EZEKIELI 44 - BIBLU WIWE LỌ 1923

¹ WHENẸNU wẹ é sọ hẹn mi gè gbọn aliho họngboji gbonu fiwiwe lọ tọn tọn, he pọ́n hlan whèyihọ dali; é sọ tin súsú.

² OKLUNỌ sọ dọ hlan mi dọ, Họngbo he na tin susú, é ma na yín hùnhùn gba, mọ omẹ de ma na gbọn e dali biọ whégbè, na OKLUNỌ, Jiwheyẹwhe Islaeli tọn, ko gbọn e dali biọ whégbè; enẹwutu é na tin súsú.

³ Na ahọvi lọ tọn, é na sín finẹmẹ di ahọ, vi nado nọ dù akla to OKLUNỌ nukọn; ewọ na gbọn aliho awánu họngboji lọ tọn tọn biọhọmẹ, bo na sọ gbọn aliho dopolọ tọn jẹgbonu yì.

⁴ Whenẹnu wẹ é sọ hen mi wá gbọn aliho agéwaji tọn to ohò lọ nukọn; yẹn sọ pọ́n, bo dayi e go, gigo OKLUNỌ tọn gè ohò OKLUNỌ tọn lọ mẹ: yẹn bo sọ hó do nukunmẹ ṣie ji.

⁵ OKLUNỌ sọ dọ hlan mi dọ, Zé ayiha towe doji, bo sọ yí nukun towe lẹ do pọ́n, bo sọ yí otọ́ towe lẹ do sè ehe yẹn do hlan we lẹpo gbọn asẹdai ohò OKLUNỌ tọn tọn lẹpo tọn dali, po osén etọn lẹpo po; bo ze ayiha towe do obiọ ohò lọ mẹ tọn ji, po gbonu jẹ yì fiwiwe lọ ton lẹpo po.

⁶ Hiẹ na sọ dọ hlan atènọ lẹ, yèdọ hlan owhé Islaeli tọn dọ, Le wẹ OKLUNỌ JIWHEYẸWHE dọ: Mì owhé Islaeli tọn emi, gbọ é ni pékòna mì sọn osùnú mìtọn lẹpo mẹ,

⁷ to ehe mì ko hẹn akọ̀dẽvo le wá whegbè mẹ, whẹ̀magbònọ to ayiha me podọ whẹ̀magbònọ to agbasalan mẹ, nado tin to fiwiwe ṣie mẹ, nado flu i, yèdọ ohò ṣie, whenuena mìwlẹ yí akla ṣie do sánvè, ojó lọ po ohùn lọ po, bọ mì ko gbà alẹ̀nù ṣie to osùnú mìtọn lẹpo mẹ.

⁸ Podọ mìwlẹ ma ko sọ yìn asẹ onú wiwe ṣie lẹ tọn gba: ṣigba mìwiẹ ko zé nugopèntọ asẹ ṣie tọn lẹ to fiwiwe ṣie mẹ dote na míde.

⁹ Le wẹ OKLUNỌ JIWHEYẸWHE dọ, Akọ̀dẽvo de, whèmagbonọ to ayiha mẹ podọ to agbasalan mẹ, ma na biọ fiwiwe ṣie mẹ, sọn akọ̀dẽvo depope mẹ he tin to ovi Islaeli tọn lẹ ṣẹnṣẹn.

¹⁰ Adavo Levinu he yì dẹn sọn dẽ lẹ, whenuena Islaeli buali yì, he buali yì sọn dẽ hodo vodun yetọn lẹ; yé na sọ hẹn oylanwà yetọn.

¹¹ Gãnṣo yé na nọ yín devizénwàtọ lẹ to fiwiwe ṣie mẹ, bo tindo núgopèn to họngbo ohò ṣie tọn lẹ lọ ji, bo sọ to devizọnwà to ohò ṣie mẹ: yé na sọ nọ hù a vè nunina mimẹ̀ po avọ́sánnu po na gbẹtọ lẹ, yé bo na sọ nọ site to yé nukọn nado nọ wàdevizọ́n hlan yé.

¹² Na yé wàdevizèn hlan yé tọ vodun yetọn lẹ nukọn wutu, bo sọ lẹzùn zannúagbali oylanwà tọn de hlan ọwhó Islaeli tọn; enẹwutu wẹ yẹn zé alọ ṣie daga do yé ji, wẹ OKLUNỌ JIWHEYẸWHE dọ, yé na sọ hẹn oylanwà yetọn.

¹³ Yé ma na sọ wá sẹpé jẹ dẽ, nado hẹn sin enzón yẹwhenọ tọn sọ hlan mi gba, kavi nado wá sẹpọ́ jẹ depope sọn onú wiwe ṣie lẹ de mẹ gba, jẹ onú he yín wiwe petepete lẹ kòn: ṣigba yé na hẹn owinyan yetọn, po osùnú yetọn he yé ko wà lẹ po.

¹⁴ Gãnṣo yẹn na yí yé do basi nugopòntọ asẹ ohò lọ tọn tọn lẹ, na sinsẹ̀nzọ́n etọn lepo, podọ na ehe na yín wiwà to finẹmẹ lẹpo.

¹⁵ Ṣigba yẹwhenọ Levinu lẹ lọ, visunnu Zadọki tọn lẹ, he yìn asẹ fiwiwe ṣie tọn lọ whenuena ovi Islaeli tọn lẹ buali yì sọn dẽ, yewlẹ na wá sẹpò jẹ dẽ nado nọ wàdevizòn hlan mi; yé na sọ nọ ṣite to nukọn ṣie nado nọ yí ojó po ohùn lọ po do sánvò hlan mi, wẹ OKLUNỌ JIWHEYẸWHE dọ:

¹⁶ yé na nọ biọ fiwiwe ṣie mẹ, yé na sọ wá sẹpò jẹ tafo ṣie kòn, nado nọ wàdevizòn hlan mi, yé bo na sọ nọ yìn asẹ ṣie.

¹⁷ E na sọ wá yín dọ whenuena yé biọ họngbo otògùn homẹtọn lẹ mẹ, yè na yí awugbo alavọ̀ tọn lẹ do ṣinyọ̀navọ̀na yé; lẹngbọfun de ma na wá yé go, whenuena yé to deviznwà to họngbo otògùn homẹtọn tọn lẹ mẹ, podọ to ohò lọ mẹ.

¹⁸ Yé na tindo zínvò alà tọn lẹ to ota yetọn lẹ ji, bò sọ tindo vàliya alà tọn to alinkan yetọn; yé ma na yí onú depope he na henmẹ jẹdẹn do blagbajana yéde gba.

¹⁹ Podọ whenuena yé jẹgbonu yì biọ otògùn gbonutọn mẹ, yèdọ biọ otògùn gbonutọn mẹ jẹ gbẹtọ lẹ de, yé na dè awugbo yetọn he mẹ yé wàdevizòn te lẹ sè, bo bé yé do abò wiwe lẹ lọ me, yé bo na sọ yí awugbo dẽvo lẹ do ogo, na yé ma na do yí awugbo yetọn lẹ do klan gbẹtọ lẹ do wiwe gba.

²⁰ Mọ yé ma na lùn odà yetọn gba, kavi jó ahòndòmẹda yetọn lẹ do nado wú dite gba; yé na gbó nọ dè odà yetọn lẹ pò kẹdẹ wẹ.

²¹ Mọ yẹwhenọ depope ma na nù ovẹ̃n, whenuena yé biọ otògùn homẹtọn mẹ.

²² Mọ yé ma na yí asusiọsi de na asi yetọn lẹ gba, kavi ewọ he yè dè sẹ̀: ṣigba yé na nọ dè awhli lẹ sọn okún owhé Islaeli tọn tọn lẹ mẹ, kavi asusiọsi de he yín asúsiọsi yẹwhenọ de tọn.

²³ Yé bo na sọ nọ plọ̀n omẹ ṣie lẹ ovogbìngbọn he to wiwe po ovọtò po ṣẹnṣẹn, bo sọ hẹn yé nado fọ̀yẹ̀ to mawé po wiwe po ṣẹnṣẹn.

²⁴ Podọ to nuindọn de me yé na nọte nado dawhẹ̀; kẹdẹdi whẹ̀dida ṣie wẹ yé na do da ẹ: yé na sọ nọ yìn osẹ́n ṣie lẹ po osẹ́ndoai ṣie lẹ po to ohùnwhẹ didè ṣie lẹpo mẹ; yé na sọ nọ hiọ gbọjẹzán ṣie lẹ.

²⁵ Yé ma na wá gbẹtọ oṣiọ de kọ̀n nado flu yéde gba: aigba na otọ́, kavi na onọ, kavi na visunnu, kavi na viyọnnu, na nọvisunnu, kavi na nọviyọnnu he ma ko tindo asú de, yé sọgan flu yéde.

²⁶ Podọ godo yè lẹ̀ ewọ wé, yé na hia azán ṣinawe hlan ẹn.

²⁷ Podọ azán he mẹ ewọ yì biọ fiwiwe lọ mẹ, biọ otògùn homẹtọn mẹ, nado wàdevizọ̀n to fiwiwe lọ mẹ, ewọ na na avọ́ nunina ylando etọn tọn, wẹ OKLUNỌ Jiwheyẹwhe dọ.

²⁸ Yé bo na sọ tindo ogú de; Yẹn wẹ ogú yetọn: mìwlẹ ma na na nutindo de yé to Islaeli mẹ gba; yẹn wẹ nutindo yetọn.

²⁹ Yé na nọ dù avọ̀ nunina jinulili tọn, po avọ̀ nunina ylando tọn po, po avọ̀ nunina whẹ̀ylan tọn po; podọ onú do dopà to Islaeli mẹ lẹpo na yín yetọn.

³⁰ Podọ tintan sọn sinsẹ́ntintan onú lẹpo tọn lẹpo mẹ, po avọ̀ nunina zédlanga tọn lẹpo po, sọn avọ̀sánnu mìtọn lẹpo mẹ, na tin na yẹwhenọ lẹ: míwlẹ na na sọn tintan ojmu ginglin mìtọn mẹ hlan yẹwhenọ lọ ga, nado hẹn odona de nado jẹ do owhó towe ji,

³¹ Yẹwhenọ lẹ ma na dù sọn onú he kú ededenu depope mẹ, kavi yè dòn tlẹn, yín é yín ohò kavi gbékanlin.