HÓWHÍNWHÉN LẸ 19 - BIBLU WIWE LỌ 1923

¹ WAMỌNỌ he to zọnlinzin to nu gbo etọn mẹ, É pónte hú ewọ he to yẹnúwà to nuflo etọn mẹ, bo sọ to nululu basi.

² Humọ, ayiha mado nuyọnẹn, ma yón gbà; Podọ ewọ he hẹn afọ etọn yawu, na jai.

³ Nulu gbẹtọ tọn hẹn aliho etọn gble: Whenẹnu wẹ ayiha etọn gblehomọ do OKLUNỌ go.

⁴ Adọkun dòn họ́ntọn susu: Ṣigba wamọnọ zùn kinklan sọn kọmẹnu etọn de.

⁵ Kunnudetọ lalo tọn ma na yì majiya, Ewọ he sọ to lalodo ma na dù i dòn.

⁶ Mẹsusu na vóvó na nukundagbe ahọvi tọn: Omẹ popo wẹ sọ nọ yín họ́ntọn ewọ he nọ nanumẹ tọn.

⁷ Mẹmẹsunnu wamọnọ tọn lẹpo wẹ nọ gbẹwan nẹ́: Nẹmunẹmu wẹ họ́ntọn etọn lẹ na dẹn do e? E domó na yé gbọn ohó dali, ṣigba yé ma tin.

⁸ Ewọ he yọnnuin, yiwanna ayiha ede tọn: Ewọ he yí zìnzìn whlá na mọ dagbe.

⁹ Kunnudetọ lalonọ ma na yì majiya, Podọ ewọ he sọ to lalodo na dòn.

¹⁰ Onú dagbe ma yọ́n na nulunọ gba; Kavi nẹmunẹmu na devi nado dugán do ahọvi lẹ ji.

¹¹ Zìnzìn gbẹtọ tọn hẹn ẹn whleawu nado gblehomẹ; Gigo etọn sọ wẹ nado dèkọ̀ sọn ylanwà go.

¹² Homẹgble ahọlu tọn taidi lìlì kinnikinni de tọn; Ṣigba nukundagbe etọn taidi ahún to ogbé go.

¹³ Ovi nulunọ wẹ homẹgble otọ̀ etọn tọn: Avùn asi tọn taidi jikun jija.

¹⁴ Owhé po adọkun po wẹ ogú sọn otò lẹ de: Ṣigba asi zìnzìn, sọn OKLUNỌ de wẹ.

¹⁵ Adidọ hẹn omẹ damlọn yì otọ ji: Ayiha adidọ tọn wẹ huvé na hù.

¹⁶ Ewọ he yìn osẹ́n, whlá ayiha ede tọn: Ṣigba ewọ he vlẹ aliho etọn na kú.

¹⁷ Ewọ he wàlẹblanuna wamọnọ, OKLUNỌ wẹ é yàn na: Onú he é wà é na sọ suahọ etọn ẹn.

¹⁸ Hò ovi towe, whenuena tódido tin, A dike ayiha towe gbọ̀ sọn e go na awhá etọn wutu blo.

¹⁹ Homẹgbletọ daho na jiya: Na eyín hiẹ whlẹn ẹn, hiẹ na sọ gọ̀ ẹ wà.

²⁰ Túntóai do linlẹn go, Na a ni sọ yí oplọ̀n, Na hiẹ nido yọnnuin to pòdo towe.

²¹ Linlẹn susu wẹ tin to ayiha gbẹtọ tọn mẹ: Ṣigba linlẹn OKLUNỌ tọn, wẹ ehe na nọte.

²² Jijọ gbẹtọ tọn wẹ dagbe etọn: Gbẹtọ wamọnọ sọ pọnte hú lalonọ.

²³ Osi OKLUNỌ tọn dẹ́ hlan ogbẹ́ dali: Ewọ he tindo e na nọnọ̀ nupékò mẹ; Yè ma na yí oylan do dla ẹ pòn gba.

²⁴ Gbẹtọ adidọnọ yí alọ etọn whlá do akòn etọn nu, É ma sọ sọgan hẹn ẹn wá onù ede tọn mẹ bà.

²⁵ Linu mẹvlẹtọ, wunvinọ na sọ dayi ede go, Sọ wọhẹ ewọ he zìn, é na sọ yòn nuyọnẹn.

²⁶ Ewọ he to kawà do otò etọn go, bo sọ yàn onọ etọn jẹgbonu, Wẹ ovi he to winyan basi, bo sọ hẹn ovlẹ wá.

²⁷ Ovi ṣie, gbò sọn tótùnai do oplọn go ehe Nọ hẹn omẹ buali sọn ohó nuyọnẹn tọn mẹ.

²⁸ Kunnudetọ ylanylan nọ kò whẹ̀dida: Onù mẹylankan tọn sọ zé ylankan mì.

²⁹ Yè wleawu whẹ̀dida tọn dai na mẹvlẹtọ lẹ, Podọ obá na nẹ́gbó nulunọ lẹ tọn.