HÓWHÍNWHÉN LẸ 15 - BIBLU WIWE LỌ 1923

¹ HOGBÈ dẹdẹ nọ lẹ́ homẹgble sẹ̀: Ṣigba ohó sinsinyẹn wẹ nọ fọ́n homẹgble daga.

² Odẹ́ nuyọnẹntọ tọn nọ zán nuyọnẹn dagbe; Ṣigba onù nulunọ tọn kọ̀ nululu jẹgbonu.

³ Nukun OKLUNỌ tọn tin to ofi popo, E to mẹylankan po mẹdagbe lẹ po pọ́n.

⁴ Odẹ́ hẹndogángán tọn wẹ atin ogbẹ́ tọn: Lẹ́gọ̀lẹ́gọ̀ to e mẹ wẹ gbigble ayiha tọn.

⁵ Nulunọ vlẹ oplón otọ́ etọn tọn: Ṣigba èwọ he tùntóai do wọhẹ go, wẹ zìn.

⁶ To owhé dódónọ tọn gbè wẹ adọkunnu susu te: Ṣigba to ajó méyìankan tọn mẹ wẹ tukla te.

⁷ Nuflo nuyọnẹntọ tọn gbà nuyọnẹn pé: Ṣigba ayiha nulunọ tọn ma nọ wà mọ gba

⁸ Avọ́ mẹylankan lẹ tọn osùnú de wẹ hlan OKLUNỌ: Ṣigba odẹ́ nugbonọ lẹ tọn wẹ homẹhùnhùn etọn.

⁹ Aliho mẹylankan lẹ tọn osùnú de wẹ hlan OKLUNỌ: Ṣigba é yiwanna yé he to dódó hodo lẹ

¹⁰ Anademẹ yin homẹhẹngblenu na ewọ he gbé aliho oklonọ tọn dai: Ewọ he sọ gbẹ́ wọhẹ na kú.

¹¹ Okútòmẹ po hùsúdo po hùndai to OKLUNỌ nukọn: Nẹmunẹmu to ayiha ovi gbẹtọ tọn lẹ mọ?

¹² Mẹvlẹtọ ma yiwanna mẹhe to wiwọhẹ ẹ gba: Mọ é ma jei nuyọnẹntọ lẹ de.

¹³ Ayiha homẹvivi tọn hẹn nukunmẹ yón: Ṣigba gbọn awubla ayiha tọn dali, gbigbọ nọ gbàdo.

¹⁴ Ayiha ewọ he zìn tọn nọ tó nuyọnẹn din: Ṣigba onù nulunọ tọn nọ yí nululu do yìn ede.

¹⁵ Azán nukunbianọ tọn lẹpo wẹ oylan: Ṣigba homẹvivinọ to jijọho dù to whepoponu.

¹⁶ Vude po osi OKLUNỌ tọn Po bọawu hú adọkunnu susu po tukla po.

¹⁷ Amànúsọnú to fie owanyi te, Bọawu hú oyin yìndù de podọ wangbẹnamẹ po e po.

¹⁸ Homẹgbletọ fọ́n avùn dote: Ṣigba ewọ he whleawu nado gblehomẹ hẹn avùn gbọ̀.

¹⁹ Aliho adidọnọ tọn taidi ozùn owùn tọn de: Ṣigba aliho dódónọ lẹ tọn mimẹ̀ wẹ.

²⁰ Ovi nuyọnẹntọ basi homẹhùn otọ tọn: Ṣigba gbẹtọ nulunọ vlẹ onọ etọn.

²¹ Nululu wẹ ayajẹ na ewọ he zìnzìn pò na: Ṣigba gbẹtọ zìnzìntọ nọ to zọnlinzin to dódó mẹ.

²² Matin wedido, linlẹn lẹzùn ovó: Ṣigba susugege tohódọtọ lẹ tọn mẹ, yé nọ yi yé hẹnai.

²³ Gbẹtọ tindo ayajijẹ gbọn gbèyíyí onù etọn mẹ tọn dali: Podọ ohó dopo to ojlẹ etọn mẹ, nawẹ é jẹ do.

²⁴ Aliho ogbé tọn tin to aga hlan nuyọnẹntọ Na é nido tón sọn olọn zòdo mẹ to odò.

²⁵ OKLUNỌ na và owhé goyítọ tọn súdo: Ṣigba é na hẹn dògbo asusiọsi tọn sinai.

²⁶ Linlẹn mẹylankan tọn osùnú de wẹ hlan OKLUNỌ: Ṣigba wiwe wẹ ohó vivi to nukọn etọn.

²⁷ Ewọ he to ale mawàdódó tọn dù to tuklado owhé ede tọn; Ṣigba ewọ he gbẹwanna nunina na gán

²⁸ Ayiha dódónọ tọn kanayiha nado gblọn: Ṣigba onù mẹylankan tọn nọ kó onú ylankan jẹgbonu.

²⁹ OKLUNỌ dẹn do mẹylankan lẹ: Ṣigba é nọ sè odó dodónó lẹ tọn.

³⁰ Hinhọ́n nukun tọn hẹn ayiha jaya: Lìnlìn dagbe sọ hẹn ohú dójo.

³¹ Otọ́ he sè wọhẹ ogbó tọn wẹ na nọ nuyọnẹntọ lẹ ṣẹnṣẹn.

³² Ewọ he gbẹ́ oplón, vlẹ ayiha ede tọn: Ṣigba ewọ he sè wọhẹ, è tindo zìnzìn

³³ Osi OKLUNỌ tọn wẹ oplón nuyọnẹn tọn: Podọ jẹnukọnna yẹyi wẹ whiwhé.