EZEKIELI 6 - BIBLU WIWE LỌ 1923

¹ OHÓ OKLUNỌ tọn sọ wá jẹ dẽ, dọmọ,

² Visunnu gbẹtọ tọn, zé nukunmẹ towe hlan osó Islaeli tọn lẹ dali, bo dọdọdai do yé go,

³ bo dọmọ, Mì osé Islaeli tọn lẹ, mì sè, ohó OKLUNỌ JIWHEYẸWHE tọn: Le wẹ Oklunọ JIWHEYẸWHE dọ hlan osé lẹ lọ podọ hlan okọta lẹ lọ, hlan osìnwhín lẹ podọ hlan agbàdo le lọ Dayi e go, Yẹn, yèdọ yẹn, na hẹn ohi de wá mì ji, yẹn na sọ và otẹn yìaga mitọn lẹ.

⁴ Agbà mitọn lẹ na sọ lẹzùn ojẹvọ́, owhè-bosiọ mitọn lẹ na sọ yín gbigbà: yẹn na sọ zé omẹ alántosiọ mitọn lẹ liái to ovodun mitọn lẹ nukọn.

⁵ Yẹn na sọ tó osiọ ovi Islaeli tọn lẹ tọn lẹ do ovodun yetọn lẹ nukọn; yẹn na sọ vúnvún ohú mitọn lẹ lẹ́do agbà mìton lẹ pé.

⁶ To otẹn ninọ̀ mitọn lẹpo mẹ wẹ yè na hẹn tòdaho lẹ yín ogbọ̀gbe te; podọ otẹn yìaga lẹ na yín ojẹvọ́; na agbà mitọn lẹ nido yín ogbọ̀gbé bo sọ hẹn whègbledo yetọn, podọ ovodun mitọn lẹ nido yín gbigbà bo gbòdò, podọ owhè-bosiọ mitọn lẹ nido yín sinsán liai, podọ azón mitọn lẹ nido yín gbidigbidi sẹ.

⁷ Alántọsiọ lẹ na jai to gblagbla mitọn mẹ, mìwlẹ na sọ yọnẹn dọ yẹn wẹ OKLUNỌ.

⁸ Gãnṣo yẹn na jo pipotọ de dai, to ehe mẹ mì na tindo pẹvi he họnganna ohi to akọta lẹ ṣẹnṣẹn, whenuena yè na vúnvún mì pé to otò lẹ mẹ.

⁹ Podọ yé he hòngan sọn mì mẹ lẹ na flin mi to akọta lẹ ṣẹnṣẹn fiedali yè na bé yé yì mẹglọnọ te, Ìe yẹn ko gbà ayiha ogàlilọ yetọn tọn do, he ko fọ́nyì sọn dè, po nukun yetọn lẹ po, he yi ogàgbó de hodo ovodun yetọn lẹ: yé na sọ gbẹwanna yéde to nukun yetọn titi mẹ na oylan he yé ko wà to ósùnú yetọn lẹpo mẹ.

¹⁰ Yé na sọ yọnẹn dọ yẹn wẹ OKLUNỌ: Yẹn ma ko dọ to, ovọ mẹ gba dọ yẹn na wà oylan he hlan yé.

¹¹ Le wẹ OKLUNỌ JIWHEYẸWHE dọ: Yí alo towe do hòpẹ, bo sọ yí afọ towe do slẹgète, bo dọmọ, So na osùnú ylanylan owhé Islaeli tọn tọn lẹpo tọn wutu: na yé na jai gbọn ohì lọ dali, gbọn ohùvé lọ dali, podọ gbọn azònylankan lọ dali.

¹² Ewọ he tin to aganu boboe na kú gbọn azònylankan lọ dali; podọ ewọ he tin sẹpó na jai gbọn ohi lọ dali; podọ ewo he pòai bọ yè glọndo na kú gbọn ohùvé lọ dali: le wẹ yẹn na hẹn homẹwlu ṣie sẹ do to yé ji.

¹³ Míwlẹ na sọ yọnẹn dọ yẹn wẹ OKLUNỌ, whenuena omẹ alántọsiọ yetọn lẹ na tin to ovodun yetọn lẹ ṣẹnṣẹn lẹ́do agbà yetọn lẹ pé, to okọta yìaga lẹpo ji, to aga osé lẹ tọn lẹpo mẹ, podọ to atin omú lẹpo glọ, podọ to oaki, titli lẹpo glọ, to otẹn fie yé na avọ́ nunina nuyọnwan vivinọ lẹ te hlan ovodun yetọn lẹpo.

¹⁴ Podọ yẹn na sọ dlẹn alọ ṣie jẹgbonu do yé ji, bo sọ hẹn aigba lọ zùn ojẹvó bo sọ gbọgbé, sọn zùngbo lọ mẹ hlan Dibla dali, gbọn fininò yetọn lẹpo mẹ lẹ́do: yé na sọ yọnẹn dọ yẹn wẹ OKLUNỌ.