EZEKIELI 9 - BIBLU WIWE LỌ 1923

¹ WHENẸNU wẹ é yí ogbè lélé de do dawhá to otó ṣie lẹ mẹ, dọmọ, Mi hẹn yé he tindo aṣẹ to tòdaho lọ ji Ìẹ nado dọ̀n sẹpó, omẹ dopodopo po adánwànu etọn he nọ và omẹ po to alọ etọn mẹ.

² Bo dayi e go, sunnusi ṣidopo sọn aliho hòngbo aga tọn mẹ wá, he tin hlan agéwaji dali, omẹ dopodopo po awhànsiọvi etọn po to alọ etọn mẹ; podọ omẹ dopo to gblagbla yé tọn mẹ yè yí alàvọ ṣinyọ̀navọ̀na, po wesìnzo wékantọ de tọn po to adaja etọn ji. Yé sọ yì họ̀mẹ, bo ṣite to agbà oganvẹ̃ tọn lọ dali.

³ Yè sọ hẹn gigo Jiwheyẹwhe Islaeli tọn tọn hẹji yì sọn kelubi lọ de, ehe ji é ko te, jẹ hòntònu ohò lọ tọn, é sọ dawhá ylọ dawe he yè yi alà do ṣinyọ̀navọ̀na lọ, he tindo wesìnzo wékantọ lọ tọn to adaja etọn mẹ.

⁴ OKLUNỌ sọ dọ hlan ẹn dọ, Gbọn gblagbla tòdaho lọ tọn mẹ luntọn, yì, gbọn gblagbla Jelusalẹm tọn mẹ luntọn, bo zé ohiadonu de do nukọn dawe lẹ lọ tọn ji he to hunwèn podọ he to awhádo na osùnú lẹpo he yín wiwà to gblagbla etọn mẹ.

⁵ Podọ hlan mẹdèvo lẹ lọ é dọ to sisè ṣie mẹ dọ, Mi gbọn tòdaho Jọ mẹ yì hodo e, bo to hihò: mì dike nukun mitọn hladote blo, mọ mì sọ tindo awubla blo:

⁶ mì hù dawe yọnhonọ lọ, yọ̀pọ sunnu lọ po yọ̀pọ yọnnu lọ po, po yọpọvu lẹ po po yọnnusi lẹ po: ṣigba mì wá sẹpọ́ omẹ depope hiadonulọ te ji blo; bo sọ sọn fiwiwe ṣie ji.

⁷ Ewọ sọ dọ hlan yé dọmọ, Mì flu ohó lọ, bo sọ yí alántọsiọ lẹ do gó awánu lẹ: mì jẹgbonu yi Yé sọ jẹgbonu yì, bo họ̀ to tòdaho lọ mẹ.

⁸ E sọ wá jọ, whenuena yé to hihọ̀, bọ yè jó yẹn dai, wẹ yẹn flẹ jẹ nukunmẹ ṣie ji, bo dawhá, bo dọmọ, Ṣó OKLUNỌ JIWHEYẸWHE bé hiẹ na và pipòtọ Islaeli tọn lẹ to kinkọ̀n homẹwlu towe jẹgbonu do Jelusalẹm ji mẹ wẹ?

⁹ Whenẹnu wẹ é dọ hlan mi dọmọ, Oylanwà owhé Islaeli po Juda po tọn tọn yín kiklo glanglan, podọ aigba lọ sọ tin gọ́ na ohùn, bọ tòdaho lọ sọ gọ́ na odiọdo whẹ̀dida tọn: na yé to didọmọ, OKLUNỌ ko gbẹ́ aigba lọ dai, OKLUNỌ ma mọ gba.

¹⁰ Podọ na yẹn tọn ga, nukun ṣie ma na hladote gba, mọ yẹn ma sọ to na tindo awubla gba, ṣigba yẹn na hẹn aliho yetọn wá ota yetọn ji

¹¹ Bo dayi e go, dawe he yè yí alà do ṣinyọ̀navọ̀na lọ, he tindo wesìnzo to dali etọn, hẹn owhẹ̀hó lọ wá dọ, dọmọ, Yẹn ko wà dile hiẹ degbèna mi do.