EZEKIELI 41 - BIBLU WIWE LỌ 1923

¹ EWỌ sọ hẹn mi wá jẹ tẹmpli lọ mẹ, bo jlẹ ohònte lẹ, awàgbà ṣidopo gbigblo to adà dopo ji, podọ awàgbà ṣidopo gbigblo to adà awetọ ji, he yín ogblo gohọ̀túntún lọ tọn.

² Ogblo bibiọ lọ tọn yín awàgbà ao; podọ adà bibiọ lọ tọn yín awàgbà atọ́n to adà dopo ji, podọ awàgbà atọ́n to adà dèvo ji: é sọ jlẹ tedidi etọn, awàgbà kande, podọ ogblo awàgbà okò.

³ Whenẹnu wẹ ewọ yì hòmẹ, bo jlẹ ohònte bibiọ lọ tọn dopodopo, awàgbà awe: po bibiọ lọ po, awàgbà ṣidopo; podọ ogblo bibiọ lọ tọn, awàgbà ṣinawe.

⁴ E sọ jlẹ ote etọn, awàgbà okò, podọ ogblo lọ awàgbà okò, to tẹmpli lọ nukọn: é bo sọ dọ hlan mi dọ, Ehe wẹ otẹn wiwe petepete.

⁵ Whenẹnu wẹ é sọ jlẹ adó ohò lọ tọn, awàgbà ṣidopo; podọ ogblo abò adàmẹ tọn dopodopo awàgbà ẹnẹ, lódo ohò lọ pé to adà lẹpo ji.

⁶ Podọ abò adàmẹ tọn lẹ, tin to agà atọ̀n mẹ, ode to awetọ ji, podọ ogbàn to titò mẹ; yé bo sọ biọ adó he tin na ohò lọ mẹ na abò adàmẹ lẹ tọn lédo pé, na yé nido hẹn yónọzo go to e mẹ, bo ma hẹn yénọzo to adó ohò lọ tọn mẹ blo.

⁷ Podọ abò adàmẹ tọn lẹ yín gbigblohu dile yé léhla ohò lọ do fiófió; na liléhla ohò lọ tọn yìaga fio lédo ohò lọ pé: enẹwutu wẹ ogblo ohò lọ tọn nọte jlọ hlan aga: mọwẹ mẹde hẹji yì sọn abò odò tọn pete mẹ jẹ aga petepete tọn mẹ gbọn abò ṣẹnṣẹn tọn mẹ.

⁸ Yẹn sọ mọ ga dọ ohò lọ tindo jiyìyì de lédo pó: odòdónu abò adàmẹ tọn lẹ yín ofán gigọ́ awàgbà daho ṣidopo tọn.

⁹ Titli adó lọ tọn, he tin na abò adàmẹ tọn lẹ, to adàgbonu tọn go, yín awàgbà atẹ́n: podọ enẹ he yè jódai yín otẹn abò adàmẹ lẹ tọn he tin na ohò lo.

¹⁰ Podọ to abó lẹ ṣẹnṣẹn wẹ ogblo awàgbà oko tọn de te lódo okò lọ pé to adà lẹpo ji.

¹¹ Podọ ohón abò adàmẹ tọn lẹ tin hlan otẹn he yè jódai lọ dali, ohòn hlan agéwaji dali, ohòn dẽvo hlan huwaji dali: podọ ogblo otẹn he yè jódai lọ tọn yín awàgbà atón lódo pe.

¹² Podọ dido he tin to otẹn klandovo lọ mẹ to adà whèyihọ tọn dali yín awàgbà kandegbàn gbigblo; podọ adó dido lọ tọn yín awàgbà atón titli lódo pé, podọ ote etọn awàgbà kanweao.

¹³ Mọwẹ ewọ jlẹ ohọ̀ lọ, awàgbà kanweko tedidi; podọ otẹn klandovo lọ, po dido lọ po, po adó etọn lẹ po, awàgbà kanweko tedidi;

¹⁴ ogblo nukunmẹ ohò lọ tọn tọn ga, po otẹn klandovo lọ tọn po hlan whèzẹtẹn dali, awàgbà kanweko.

¹⁵ Ewọ sọ jlẹ ote dido lọ tọn to otẹn klandovo he tin to godo etọn nukọn, po aisintẹnaga etọn lẹ po to adà dopo ji podọ to adà awetọ ji, awàgbà kanweko; podọ tẹmpli homẹ tọn, po awánu otogùn tọn lẹ po,

¹⁶ họntònu lẹ, po ovẹ́sẹ́ bibó lẹ po, po aisintẹnaga lẹ po lédo pé to agà yetọn atón lẹ ji, pannukọn họntònu lọ, yè yí atin do tézana lódo pó, podọ sọn aigba yìaga jẹ ovésó lẹ kòn; dinvie ovẹ́sẹ́ lẹ yín súsú;

¹⁷ jẹ otẹnvivo ohòn lọ jiaga, yèdọ jẹ ohó homẹ, podọ to gbonu, podọ to adó lọ dali lódo pé homẹ po gbonu po, gbọn jijlẹ lẹ dali.

¹⁸ Podọ yè sọ yí i do basi kẹlubimi po odétin lẹ po; podọ odétin de tin to kẹlubi po kẹlubi po ṣẹnṣẹn, kẹlubi dopodopo sọ tindo nukunmẹ awe;

¹⁹ mọ bọ nukunmẹ gbẹtọ de tọn tin finẹ hlan odétin lọ dali to adà dopo ji, podọ nukunmẹ kinnivú de tọn hlan odétin lọ dali to adà awetọ ji: le wẹ yè basi i do lódo ohó lọ lẹpo petó.

²⁰ Sọn aigba jẹ ohòn lọ jiaga wẹ yè basi kẹlubimi po odetin lẹ po do: podọ na adó tẹmpli lọ tọn, opòtin ohòn lọ tọn lẹ yín adàẹnẹsọzẹn.

²¹ Na tẹmpli lọ tọn, adàẹnẹsọzẹn wẹ opòtin ohòn lọ tọn lẹ; podọ na nukunmẹ fiwiwe lọ tọn tọn, awusọhia etọn tin di awusọhia nukọntọn.

²² Agbà lọ yín atin tọn, awàgbà atọ̀n jiyìyì, podọ ote etọn awàgbà awe; podọ olọnglọnẹn etọn lẹ, po ote etọn po, po adó etọn lẹ po, yín atin tọn: ewọ sọ dọ hlan mi dọ, Ehe wẹ tafo lọ he tin to OKLUNỌ nukọn.

²³ Podọ tẹmpli lọ po fiwiwe lọ po tindo ohòn awe.

²⁴ Ohòn lẹ lọ sọ tindo owhó awe whẹyínwhèyín, owhè lúé awe; owhè awe na ohòn dopo, podọ owhè awe na awetọ.

²⁵ Yè sọ basi do yé ji, do ohòn tẹmpli lọ tọn lẹ ji, kẹlubimi lẹ po odétin lẹ po, taidi lẹ yè basi do adó lẹ jì do; lidemẹ atin tọn titli sọ tin finẹ to awánu lọ nukọn.

²⁶ Ovẹ́sẹ́ bibó lẹ po odétin lẹ po sọ tin finẹ to adà dopo ji podọ to adà awetọ ji, to adà awánu lọ tọn ji: le wẹ abò adàmẹ ohò lọ tọn te po lidemẹ titli lẹ po.