HEBLU LẸ 3 - BIBLU WIWE LỌ 1923

¹ ENẸWUTU, mẹmẹsunnu wiwe emi, máhẹtọ oylọ olọn tọn de, mì len Apọsteli, podọ Yẹwhenọ Daho ogbèyí mítọn tọn lọ pọ́n, yèdo Jesu.

² Mẹhe yín nugbonọ hlan mẹhe dè e, dile Moṣe ga yín to owhé etọn lepo gbè do.

³ Na yè hia dawe he je na gigo hú Moṣe, dile mẹhe wàhò doyẹyi hú ohò lọ dò.

⁴ Na mẹde dali wẹ yè gbọn do dó ohò lẹ dopodopo; ṣigba mẹhe dó onú popo we Jiwheyẹwhe.

⁵ Nugbo wẹ Mosè yín nugbonọ to owhé etọn lẹpo gbedi devi de, na kunnu onú nẹlẹ tọn he yè na to ohó etọn dọ to godo.

⁶ Ṣigba Klisti di Ovi to owhe etọn titi ji, owhé mẹhetọn mìwlẹ yín, eyín mí hẹn tudido, po ayajijẹ tódido mítọn tọn po go gligli kaka jẹ opòdo.

⁷ Enẹwutu, dile Gbigbọ Wiwe dọ, dọmọ, To egbé, eyín mìwlẹ na sè ogbè etọn,

⁸ Mì hẹn ayiha mìtọn sinyẹn blo, di homehengblenamẹ whenu, To whlepón zángbè to zùngbo mẹ:

⁹ Whenuena otọ́ mìtọn lẹ whle mi pọ́n, bo dindona mi, Bo sọ mọ azọn ṣie owhè kande.

¹⁰ Enẹwutu yẹn gblehomẹ do whẹndo lọ go, Yẹn sọ dọmọ, Whepoponu wẹ yé alibu to ayiha yetọn mẹ, Yé ma sọ yón ali ṣie.

¹¹ Mọwẹ yẹn whléto homegble ṣie mẹ dọ, Ye ma to oten gbọjẹ ṣie tọn mẹ na bio.

¹² Mì payi mìde go, mẹmẹsunnu emi, na ayiha ylankan mayise tọn nikã tin to mì medepope mẹ, nado yì sọn Jiwheyẹwhe ogbènọ de.

¹³ Ṣigba mì ni nọ jlahomẹdona mìnọzo egbésọegbésọ, whenuena yè to yiylọ ẹ Egbé; na mẹdepope mìtọn nikã hen ayiha etọn sinyẹn gbọn oklọ ylando tọn dali.

¹⁴ Na yè ko hẹn mí zùn máhẹtọ Klisti tọn, eyín mìwlẹ hen dodo tudido mítọn tọn go gligli kaka jẹ opodo;

¹⁵ whenuena yè to didọmọ, Egbé eyín mìwlẹ na sè ogbè etọn, Mì hẹn ayiha mìtọn sinyẹn blo, di homẹhẹngblenamẹ whénu.

¹⁶ Na mẹdelẹ, whenuena yé sè vò, yé doadihomẹnamẹ: sigbá é ma yín omẹ popo he gbọn Moṣe dali tón sọn Egipti wẹ gba

¹⁷ Ṣigba mẹnu lẹ go wẹ home èton gble do owhé kande? é ma yín mehe wàylando lẹ we, osiọ yé he tọn mlọnai to zùngbo mẹ?

¹⁸ Mẹnu lẹ wẹ é whlé hlan dọ, yé ma na biọ otẹn gbọjẹ etọn tọn mẹ, adavo hlan yé he ma yise lẹ?

¹⁹ Mọwẹ mí mọ dọ yé ma sọgan biọ e mẹ na mayise wutu.