HÓWHÍNWHÉN LẸ 26 - BIBLU WIWE LỌ 1923

¹ DI kensu to alún mẹ, podọ di jikun to pjẹwhenu, Mọwẹ yẹyi ma jẹ na nulunọ.

² Di awajihẹ́ to dindan etọn mẹ, podọ di agadawhle to zinzlọn etọn mẹ, Mọwẹ dèhòdo ma na wá yaya.

³ Bilala na osé, ogàn na kẹtẹkẹtẹ, Opò na nẹgbé nulunọ tọn.

⁴ A gblọnhóna nulunọ di nululu etọn blo; Na hiẹ lọsu nikã taidi i ga.

⁵ Gblọnhóna nulunọ di nululu etọn, Na é nikã yín nuyọ ẹnto to nukun ede tọn mẹ.

⁶ Ewọ he do owèn gbọn alọ nulunọ Tọn mẹ sán afọ ede tọn sẹ̀, bo sọ sayahẹ ede.

⁷ Le afọ awelẹ hopla do to potẹn go, Mowẹ oló de tẹ to onù nulunọ lẹ tọn mẹ.

⁸ Di mẹhe bla zánnu do akotopẹ mẹ, Mowẹ ewọ he to yẹyi na nulunọ te.

⁹ Di le owun nọ sọ́ alọ na ahànnumunọ, Mowẹ oló de te to onù nulunọ lẹ tọn mẹ.

¹⁰ Jiwheyẹwhe he do onú lẹpo suahọ nulunọ, Bo sọ suahọ ylanwàtọ lẹ.

¹¹ Dile avún nọ gò do oslu etọn mẹ, Mowẹ nulunọ nọ gó do nulu etọn mẹ.

¹² Hiẹ mọ omẹ he yọnnuin to nukun ede tọn mẹ de? Tódido tin na nulunọ hú ì.

¹³ Adidọnọ dọmọ, kinnikinni tin to aliho ji; Kinnikinni tin to tòhòmẹ.

¹⁴ Dile ohọ̀n nọ lẹ́ to aklọ etọn ji, Mọwẹ adidọnọ to adọzan etọn ji.

¹⁵ Adidọnọ yí alọ etọn blá do akón, etọn nu; E vó nẹ̃ nado sọ hẹn ẹn gò wá onù etọn.

¹⁶ Adidọnọ yọnnuin to nukun ede tọn Mẹ hú gbẹtọ ṣinawe he sọgan yí linlẹn do gblọnhó.

¹⁷ Ewọ he juwá jei, bo sọ gblọn do avùn he ma yín etọn mẹ, Taidi mẹde he hẹn otọ́ na avún.

¹⁸ Di alẹdatọ he dlẹn zòwhán, Ogá po okú po;

¹⁹ Mowẹ mẹhe klọ kọmẹnu etọn, Bo sọ dọmọ, Bẹ é ma yín aihunda wẹ nte?

²⁰ Fie nake de ma tin te wẹ miyọn nọ ṣi te; Mọwẹ fie ajandotọ ma tin te avùn nọ doalọte.

²¹ Dile akán te do akán, nake do miyọn; Mowẹ gbẹtọ avùnhotọ te nado da avùn dai.

²² Ohó ajandotọ tọn taidi alán, Yé sọ nọ jẹte yì ohò adọgo tọn mẹ.

²³ Nuflo mimẹ́, po ayiha ylankan po, Taidi ahaya fataka tọn he yè yí ṣinyọn na ozẹ́n.

²⁴ Ewọ he gbẹwan, bo sọ yí nuflo etọn do basi oblu, Na yí oklọ whlá do ohò etọn mẹ.

²⁵ Whenuena é dọhó dagbedagbe, a yí i se blo: Na osùnú ṣinawe wẹ tin to ayiha etọn mẹ.

²⁶ Mẹhe yí oklọ ṣinyọndo wangbẹna etọn, Jijọ ylankan etọn wẹ yè na sọ dèhia to agùn lẹpo nukọn.

²⁷ Mẹdepope he kùn odò na jai do e mẹ, Podọ ewọhe sọ to zànnu bli, eji wẹ é na gó do.

²⁸ Odẹ́ lalo tọn gbẹwanna yé he yè to nukunbia na gbọn e dali lẹ, Onù ovlẹ tọn sọ nọ wàzón dindọn tọn.