EZEKIELI 8 - BIBLU WIWE LỌ 1923

¹ E sọ wá jọ to owhè ṣidopotọ mẹ, to osùn sidopotọ mẹ, to azán atóntọ osùn lọ tọn mẹ, le yẹn sinai to ohò ṣie mẹ, bọ meho Juda tọn lẹ sinai to nukọn ṣie, wẹ alọ Okluno Jiwheyẹwhe tọn flẹ finẹ do oji e.

² Whenẹnu wẹ yẹn dayi e go, bo, pon, apajle de di awusọhia miyọn ton; sọn awusọhia adajamẹ etọn tọn po hlandodali po, miyọn: podọ sọn awusọhia adajimẹ etọn podọ hlanagadali, di awusọhia osisẹ tọn, di ambeli na pinpẹ̀n.

³ Ewọ sọ dè ojlẹmọ alọ de tọn jẹgbonu, bo hẹn mi gbọn odasislo ota ṣie tọn de dali: gbigbọ lọ sọ zé mi daga do aigba po olọn po ṣẹnṣẹn, bo sọ hẹn mi to numimọ Jiwheyẹwhe tọn lẹ lọ mẹ wá Jelusalẹm, jẹ ohòn ohọngbo awánu nukọnnukọn tọn lọ tọn kòn he pọ́n hlan agéwaji dali; fie aisinnu bosiọ awuwhàn tọn lọ tọn te, he gblehomẹ hlan awuwhàn mẹ.

⁴ Bo, dayi e go, gigo Jiwheyẹwhe Islaeli tọn tọn tin fìne, kẹdẹdi awusọhia mimimọ he yẹn mọ to fivotẹn lọ mẹ.

⁵ Whenẹnu wẹ ewọ dọ hlan mi dọ, Visunnu gbẹtọ tọn, zé nukun towe lẹ daga dinvie do aliho hlan agéwaji dali. Mowẹ yẹn zé nukun ṣie lẹ daga do aliho hlan agéwaji dali, bo sọ pọ́n agéwaji sọn ohọngbo agbà bosiọ awuwhàn tọn tọn mẹ to họmẹbiọ me.

⁶ Ewọ sọ dọ hlan mi dọ, Visunnu gbẹtọ tọn, hiẹ mọ núhe yé to wiwà? yèdọ osùnú daho lẹ he owhé Islaeli tọn wà to ofi, nado hẹn yé yì aganu boboe sọn fìwiwe ṣie mẹ? ṣigba hiẹ ni sọ vó lé, hiẹ na sọ mọ osùnú dahodaho lẹ

⁷ Ewọ sọ hẹn mi wá jẹ ohòn awánu lọ tọn ji; whenuena yẹn sọ pọ́n, dayi e go odò de to adó lọ mẹ.

⁸ Whenẹnu wẹ é dọ hlan mi dọ, Visunnu gbẹtọ tọn, kùndò dinvie to adó lọ mẹ: whenuena yẹn ko sọ kùndò to adó lọ mẹ, dayi ohòn de go.

⁹ Ewọ sọ dọ hlan mi dọ, Yì hòmẹ, bo pọ́n osùnú ylankan he yé to wiwà to ofi.

¹⁰ Mowẹ yẹn yì hòmẹ bo sọ mọ; bo sọ pọn ojlẹmọ onú he nọ lin lẹ tọn lẹpo, po gbékanlin osùnúnọ lẹ po, po ovodun owhé Islaeli tọn tọn lẹpo po, he yè basiojlẹmọna to adó lọ ji lédo pé.

¹¹ Sunnusi kandegban sọn mẹho owhé Islaeli tọn gbè lẹ tọn site to finẹ to yé nukọn, podọ to gblagbla yé tọn mẹ wẹ Jaazania visunnu Ọafani tọn site te, omẹ dopodopo po nuyọnwangbán etọn po to alọ etọn mẹ; owánvivi sọn azọtiti nuyọnwan lọ tọn mẹ tọn sọ hẹaga yì.

¹² Whenẹnu wẹ ewọ dọ hlan mi dọ, Visunnu gbẹtọ tọn, hiẹ ko mọ núhe mẹho owhé Islaeli tọn gbè tọn lẹ to wiwà to zinvlu mẹ omẹ dopodopo to abò bosiọ tọn etọn lẹ mẹ? na yé dọmọ, OKLUNỌ ma mọ mí gba; OKLUNỌ ko gbé aigba lọ dai.

¹³ Ewọ sọ dọ hlan mi ga dọ, Hiẹ na gbẹ́ sọ vọ́ mọ osùnú daho dẽvo lẹ he yé to wiwà.

¹⁴ Whenẹnu wẹ ewọ sọ hẹn mi wá jẹ ohọ̀n hòngbo ohọ̀ OKLUNỌ tọn lọ tọn tọn ji, he tin hlan agewaji dali; bo dayi e go, yọnnusi lẹ sinai to finẹ to avivi na Tamuzi.

¹⁵ Whenẹnu wẹ ewọ sọ dọ hlan mi dọ, Hiẹ ko mọ ehe, hiẹ visunnu gbẹtọ tọn È? hiẹ na gbẹ sọ vọ̀ mọ osùnú daho hugan ehelẹ.

¹⁶ Ewọ sọ hẹn mi wá biọ awánu nukọnnukọn ohọ̀ OKLUNỌ tọn lọ tọn mẹ, bo dayi e go, to ohòn tẹmpli OKLUNỌ tọn tọn ji, to agbogàngàn po agbà lọ po ṣẹnṣẹn, wẹ sunnusi koatọ́n nkọ te po nẹgbe yetọn lẹ po hlan tẹmpli OKLUNỌ tọn dali, podọ nukunmẹ yetọn lẹ hlan whìzẹtẹn dali; yé sọ to taliaina owhè hlan whèzẹtẹn dali.

¹⁷ Whenẹnu we ewọ sọ dọ hìan mi dọ, Hiẹ, ko mọ ehe, hiẹ visunnu gbẹtọ tọn E? Bé onú fufua de wẹ hlan owhé Juda tọn dọ yéwlẹ wà osùnú lẹ he yé to wiwà to ofi lẹ? na yé ko yí huhlọn do gọ́ aigba lọ, bo ko sọ vọ́ lẹ́ nado hẹnhomẹgble mi hlan adi: bo, pọn, yé zé atinla lọ jẹ awọntin yetọn.

¹⁸ Enẹwutu wẹ yen ga na zán to homẹwlu mẹ: nukun ṣie ma na hladote gba, mọ yẹn ma na sọ tindo awubla: podọ yín yé tlẹ yí ogbè lélé do dawhá to otó ṣie lẹ mẹ, gãnṣo yẹn ma na sè yé gba.