ odona dawẹ lọ tọn do, mẹhe Jiwheyẹwhe hia dódó hlan matin azọn,

⁷ dọmọ, Donanọ wẹ yé ylanwà mẹhetọn yè jona lẹ, Ylando omẹ he tọn yè súnúdo lẹ.

⁸ Donanọ wẹ dawe lọ, mẹhe Oklunọ ma na hia ylando hlan

⁹ Be lò odona he wá owhẹgbo ji kẹdẹ, kavi owhẹmagbo ji ga? na mí dọ dọ yè hia yise hlan Ablaham na dódó etọn.

¹⁰ Be nawẹ yè hia ẹ do lò? whenuena ewọ tin to owhẹgbo mẹ, kavi to owhẹmagbp mẹ? To owhẹgbo mẹ ma wẹ gba, ṣigba owhẹmagbo mẹ wẹ.

¹¹ Ewọ sọ mọ ohia owhẹgbo tọn yí, hiadonu dódó yise tọn he ewọ tindo whenu yè ma ko gbowhẹ ne na ewọ nido yín oto yé he yise lẹpo tọn, eyín yè ma tlẹ gbowhẹna yé; na yè nido hia dódó hlan yé ga:

¹² podọ otọ́ owhẹgbo tọn hlan yé he ma yín owhẹgbo tọn kẹdẹj ṣigba mẹhe zinzọnlin ga to afọ yise Ablaham otọ mìtọn tọn ji, he ewọ ko tindo whenu yè ma ko gbowhẹ nẹ̃.

¹³ Na opagbe lọ, dọ ewọ ni yín whédutọ aihọn tọn, ma yín hlan Ablaham, kavi hlan okun etọn gbọn osén mẹ gba, adavo gbọn dódó yise tọn mẹ.

¹⁴ Na eyín yé he yín osén tọn lẹ yín whédutọ, yè hẹn yise zùn ovó, opagbe he yè do zùn mado huhlọn:

¹⁵ na osén wẹ nọ wazn homẹgble tọn wutu, na ofi he osén matin te, osenmẹjẹ ma tin to fine.

¹⁶ Na ehe wutu yise tọn wẹ, na e nido tin kedẹdi ojọmiọn tọn; na opagbe nido yín dódo hlan okún lẹpo; é ma yín hlan ehe yín osẹn tọn kẹdẹ ṣigba hlan ehe yín yise Ablaham tọn tọn ga; mẹhe yin otọ mí omẹ pó tọn,

¹⁷ (dile yè wlan ẹn dọ, Yẹn ko yí hiẹ do basi otọ akọta susu tọn) to ewọ he é yise nukọn, yèdọ Jiwheyẹwhe, mẹhe lé osiọ do ogbè, bo sọ ylọ onú nẹlẹ he ma tin taidi yé ko tin.

¹⁸ Mẹhe yise to tódido mẹ jẹagò do tódido go, na ewọ nido lẹzun otọ akọta susu tọn, kẹdẹdi ehe yè dọ, Mọkẹdẹ wẹ okún towe na yin,

¹⁹ Le ewọ mayín madogánnọ to yise mẹ, é ma lẹn agbasa etọn titi he ku dinvie tọn pọ́n gba, whenuena ewọ yín owhè kanweko nkọ, kavi adò kúkú Sala tọn:

²⁰ mọwẹ pinpọ́n hlan opagbe Jiwheyẹwhe tọn, é ma hokò gbọn mayise mẹ gba; ṣigba é sinyẹn gbọn yise mẹ, bo to gigona Jiwheyẹwhe:

²¹ podọ yè hẹn ẹn lódo to ayiha mẹ, do onu he ewọ dopagbe etọn, é tin sọgan nado yibasi ga.

²² Enẹwutu gà wẹ yè hia ẹ hlan ẹn na dódó.

²³ Yè ma wlan ẹn na ewọ dopokẹdẹ tọn wutu gba, dọ yè hia ẹ hlan ewọ;

²⁴ ṣigba na mìwlẹ tọn ga, hlan mẹhe yè na hia ẹ ga, eyín mìwlẹ yí ewọ he zé Jesu Oklunọ mìton tite sọn osiọ lẹ mẹ se:

²⁵ mẹhe yè jo na ylando mìtọn lẹ, bo sọ zetite na owhẹwhẹn mìtọn.