HEBLU LẸ 4 - BIBLU WIWE LỌ 1923

¹ ENẸWUTU mì gbo mí ni sinú, na opagbe bibiọ ogbọjẹ etọn mẹ tọn yè dai na mí, depope mìtọn nikã sọawúhia nado wá whète do e go blọ.

² Na mìwlẹ wẹ yè dọyẹwheho wẹndagbe tọn hlan, kẹdẹdi hlan yewlẹ ga; ṣigba ohó he ye dọyẹwheho etọn ma doalena yé gba, na é ma flusọ yise to yé he ko sè le mẹ wutu.

³ Na mí he yise lẹ tọ gbọjẹ mẹ biọ, dile é dọ, dọmọ, Le yẹn ko whlé to homẹgble ṣie mẹ dọ, Eyín yé na biọ otẹn gbọjẹ se tọn me: gãnṣo azon nelẹ tlẹ ko klita sọn whéwhẹ́whenu aihọn tọn.

⁴ Na e ko dọ to ofi de gbọn azán sinaweto ton dali, dọ, Jiwheyẹwhe gbojẹ to azán sinawetọ gbè sọn azọn etọn lepo mẹ.

⁵ Podọ to ofile ga dọ, Eyín yé to na biọ otẹn gbọjẹ ṣie tọn mẹ.

⁶ Enẹwutu le é pò dọ mẹdelẹ ma na noma biọ e mẹ, yé he yè ko dọyẹwheho hlan jenukọn lẹ ma sọ biọ e mẹ na mayise wutu:

⁷ podọ, é ko do azán de, bo to didọ to owé Davidi ton mẹ, dọ, Egbé to whenu he dẹn somọ godo; le yè dọmọ, Egbe, eyín mìwlẹ na sè ogbè etọn, Mì hẹn ayiha mìtọn sinyẹn blo.

⁸ Na eyín Jọsua ko na gbọjẹ ye, be ewọ ma do sọ dọhó azán devo tọn to godomẹ gba.

⁹ Enẹwutu gboje de pò hlan omẹ Jiwheyẹwhe tọn le.

¹⁰ Na ewọ mẹhe ko biọ gbọje etọn mẹ, ewọ ga ko dèalọ sọn azón ètọn mẹ, dile Jiwheyẹwhe dè son etọn mẹ do.

¹¹ Enewutu mì gbọ mí ni jẹtukla nado biọ gbọjẹ lọ mẹ, na mẹdepope jai kẹdẹdi ohia mayise tọn dopolo blo.

¹² Na ohó Jiwheyẹwhe tọn tin to ogbẹ̀, é dohuhlọn, bo da hú ohi nùawenọ, é nọ só omẹ, yèdọ nado klán ayiha po gbigbọ po do vòvò agómẹ húpétẹn tọn po ojo ohú mẹ tọn po, ewọ sọ wẹ linlẹn ayiha tọn po ojlo ayiha tọn po yonentọ.

¹³ Podọ núdida he ma doawúhia to nukọn etọn de ma tin: mọ onú lepo wẹ to omé bo sọ hùndonuvo to nukun etọn mẹ, mẹhe mìwlẹ do onú nado wà hẹ.

¹⁴ Be le mìwlẹ tindo yẹwhenọ daho de, he ko juyì olọn lẹ mẹ, Jesu Ovi Jiwheyẹwhe tọn, mì gbọ mí ni hẹn ogbèyí mítọn gò gligli.

¹⁵ Na mìwlẹ ma tindo yẹwhenọ daho he ma yón vivẹ madogán mìton lẹ tọn; ṣigba to onú lẹpo mẹ he yè whlepón kẹdedi mìwlẹ, ṣigba to matin ylando mẹ.

¹⁶ Enẹwutu mì gbọ mí ni yi tugbigbo do wá ofìn ojomiọn tọn kòn na mí nido mọ lẹblanu yí, na mí nido mọ ojọmiọn yí nado nọ gọalọnamẹ to nukunbibia whenu.