HÓWHÍNWHÉN LẸ 9 - BIBLU WIWE LỌ 1923

¹ NUYỌNẸN ko gbá ohò etọn, É ko pà dòtin etọn ṣinawe.

² E ko hù kanlin etọn; é ko flusọ, ovẹ̃n etọn; E ko té tafo etọn ga.

³ E do awhli etọn lẹ hlan gbonu: E to awhádo to ofi he yì aga otò tọn ji, dọ,

⁴ Mẹdepope he yín wunvinọ ni zé do ofile: Na ewọ he zìnzìn pò na, é dọ hlan ẹn dọmọ.

⁵ Wá dù to núdùdù ṣie mẹ, Bo nù to ovẹ̃n ṣie he yẹn ko flusọ mẹ.

⁶ Gbẹ́ nululu dai, na a ni nọ̀ ogbẹ: Bo sọ nọ zinzọnlin to aliho zìnzìn tọn ji.

⁷ Ewọ he wọhẹ mẹvlẹtọ, yí winyan na ede: Podo ewọ he wọhẹ mẹylankan, yí mẹbadu na ede.

⁸ A wọhẹ mẹvlẹtọ blo, na é nikã gbẹwanna we: Wọhẹ nuyọnẹntọ, é na sọ yiwanna we.

⁹ Na oplón gbẹtọ nuyọnẹntọ, é na sọ to nuyọnẹntọ yín do nukọn: Plón gbẹtọ nugbonọ, é na sọ sudeji to oplọ́n mẹ.

¹⁰ Osi OKLUNỌ tọn wẹ dòdo nuyọnẹn tọn: Nuyọnẹn Wiwenọ Dopo lọ tọn wẹ zìnzìn.

¹¹ Na gbọn dali ṣie wẹ azán towe na to susu do e ji, Owhè ogbẹ̀ towe tọn na sọ to jiji do e ji.

¹² Eyín hiẹ yọnnuìn, hiẹ na yọnnuin na dewe: Ṣigba eyín hiẹ yín mẹvlẹtọ, hiẹ dopokẹdẹ wẹ na hẹn ẹn.

¹³ Akunnanọ wẹ yọnnu nulunọ: Wunvinọ wẹ e ma yón núde, bo ma sọ tunwun núde.

¹⁴ E sinai to họ̀ntonu ohọ́ etọn tọn, To aisinnuji, to ofi he yì oji otò tọn,

¹⁵ Nado nọ ylọ yé he jugbọn finẹ jei lẹ, He to zọnlinzin to aliho yetọn ji jei.

¹⁶ Mẹdepope he yín wunvinọ ni gọ́ do ofi: Mẹhe zìnzìn pò na, é dọ nẹ̃ dọmọ,

¹⁷ Osìn he yè fìn vivi, Núdùdù nugbo tọn sọ yón whanpẹ.

¹⁸ Ṣigba, ewọ ma yọnẹn dọ osiọ lẹ tin to finẹ: Podọ núdùtọ etọn lọ tin to odò odògbo olọn zòdo tọn mẹ.