HEBLU LẸ 5 - BIBLU WIWE LỌ 1923

¹ NA yẹwhenọ daho he yè dè dopo dopo sọn gbẹtọ lẹ mẹ, yè dè na gbẹtọ lẹ to onú he yín Jiwheyẹwhe tọn mẹ, na é nido nọ na nunina po avọ po na ylando:

² mẹhe sọgan wàlẹblanuna wunvinọ lẹ, podọ na yé he klán sọn aliho ji lẹ; na yè hẹn madogán he lédo ewlosu ga.

³ Na ehewutu wẹ é jẹ, dile é to bibasi na gbẹtọ lẹ tọn do, mọwẹ na ewọ ni na na ylando ewlosu tọn ga.

⁴ Mẹde ma sọ nọ yí yeyi he na ede, adavo yé he yè ylọ sọn Jiwheyẹwhe de kededi Aalọn.

⁵ Mọwẹ Klisti ga ma sọ dogigo ogo na edelọsu nado yí i do do yẹwhenọ daho de gba; adavo mẹhe dọ hlan ẹn, dọ, Hie wẹ Ovi ṣie, Egbé we yẹn dè we tón.

⁶ Dile é sọ dọ to ofì devo ga, dọ, Hiẹ wẹ yẹwheno de kakadoi Kẹdẹdi ohukan Mẹlkizedẹki tọn

⁷ Mẹhe to azán agbasalan etọn tọn le mẹ, whenuena é yí awha lélé po dasìn po do hodè, bo sọ vẹvẹ hlan mẹhe sogan whlẹn ẹn sọn okú mẹ, yè sọ sè etọn na obu di i wutu;

⁸ le é tlẹ yín Ovi nẹ, gãnṣo é plón otónuse gbọn onú he mẹ é jiya te;

⁹ le yè hẹn ẹn sogbè, é lẹzùn mẹhe da whlengan madopodo dai hlan yé he yí i se lẹpo;

¹⁰ ehe yè ylo dọ yẹwhenọ daho sọn Jiwheyẹwhe de kẹdẹdi ohukan Mẹlkizedẹki tọn.

¹¹ Na mehe tọn mìwlẹ tindo onú susu nado dọ, ehe sọ sinyẹnawú didọ, na mìwlẹ tlitó sisè tọn wutu.

¹² Na ojlẹ he mẹ é jẹ dọ mì do yín mẹplọntọ, mì sọ tin to yé he mẹde nasọ nọ vẹ́ onú he yín ojọgbè ohó Jiwheyẹwhe tọn he dabla tọn plón; bo sọ wá di mẹhe hunkọ ma sọgan no oyìnnọ ma tindo lẹ, ehe ma yín núdùdù sinsinyẹn.

¹³ Na yé he to oyìnnọ zán lẹpo yín mawhẹn to ohó dódó tọn me, na ovi to akòn wẹ ewọ.

¹⁴ Ṣigba nudùdù sinsinyẹn yín yé he tindo, azán susu to ota lẹ tọn, yé he gbọn linlẹn-zinzán tọn dali yí nuyọnẹn yetọn do to dagbe po oylan po yọnẹn.