HEBLU LẸ 8 - BIBLU WIWE LỌ 1923

¹ DINVIE ota onú he mí to didọ nẹlẹ tọn wẹ ehe: Mìwlẹ tindo yẹwhenọ daho mọtọn; hunkọ de, he sinai to adusilọ yẹyi ofìn Ganhunupo tọn tọn ji to olọn mẹ;

² devizọ́nwàtọ fiwiwe tọn de po gohò nugbo tọn po, he Oklunọ pọ́n, é ma yín gbẹtọ gba.

³ Na yè do yẹwhenọ daho lẹ dopodopo nado nọ na nunina, podo nado nọ sánvẹ́: enẹwutu dawe he ma sọgan nọma tindo onú he é na do sánvọ́ gba.

⁴ Na eyíndọ ewọ tin to aihọn mẹ é ma na yín yẹwhenọ gba, na yẹwhenọ he to nunina zán kẹdẹdi osén tọn lẹ tin:

⁵ yé he to sinsẹ́n hlán ohia po oyẹ onú olọn tọn nẹlẹ po, dile Jiwheyẹwhe plọ́n Moṣe do, whenuena é wleawu nado pọ́n gohọ odè tọn, é dọmọ, Pọ́n, na hiẹ ni basi onú lẹpo kẹdẹdi ohia he yè sohia we to osé ji.

⁶ Ṣigba dinvie le é tindo devizọn he doyẹyi hú enẹ, nawẹ é ma na yín hóyidọtọ whẹgbọtọ alènu he yọnwhanpẹ hú tọn do, ehe yè hẹn lódo do opagbe he bọawu humọ tọn ji.

⁷ Na eyín alẹnu tintan lọ ko sọgbè, yè ma do din otẹn na awetọ gba.

⁸ Na mimọ dọ yé ma pégan, wẹ é do dọmọ, Do ayi e go, azán ja, wẹ Oklunọ dọ, Whenuena yẹn na basi alènu yọ́yọ́ de hẹ owhé Islaeli tọn, podọ hẹ owhé Juda tọn lẹ ga.

⁹ E ma yín di alẹ̀nu he hunkọ yẹn basi hẹ otọ́ yetọn lẹ, to azán nẹ gbè gba, Whenuena yẹn dòn alọ na yé nado plan yé jẹgbonu sọn aigba Egipti tọn ji; Na yé ma nọte to alẹ̀nu ṣie mẹ wutu, Yẹn ma sọ hò yé pọ́n, wẹ Oklunọ dọ.

¹⁰ Na ehe we alẹ̀nu he yẹn na basi hẹ owhẹ́ Islaeli tọn To azán nẹlẹ godo, wẹ Oklunọ dọ; Yẹn na yí osén ṣie do yé hòmẹ, Bo sọ wlan yé do ayiha yetọn ji ga: Yẹn nasọ yín Jiwheyẹwhe de hlan yè, Yé nasọ yín gbẹtọ de hlan mi:

¹¹ Yé ma sọ to na plónmẹ omẹ dopodopo okọmenu etọn, Kavi omẹ dopodopo mẹmẹsunnu etọn, dọmọ, Yón Oklunọ; Na yé ome po wẹ na yọn mi, Sọn yọ̀pọ jẹ mẹho.

¹² Na yẹn na yín lẹblanunọ hlan oylanwà yetọn lẹ, podọ, Ylando yetọn lẹ wẹ yẹn ma to na flin ba.

¹³ Le é dọmo, Alènu yọ́yọ́ de, é ko diọ tintan zùn hóhó. Ṣigba ehe ko doho, bo sọ tin sẹpọ jẹ kinklọn sè, ko wleawu nado diọ zùn ovó.