HÓWHÍNWHÉN LẸ 13 - BIBLU WIWE LỌ 1923

¹ OVI nuyọnẹntọ yí oplón otọ́ etọn tọn: Ṣigba mẹvlẹtọ ma sè wọhẹ.

² Gbẹtọ na dù dagbe gbọn sinsẹ̀n onù etọn tọn dali: Ṣigba ayiha ylanwàtọ lẹ tọn wẹ jijọ huhlọn tọn.

³ Ewọ he bó onù etọn do, é whlá ogbẹ́ etọn: Ṣigba ewọ he hùn nuflo etọn gblo na tindo husúdo.

⁴ Ayiha adidọnọ tọn jlo, é ma sọ tindo núde: Ṣigba ayiha vivẹnunọ lẹ tọn wẹ yè na hẹn mọawu.

⁵ Gbẹtọ dódónọ gbẹwanna oklọ: Ṣigba gbẹtọ ylankan yín wánhomẹ bo sọ wà winyan.

⁶ Dódó nọ hó dódónọ to aliho ji: Ṣigba jijọ ylankan wẹ nọ hẹn omẹ jai do ylando mẹ.

⁷ Mẹde tin bo nọ yí ede do basi adọkunnọ, ṣigba é ma tindo núde: Mẹde tin bo nọ yí ede do basi wamọnọ, aigba é tindo adọkun susu.

⁸ Ofligọ ogbẹ́ gbẹtọ tọn tọn wẹ adọkun etọn: Ṣigba wamọnọ ma dayi wọhẹ go.

⁹ Hinhọ́n dódónọ tọn to ayajẹ: Ṣigba zogbán mẹylankan tọn wẹ yè na ṣi.

¹⁰ Gbọn sakla kẹdẹ dali wẹ avùn nọ sọn wá; Ṣigba to yé he de yè dè yinyọnẹn hia te wẹ yinyọnẹn te.

¹¹ Adọkun he yè yí jijọ vónu do tindo na vasudo: Ṣigba ewọ he yí alọnuzọ́n do hó pli na sù deji.

¹² Tódido susu hẹn ayiha jẹazọ̀n: Ṣigba whenuena ojlo wá, atin ogbẹ́ tọn de wẹ.

¹³ Mẹhe vlẹ ohó lọ wẹ yè na hù súdo Ṣigba mẹhe dibuna osẹ́n lọ wẹ yè na suahọ.

¹⁴ Osén nuyọnẹntọ tọn wẹ asisa ogbẹ́ tọn, Nado fọ́nyì sọn okàn okú tọn mẹ.

¹⁵ Zìnzìn dagbe na nukundagbe omẹ; Ṣigba aliho ylanwàtọ lẹ tọn sinyẹnawu.

¹⁶ Gbẹtọ zìnzìntọ lẹpo wẹ nọ yí nuyọnẹn do wàzọ́n: Ṣigba nulunọ hùn nululu etọn dai.

¹⁷ Wẹndagun ylankan jai do tukla mẹ: Ṣigba wẹndagun nugbonọ hẹn jijọho wá.

¹⁸ Oya po winyan po na tin na ewọ he gbé oplón: Ṣigba ewọ he dayi wọhẹ go wẹ yè ne gbògbéna.

¹⁹ Ojlo he yè hẹn di vivi na ayiha: Ṣigba osùnú de wẹ hlan nulunọ nado fọ́nyì sọn oylan mẹ.

²⁰ Ewọ he to zọnlinzin hẹ nuyọnẹntọ na yọnnuin: Ṣigba ogbẹ́ nulunọ lẹ tọn na súdo.

²¹ Oylan to mọjẹna ylandonọ lẹ: Ṣigba na dódónọ lẹ dagbe wẹ yè na do suahọ etọn.

²² Gbẹtọ dagbe jo ogú dai na ovi ovi etọn lẹ tọn; Ṣigba adọkun ylandonọ lẹ tọn dódónọ lẹ wẹ yè hó pli na.

²³ Núdùdù susu tin to aigba yọ́yọ́ wamọnọ lẹ tọn ji: Ṣigba omẹ dẽlẹ tin he yè to hùhùsúdo na mado whẹ̀dida wutu.

²⁴ Ewọ he dón alọ obá tọn do godo, gbẹwanna ovi etọn: Ṣigba ewọ he yiwanna ẹ́n nọ yawu hò e.

²⁵ Dódónọ dù sọ̀ pékọnamẹ ayiha etọn tọn; Ṣigba adọgò mẹylankan lẹ tọn na bapò.