HEBLU LẸ 1 - BIBLU WIWE LỌ 1923

¹ JIWHEYẸWHE, mẹhe sọn ojlẹ hóhó mẹ, podọ To jijọ hunkọhunkọ mẹ ko gbọn yẹwhegán lẹ me dọhó hlan otọ́ lẹ to whenẹnu,

² to opòdo azán helẹ tọn ko dọhó hlan mí to ovi etọn mẹ, mẹhe é do dè whédutọ onú popo tọn, gbọn mẹhe mẹ ga é basi aihọn lẹ;

³ mẹhe yín hinhọ́n gigo etọn tọn, podọ ojlẹmọ dodo odohia etọn tọn, bọ é sọ yí ohó huhlọn etọn tọn do hẹn onú lẹpo go, whenuena ewlọsu ko lẹ́ ylando mítọn lẹ sè, bo sọ sinai to adusilọ yẹyi Ganhunupo tọn ji to aga;

⁴ sọle yè hẹn ẹn pónte hú angeli lẹ do dile é ko mọ oyín he gbọnvò de yí hú yé.

⁵ Na angeli tẹ lẹ wẹ é ko dọ hlan tọ ojlẹ de mẹ, dọ, Hiẹ we. Ovi ṣie, Egbé wẹ yẹn dè we tón? Podọ, Yẹn na yín Otọ́ hlan ẹn, Ẹwọ nasọ yín Ovi hlan mi?

⁶ Podọ, whenuena é hẹn plọnji lọ wá aihọn mẹ, é dọmọ, Gbọ angẹli Jiwheyẹwhe tọn lẹpo ni nọ litaina ẹn.

⁷ Na angẹli lẹ tọn, é dọmọ, Mẹhe yí gbigbọ do basi angẹli etọn lẹ, Bo sọ yí ozòlọ do basi devizónwàtọ etọn lẹ,

⁸ Ṣigba na Ovi lọ tọn wẹ é dọmọ, Ofìn towe, Jiwheyẹwhe, kakadoi wẹ; Ogánpò dódó tọn wẹ ogánpò ahọludu towe tọn.

⁹ Hiẹ yiwanna dódó bo gbẹwanna ylando; Enẹwutu Jiwheyẹwhe, yèdọ Jiwheyẹwhe towe, ko yí ami homẹhùn Tọn sà na we hú ogbé towe lẹ tọn.

¹⁰ Podọ, Hiẹ Oklunọ, whéwhéwhenu wẹ hiẹ ko do dòdó aigba tọn ai; Olọn lẹ sọ wẹ azón alọ towe tọn.

¹¹ Yé na và, ṣigba hiẹ na to ote; Yé ómẹ pó wẹ na dohó di avọ̀;

¹² Di awu wẹ hiẹ na bú yé dopọ, Yè nasọ diọ yé; Ṣigba dopolọ wẹ hie, Owhè towe ma na ponu.

¹³ Ṣigba na angẹli lẹ té tọn wẹ é dọ to ojlẹ de mẹ, dọ, Sinai to adusilo ṣie me, Kaka yẹn na do yí kẹnto towe lẹ do basi tokloafọligbé towe ton?

¹⁴ Be é ma yín yé ome pó we gbigbọ devizònwiwà tọn, he yè dohlan nado wàdevizọ́n na yé he na yin whédutọ whlẹngan tọn lẹ tọn wutu?