HÓWHÍNWHÉN LẸ 16 - BIBLU WIWE LỌ 1923

¹ ÀWUWLE ayiha tọn wẹ gbẹtọ tọn, Gbèyíyí odó tọn OKLUNỌ de wẹ é sọn.

² Aliho gbẹtọ tọn lẹpo wẹ wé to nukun ede tọn mẹ; Ṣigba OKLUNỌ to gbigbọ jlẹ.

³ Yí azón towe jo na OKLUNỌ, Yè na sọ hẹn linlẹn towe lẹpo lodo.

⁴ OKLUNỌ ko basi onú popo na ede: Nugbo, mẹylankan lẹ na azán oylan tọn.

⁵ Omẹ he jọ goyítọ to ayiha mẹ, Osùnú de wẹ hlan OKLUNỌ: eyín yè sín alọ do alọ go, é ma na nọ majiya.

⁶ Gbọn lẹblanu po nugbo po dali wẹ yè ṣinyọnnúdo ylando: Podọ gbọn osi OKLUNỌ tọn dali wẹ gbẹtọ fọnyì sọn oylan mẹ.

⁷ Whenuena aliho gbẹtọ tọn jlo OKLUNỌ, Ewọ tlẹ nọ hẹn kẹ̀ntọ etọn lẹ nọ̀hẹ ẹ to jijọho mẹ.

⁸ Onú vude po dódó po, Bọawu hú ale daho matin nugbo.

⁹ Ayiha gbẹtọ tọn to aliho etọn lẹn: Ṣigba OKLUNỌ to afọdide etọn do.

¹⁰ Ohó dọdai tọn tin to nuflo ahọlu tọn ji: Onù etọn ma nọ búali to whẹ̀dida mẹ gba.

¹¹ Ojlẹ podọ nujlẹnu nugbo tọn wẹ OKLUNỌ tọn: Opén apò tọn lẹpo wẹ azón etọn.

¹² Osùnú de wẹ na ahọlu lẹ nado wàylan: Na yè hẹn ofìn lí gbọn dódó dali.

¹³ Nuflo dódó tọn wẹ ayajijẹ ahọlu lẹ tọn; Yé sọ yiwanna ewọ he to ohó dódó dọ.

¹⁴ Homẹgble ahọlu tọn taidi mẹdagun okú tọn: Ṣigba gbẹtọ nuyọnẹntọ wẹ na miọnhomẹ na ẹn.

¹⁵ To hinhọ́n nukun ahọlu tọn mẹ tọn wẹ ogbè te: Nukundagbe etọn sọ taidi aslọ jikun javó tọn.

¹⁶ Nado tindo nuyọnẹn nẹmunẹmu wẹ é do yónhú sika. Podọ nado tindo zìnzìn do pọnte didè hú fataka.

¹⁷ Aligbo nugbonọ lẹ tọn wẹ nado fọ́nyì sọn oylan mẹ: Ewọ he whlá aliho etọn, whlẹn ayiha etọn.

¹⁸ Sakla wẹ nọ jẹnukọnna hùsúdo, Ayiha adingbànnọ nọ jẹnukọnna aijijẹ.

¹⁹ E bọawu nado yín ayiha whìwhẹnọ hẹ wamọnọ lẹ, Hú nado má ogbànna hẹ saklanọ lẹ.

²⁰ Ewọ he yí zìnzìn do basi owhé na mọ dagbe: Mẹhe sọ dotudo OKLUNỌ go, wẹ jijọhonọ.

²¹ Nuyọnẹntọ to ayiha mẹ wẹ yè na ylọ zìnzìntọ: Yivi nuflo tọn sọ nọ hẹn nuyọnẹn sù deji.

²² Zìnzìn wẹ asisa ogbẹ́ tọn hlan ewọ he tindo e: Ṣigba oplón nululunọ tọn nululu wẹ,

²³ Àyiha nuyọnẹntọ tọn plọn onù etọn, E sọ hẹn oplón sù to nuflo etọn ji.

²⁴ Ohó vivi taidi owinjá, é vivi na ayiha, E sọ hẹn ohú jẹ gángán.

²⁵ Aliho de tin he taidimẹ é yón na gbẹtọ, Ṣigba pòdo etọn aliho oku tọn wẹ,

²⁶ Mẹhe wàzón, é wàzón na ede: Na onù etọn wẹ hẹn ẹn basi i.

²⁷ Gbẹtọ ylankan kún oylan jẹgbonu. Podọ ozò he nọ mẹ omẹ tin nuflo etọn ji.

²⁸ Gbẹtọ yẹ́wàtọ do avùn dai: Nuglọhódọtọ sọ klan họ́ntọn do ovò.

²⁹ Gbẹtọ huhlọntọ klọ kọmẹnu etọn, Bo sọ hẹn ẹn yì aliho he ma yón ji.

³⁰ Ewọ he miọnnukun etọn nado lẹn onú yẹwiwà tọn wẹ, Ewọ he há nuflo etọn, é hẹn onú ylankan jọ.

³¹ Ojẹgbakun gigo tọn wẹ ota owhànọ, Eyín yè mọ ẹn to aliho dódó tọn ji.

³² Ewọ he, whleawu nado gblehomẹ, pọnte hú huhlọntọ: Ewọ he sọ dugán to gbigbọ etọn ji, hugán ewọ he yanwhàn oto ton.

³³ Yè wón agège kọ̀n do yẹndawe avọ̀ tọn mẹ: Ṣigba whẹ̀dida etọn lẹpo, OKLUNỌ tọn wẹ.