EZEKIELI 7 - BIBLU WIWE LỌ 1923

¹ HUMỌ ohó OKLUNỌ tọn sọ wá dẽ, dọmọ,

² Podọ hiẹ, visunnu gbẹtọ tọn, le wẹ OKLUNỌ JIWHEYẸWHE dọ hlan aigba Islaeli tọn, Opòdo de: yè hẹn opòdo lọ wá lọnglọnẹn ẹnẹ aigba lọ tọn lẹ ji.

³ Dinvie wẹ opòdo lọ tin to oji we, yẹn na sọ do adi ṣie hlan oji we, bo sọ dawhẹna we kẹdẹdi aliho towe lẹ; yẹn na sọ hẹn osùnú towe lẹpo wá oji we.

⁴ Podọ nukun ṣie ma na hla we dote gba, mọ yẹn ma na tindo awubla gba: aigba yẹn na hẹn aliho towe lẹpo wá oji we, podọ osùnú towe lẹ na tin to gblagbla hiẹ tọn mẹ: mìwlẹ na sọ yọnẹn dọ yẹn wẹ OKLUNỌ.

⁵ Le wẹ OKLUNỌ Jiwheyẹwhe dọ: Opòdo de, oylan de sokẹdẹ; dayi e go, é wá

⁶ Yè hẹn opòdo de wá, yè hẹn opòdo lọ wá, é fọ́n do oji we; dayi e go, é wá.

⁷ Yè hẹn dindọn towe wá de we, hiẹ tòmẹnu aigba lọ tọn È; yè hẹn ojlẹ lọ wá, azán lọ tin sẹpọ: azán zingidi tọn de, bo ma yín abobo ayajẹ tọn de sọn osé lẹ mẹ gba.

⁸ Dinvie wẹ yẹn kòn homẹwlu ṣie jẹgbonu zàndevie do oji we, bo sọ hẹn adi ṣie sọ do ogo we, bo na sọ dawhèna we kẹdẹdi aliho towe lẹ: yẹn na sọ hẹn osùnú towe lẹpo wá oji we.

⁹ Nukun ṣie ma sọ to na hladote, mọ yẹn ma na sọ tindo awubla gba: yẹn na hẹn wá oji we kẹdẹdi aliho towe lẹ, podọ osùnú towe lẹ na sọ tin to gblagbla hiẹ tọn mẹ; mìwlẹ na sọ yọnẹn dọ yẹn OKLUNỌ nọ hòmẹ

¹⁰ Dayi e go, azán lọ, dayi e go, é wá: yè hẹn dindọn towe jẹgbonu yì: opò lọ ko gbàsé, jakla ko tọ́nkùn.

¹¹ Yè hẹn huhlọn fọ́ntite do opò yinylan tọn de mẹ; sọn yé mẹ ma gba, kavi sọn ogégé yetọn mẹ ma gba, kavi sọn adọkun yetọn mẹ ma gba: mọ aviwhá de ma na tin na yé to finẹ.

¹² Yè hẹn ojlẹ lọ wá, azán lọ dọ̀n sẹpọ́: a dike hihọtọ jaya blo, kavi sisàtọ blawu blo: na homẹgble tin to ogegé etọn lẹpo ji

¹³ Na sisàtọ ma na lẹ́gọ̀ do enẹ he yè sà de, yín ogbè yetọn tlẹ gbẹ́ sọ tin to megbẹ lẹ lọ ṣẹnṣẹn: na numimọ lọ jẹ ogege etọn pete go, é ma to na lẹ́ godo gba; mọ mẹdepope ma na nahuhlọn ede to ogbè mẹhetọn tin to oylanwa etọn mẹ.

¹⁴ Yé ko kún opẹn lọ, bo ko hẹn popo wleawudote; ṣigba mẹde ma yì awhànfuntẹn gba; na homẹgble ṣie tin to ogégé etọn lẹpo ji.

¹⁵ Ohi lọ tin to gbonu, azònylankan lọ po ohùvẹ́ lọ po to họmẹ: ewọ he tin to danji na kú po ohi lọ po; podọ ewọ he tin to tòdaho lọ mẹ ohùvé po azònylankan po na và ẹ súdo.

¹⁶ Ṣigba yé he hòngan sọn yé mẹ lẹ na hòngan, bo na tin to osé lẹ go, taidi owhle agbadò lẹ mẹ tọn lẹ, popo yé tọn wẹ to awubla, omẹ dopodopo to oylanwà etọn mẹ.

¹⁷ Alọ lẹpo na yín kúyẹ, okligo lẹpo na yín madogannọ di osìn.

¹⁸ Yé na yí odẹ́vọ̀ do gbàn yede ga, obudaho na sọ ṣinyọn yé; owinyan na sọ tin to nukunmẹ lẹpo ji, po otapipa po to ota yetọn lẹpo ji.

¹⁹ Yé na zé fataka yetọn dlẹn to alihogbo lẹ mẹ, podọ sika yetọn na sọ yín onú mawé de; fataka yetọn po sika yetọn po ma na tin sọgan nado whlẹn yé to azán homẹgble OKLUNỌ tọn tọn gbè: yé ma na pekọna alindọn yetọn lẹ gba, kavi gọ́ adọ̀mẹ yetọn gba: na é ko yín zannuagbali oylanwà yetọn tọn wutu.

²⁰ Na owhanpẹ aṣọdonú etọn tọn, yé lẹ́ ẹ do osakla mẹ; yé sọ basi boṣiọ osùnú yetọn lẹ tọn po onú hiọawu yetọn etọn lẹ po: enẹwutu wẹ yẹn ko do hẹn ẹn di onú mawé de hlan yé

²¹ Yẹn na sọ jó e do alọ ojonọ lẹ tọn lẹ mẹ na nuyanwẹnna de, podọ hlan mẹylankan aigba tọn lọ na ogblannu de; yé bo na sọ flu i.

²² Nukunmẹ ṣie ga wẹ yẹn na lẹ́ sọn yé de, yé na sọ flu adọkunnu whìwhla ṣie; ajotọ lẹ na sọ biọ e mẹ, bo flu i.

²³ Basi ogàn lọ: na aigba lọ tin gọ́ na whẹ̀dida ohùn tọn, podọ tòdaho lọ tin gọ́ na huhlọn.

²⁴ Enẹwutu wẹ yẹn na hẹn yinylanpete kosi lẹ tọn wá, yé na sọ yí ohò yetọn lẹ na nútindo: yẹn na sọ hẹn osakla huhlọntọ lọ tọn nado doalote; yé na so hen yé he klan yé do wiwe lẹ flu.

²⁵ Nukunbibia wá; yé na sọ din jijọho, ode ma na sọ tin.

²⁶ Danuwiwà na wá danuwiwà ji, linlin na tin to linlin ji; yé na sọ din númimọ yẹwhegán tọn de; ṣigba osén na súdo sọn yẹwhenọ lọ de, podọ ohónamẹ sọn hóhótọ lẹ me.

²⁷ Ahọlu lọ na blawu, yè na sọ yí ovọ́jẹ do sinyonavọna ahọvi lọ, podọ yè na dotukla alọ gbẹtọ aigba lọ tọn tọn le: yẹn na wà hlan ye hodo aliho yetọn, podo kẹdẹdi nújẹhe yetọn lẹ wẹ yẹn na dawhèna yé; ye na sọ yọnẹn dọ yẹn wẹ OKLUNỌ.