HÓWHÍNWHÉN LẸ 18 - BIBLU WIWE LỌ 1923

¹ EWỌ HE klan ede do ovò na domó na ojlo ede tọn, Bo sọ diọ avùn nukun sọ́ nudepope he yín zìnzìn tọn.

² Nulunọ ma tindo họmẹhùnhùn do zìnzìn go gba, Adavo dọ ayiha etọn nido do ede hia.

³ Whenuena mẹylankan wá, Whenẹnu wẹ ovlẹ wá, gọ́na ovlẹ winyan.

⁴ Ohó gbẹtọ nù mẹ tọn di osìn sisosiso, Asisawhín nuyọnen tọn di otọ̀ sisa.

⁵ E ma yón nado kuwinyan na mẹylankan, Nado sisẹ́ dódónọ liai to whẹ̀dida mẹ gba.

⁶ Nuflo nulunọ tọn biọ avùn mẹ, Onù etọn sọ nọ ylọ miyọn wá.

⁷ Onù nulunọ tọn wẹ dindọn etọn, Nuflo etọn sọ wẹ omọ́ ayiha etọn tọn.

⁸ Ohó ajandotọ tọn di alán, Yé sọ nọ jẹte yì asabó adọgo tọn.

⁹ Ewọ he whleawu to azọn etọn mẹ, Mẹmẹsunnu de hlan dùvànọ wẹ.

¹⁰ Oyín OKLUNỌ tọn, wẹ ohó gángán: Dódónọ hón biọ e mẹ, bo sọ gán.

¹¹ Adọkunnu adọkunnọ tọn wẹ otò gángán etọn, É sọ taidi dòkọ́ he yìji to ede nukunmẹ.

¹² Jẹnukọnna dindọn, Ayiha gbẹtọ tọn nọ vẹtóli, jẹnukọnna yẹyi wẹ huwhé.

¹³ Ewọ he gblọnhó jẹnukọnna sisè, Nulu po winyan po wẹ nẹ.

¹⁴ Gbigbọ gbẹtọ tọn na doakónna madogán etọn; Ṣigba gbigbọ he hòalán mẹnu wẹ sọgan zé e daga.

¹⁵ Ayiha zìnzìntọ tọn tindo nuyọnẹn: Otọ́ nuyọnẹntọ tọn nọ din nuyọnẹn.

¹⁶ Núnina gbẹtọ tọn nọ din aliho nẹ́, Bo sọ nọ hẹn ẹn wá omẹ gángán lẹ nukọn.

¹⁷ Omẹ tintan to owhẹ́ etọn mẹ nọ taidimẹ owhẹ́ etọn whẹ́n, Ṣigba awetọ etọn wá bo sọ dèdẹ̀ nẹ̀.

¹⁸ Agège hẹn avùn vò, Bo sọ davùn to huhlọntọ lẹ ṣẹnṣẹn.

¹⁹ Mẹmẹsunnu he yè wàylan do, Sinyẹnawuna vivó hú otò dòkọnọ de, Avùn yetọn sọ taidi opátin dòkọ́ tọn.

²⁰ Ohó gbẹtọ tọn wẹ na hẹn homẹ etọn hùn: Jideji nuflo etọn tọn wẹ yè na do gọhò nẹ̃.

²¹ Okú po ogbẹ́ po tim to huhlọn odé tọn mẹ, Yé he sọ to yé zán lẹ na duale etọn.

²² Mẹdepope he mọ asi da, é mọ onú dagbe, Bo sọ mọ nukundagbe sọn OKLUNỌ de.

²³ Wamọnọ nọ to vóvó; Ṣigba adọkunnọ nọ yí fifìẹ do gblọnhó.

²⁴ Ewọ he tindo họ́ntọn lẹ basi i na vivà ede tọn: Họntọn de sọ tin bo sópómẹ hú nọvisunnu.