HÓWHÍNWHÉN LẸ 14 - BIBLU WIWE LỌ 1923

¹ YỌNNU nuyọnẹntọ lẹpo wẹ nọ gbà ohọ̀ etọn: Ṣigba nulunọ nọ yí alọ etọn do dọ̀n ẹn liai.

² Ewọ he to zọnlinzin to nugbo etọn mẹ dibuna OKLUNỌ; Ṣigba ewọ he basi yẹwiwà to aliho etọn ji, vlẹ ẹ

³ To onu nulunọ tọn mẹ wẹ opò sakla tọn te: Ṣigba nuflo nuyọnẹntọ lẹ tọn na whlẹn yé.

⁴ Fie oyin ma tin te, apó nọ jẹvó: Ṣigba sudeji susu tin to huhlọn oyìnsú tọn mẹ.

⁵ Kunnudetọ nugbonọ ma na dike dolalo: Ṣigba oklọ wẹ kunnudetọ lalonọ nọ dọ jẹgbonu.

⁶ Mẹvlẹtọ to nuyọnẹn din, é ma sọ mọ ẹ: Ṣigba nuyọnẹn ma sinyẹnawu na mẹhe zìn gba.

⁷ Tón sọn nukọn nulunọ tọn, Whenuena hiẹ ma mọ nuflo nuyọnẹn tọn to ohò etọn mẹ.

⁸ Nuyọnẹn mẹzìnzìn tọn wẹ nado yọn aliho etọn: Ṣigba nululu nulunọ lọ tọn wẹ oklọ.

⁹ Nulunọ to whẹgbledo ylando tọn vlẹ: Ṣigba nukundagbe tin to dódónọ lẹ ṣẹnṣẹn.

¹⁰ Ayiha yón vivé ede tọn: Jonọ ma doalọ to ayajijẹ etọn mẹ.

¹¹ Owhé mẹylankan tọn wẹ yè na súdo: Ṣigba gòhọ nugbonọ tọn na yíai:

¹² Aliho de tin he taidimẹ é jlọ to gbẹtọ nukunmẹ, Ṣigba pòdo etọn aliho okú tọn wẹ.

¹³ To nukikò mẹ ayiha nọ blawu ga: Podọ opòdo homẹvivi tọn, nukunbibia wẹ.

¹⁴ Mẹgódogodo to ayiha mẹ yè na hẹn aliho etọn titi pékọ nẹ̃: Ṣigba gbẹtọ dagbe sọn onú he yín etọn mẹ.

¹⁵ Wunvinọ yí ohó popo sè: Ṣigba omẹ zìnzìn jlẹ aliho ede tọn pọ́n talala.

¹⁶ Gbẹtọ nuyọnẹntọ dibu, bo sọ fọ́nyì sọn oylan mẹ: Ṣigba nulunọ glawà, bo sọ gbotu.

¹⁷ Ewọ he nọ yawu gblehomẹ wànu di nulunọ: Gbẹtọ nuflo ylankannọ wẹ yè gbẹwanna.

¹⁸ Wunvinọ lẹ dugú nululu tọn: Ṣigba omẹ zìnzìn lẹ wẹ yè yí nuyọnẹn do ṣinyọn ojẹgbakun na.

¹⁹ Mẹylankan jẹklo to mẹdagbenukọn; Podọ mẹylankan lẹ to hòngbo dódónọ lẹ tọn ji.

²⁰ Yè tlẹ gbẹwanna wamọnọ sọn kọmẹnu etọn si: Ṣigba adọkunnọ tindo họ́ntọn susu.

²¹ Ewọ he vlẹ kọmẹnu etọn wàylan: Ṣigba ewọ he wàlẹblanuna wamọnọ, wẹ jijọhonọ.

²² Be yé he to ayiha ylankan tọn lẹn ma buali lè? Ṣigba lẹblanu po nugbo po na tin na yé he dagbe lẹn lẹ.

²³ To tuklajẹ lẹpo mẹ wẹ ale te: Ṣigba ohódidọ onù mẹ tọn, vọtọ wẹ.

²⁴ Ojẹgbakun nuyọnẹntọ lẹ tọn wẹ adọkun yetọn: Ṣigba nululu nulunọ lẹ tọn nuvọtọ wẹ.

²⁵ Kunnudetọ nugbonọ whlẹn ayiha dai: Ṣigba kunnudetọ oklọ tọn dọhó lalo.

²⁶ To osi OKLUNỌ tọn mẹ wẹ tudido he hlọnhu te; E na sọ yín ofìbótado na ovi etọn lẹ.

²⁷ Osi OKLUNỌ tọn wẹ asisa ogbẹ̀ tọn, Nado fọ́nyì sọn omó okú tọn mẹ.

²⁸ To susugege gbẹtọ tọn mẹ wẹ yẹyi ahọlu tọn te: Ṣigba to matindo gbẹtọ tọn mẹ wẹ gbigbà ahọvi tọn te.

²⁹ Ewọ he whleawu nado gblehomọ, wẹ nuyọnẹn daho tọn, Ṣigba ewọ he nọ yawu gblehomẹ é zé nululu daga.

³⁰ Ayiha zìnzìn glegle wẹ ogbẹ́ agbasa tọn Ṣigba nukunkẹn wẹ gbigble ohú tọn.

³¹ Ewọ he to nukunbiana wamọnọ to Jọtọ etọn vlẹ: Ṣigba ewọ he wàlẹblanuna wamọnọ gbogbé nẹ̃.

³² Yè hù mẹylankan súdo to kanyinylan etọn mẹ: Ṣigba dódónọ tindo tódido to okú etọn mẹ.

³³ Nuyọnẹn hẹnai to ayiha ewọ he zìn tọn mẹ: Ṣigba yè do e hia to ayiha nulunọ lẹ tọn mẹ.

³⁴ Dódó wẹ nọ zé akọta daga: Ṣigba ylando wẹ ovlẹ akọta tọn.

³⁵ Nukundagbe ahọlu tọn tin to devi nuyọnentọ de: Ṣigba homẹgble etọn tin to ewọ he to winyannu wà go.