HÓWHÍNWHÉN LẸ 10 - BIBLU WIWE LỌ 1923

¹ HÓWHÍNWHẸN Sọlomọn tọn lẹ. Ovi nuyọnẹntọ basi homẹhùn otọ́ etọn tọn: Ṣigba ovi nulunọ wẹ awubla onọ etọn tọn.

² Adọkunnu jijọ ylankan tọn ma doale de: Ṣigba dódó wẹ nọ whlẹnmẹ sọn okú si.

³ OKLUNỌ ma na dike huvẹ́ ni hù ayiha dódónọ tọn: Ṣigba é bli ojlo mẹylankan lẹ tọn kònyingbé,

⁴ Mẹhe tẹ̀ alọ na zùn wamọnọ, Ṣigba alọ magbọjẹnọ tọn wẹ na hẹn adọkun wá.

⁵ Mẹhe bẹ́ pli to alúnlùn mẹ wẹ ovi nuyọnẹntọ de: Ṣigba mẹhe damlọn to jijẹ-whenu wẹ ovi he nọ dowinyan omẹ.

⁶ Dona tin to ota dódónọ tọn; Ṣigba jijọ huhlọn tọn na ṣinyọn onù mẹylankan tọn.

⁷ Donanọ wẹ oflin nugbonọ tọn: Ṣigba oyín mẹylankan tọn na yón.

⁸ Nuyọnẹntọ ayiha mẹ tọn na yí osẹn: Ṣigba onù mlanmlan wẹ yè na súdo.

⁹ Ewọ he to zọnlinzin titegbe é zinzọnlin nugbo: Ṣigba ewọ he to aliho etọn hẹngble na yín yínyọnẹn.

¹⁰ Ewọ he to nukunwhè hẹn awubla wá: Ṣigba onù mlanmlan wẹ yè na súdo.

¹¹ Dòtọ ogbẹ̀ tọn Asisa de wẹ alihọ dódónọ tọn: Ṣigba jijọ huhlọn tọn na ṣinyọn onù mẹylankan tọn.

¹² Wangbẹnamẹ wẹ nọ fọ́n avùn daga: Ṣigba owanyi ṣinyọn ylanwà lẹpo ji.

¹³ To nuflo ewọ he zìn tọn mẹ wẹ yè mọ nuyọnẹn te: Ṣigba opò de tin na nẹgbé ewọ he zìnzìn pò na tọn,

¹⁴ Gbẹtọ nuyọnẹntọ lọ nọ bó nuyọnẹn pli: Ṣigba onù nulunọ lẹ tọn sẹ̀pọ́ hùsúdo.

¹⁵ Adọkunnu adọkunnọ tọn wẹ otò gán gán etọn: Matindo wamọnọ lọ tọn wẹ hùsúdo yetọn.

¹⁶ Azón dódónọ tọn dé hlan ogbè, Sinsón ylandonọ lẹ tọn hlan ylando.

¹⁷ Ewọ he yí oplón whlá, é tin to aliho ogbẹ́ tọn ji: Ṣigba ewọ he gbẹ́ wọhẹ é buali.

¹⁸ Èwọ he yí wangbẹnamẹ whlá to nuflo lalo tọn mẹ, Po mẹhe to kunnuhu po, wẹ nulunọ.

¹⁹ To ohó susu mẹ yè ma sọgan ba ylanwà pò: Ṣigba ewọ he hẹn nuflo etọn dote wẹ yọnnuin.

²⁰ Odé nugbonọ tọn taidi fataka dagbedagbe: Ayiha ylandonọ tọn ma hòakuẹ de.

²¹ Nuflo dódónọ tọn to núdùdù na omẹ susu: Ṣigba nulunọ lẹ kú mado nuyọnẹn.

²² Odona OKLUNỌ tọn, é nọ hẹn omẹ wàdọkun, E ma nọ yi awubla dogó ẹ gba.

²³ Aibun wẹ é di na mẹylankan de nado jọ jijọ oka tọn: Ṣigba zìnzìntọ de wẹ gbẹtọ nuyọnẹn tọn.

²⁴ Sisọsisọ mẹylankan tọn ja e ji: Ṣigba ojlo dódónọ tọn wẹ yè na yí na ẹn.

²⁵ Dile oyú nọ yìn wáyì, mọwẹ mẹylankan ma na tin bà: Ṣigba dódónọ tindo dòdo madopodo.

²⁶ Di ahàn vósìn na adú, podọ di azò na nukun, Mọ wẹ adidọnọ te hlan yé he zọnnú in lẹ.

²⁷ Osi OKLUNỌ tọn hẹn azán dite: Ṣigba owhè mẹylankan lẹ tọn wẹ yè na sán pò.

²⁸ Ojlo dódónọ lẹ tọn ayajijẹ wẹ é na yín: Ṣigba tódido mẹylankan tọn wẹ na dòn.

²⁹ Aliho OKLUNỌ tọn huhlọn wẹ na dódónọ lẹ: Ṣigba dindọn tin na azón ylankan wàtọ lẹ.

³⁰ Yè ma na diọtẹnna dódónọ gbède: Ṣigba mẹylankan ma na nó aihọn mẹ gba.

³¹ Onù nugbonọ tọn dè nuyọnẹn jẹgbonu: Ṣigba odé yẹwiwà tọn wẹ yè na sán sẹ.

³² Nuflo dódónọ tọn yón onú he yín alọkẹyí: Ṣigba onù ylandonọ lẹ tọn to ohó yẹwiwà tọn dọ.