HÓWHÍNWHÉN LẸ 4 - BIBLU WIWE LỌ 1923

¹ Mì ovi emì, mì sè oplọ́n otọ́ tọn, Mì sọ dayi e go nado yọ́n zìnzìn.

² Na yẹn na na oplọn dagbe mì, Mì gbé osẹ́n ṣie dai blo.

³ Ovi otọ́ ṣie tọn wẹ yẹn, Omẹ kikẹ podọ mẹyiwanna dopo, akan to onọ ṣie nukunmẹ.

⁴ E plọ́n mi ga, bo sọ dọ na mi, Dọmọ gbọ̀ ayiha towe ni hẹn ohó ṣie go: Yí osén ṣie whlá bo nọ ogbẹ.

⁵ Tindo nuyọnẹn, tindo zìnzìn: A wọ̀n blo; mọ a sọ lẹ́ sọn ohó onù ṣie tọn mẹ blo.

⁶ A gbé ẹ dai blo, é na whlẹn we: Yiwan nẹ, é na sọ yí we whlá.

⁷ Dòdo nuyọnẹn tọn wẹ nado tindo nuyọnẹn; Gọna otindo etọn lẹpo, tindo zìnzìn.

⁸ Zé e daga, é na gọalọna we: E na hẹn we wá yẹyi kọ̀n, whenuena hiẹ dọ̀n ẹn do ogo;

⁹ E na yí gbakun whanpẹ tọn de do ota na we: E na yí ojẹ́gbakun gigo tọn do ota na we.

¹⁰ Sè, hiẹ ovi ṣie, bo sọ yí ohó ṣie; Owhè ogbẹ towe tọn nasọ zùn susu.

¹¹ Yẹn ko plọ́n aliho nuyọnẹn tọn we: Yẹn ko plan we gbọn omó jijlọ ji.

¹² Whenuena hiẹ to zọnlinzin aliho towe ma to na ján na otẹn; Whenuena hiẹ to wezundo, hiẹ ma na klẹnafọ.

¹³ Hẹn oplọ́n go gligli, a jo e do blo: Yí i whlá; na ewọ wẹ ogbẹ́ towe.

¹⁴ A biọ omó mẹylankan tọn mẹ blo, A sọ zinzọnlin to ali ylandonọ lẹ tọn ji blo.

¹⁵ Klọ́n ẹn dai, afẹ gbọn ṣẹnṣẹn etọn blo, tọn sọn finẹ, bo yì na dewe.

¹⁶ Na yé ma nọ damlọn adavo yé zán jijọylankan; Amlọn yetọn nọ dá, adavo yé hẹn omẹ jai.

¹⁷ Na yé to núdùdù jijọ ylankan tọn dù, Bo sọ to ovẹ̃n huhlọn tọn nù.

¹⁸ Ṣigba omọ́ nugbonọ tọn taidi hinhọ́n he sé, He to sisẹ́ yì nukọn kaka jẹ okle.

¹⁹ Aliho mẹylankan tọn taidi zinvlu: Yé ma yón onú he yé to agbàli.

²⁰ Ovi ṣie, nọtepọn ohó ṣie; Tùn otó towe ai do ohó ṣie go.

²¹ A dike yé tón sọn nukun towe ji blo: Yí yé whlá to ṣẹnṣẹn ayiha towe tọn.

²² Na ogbẹ́ wẹ yé yín na yé he din yé mọ, Podọ gángánninọ hlan agbasalan lẹpo.

²³ Hú whiwhlá lẹpo, yí otù towe whlá, Na é mẹ wẹ asisa ogbẹ̀ tọn sọn.

²⁴ Hẹn yẹwiwà po nùflo fifìẹ tọn Po dẹn sọn de we.

²⁵ Gbò nukun towe ni to titegbe pọ́n, Na nukunga towe ni nọ pọ́n dín to nukọn towe.

²⁶ Lẹnnu omó towe tọn pọ́n, Gbọ aliho towe lẹpo ni hẹnai.

²⁷ A lẹ́ do adusi kavi do amiyọn blo: Dè afọ towe sọn oylan mẹ.