EZEKIELI 2 - BIBLU WIWE LỌ 1923

¹ EWỌ sọ dọ hlan mi dọ, Visunnu gbẹtọ tọn, nọte to afọ towe lẹ ji, yẹn bo na sọ dọhó hẹ we.

² Gbigbọ lọ sọ biọ yẹn mẹ whenuena é dọhó hlan mi, bo sọ zé mi do afọ ṣie lẹ ji; yẹn sọ sè ewọ he to hódọ hlan mi.

³ Ewọ sọ dọ hlan mi, dọ, Visunnu gbẹtọ tọn, yẹn do we hlan ovi Islaeli tọn lẹ de, hlan akọta he yín atẹsitọ lẹ, he ko ṣiatẹ do ogo e; yé po otọ́ yetọn lẹ po ko jẹsénmẹ do ogo e, yèdọ kaka jẹ azán he gbè.

⁴ Podọ ovi lẹ sọ yín unzètọ kọsinsinyẹnnọ; yẹn do we hlan yé: hiẹ na sọ dọ hlan yé dọ, Le wẹ OKLUNỌ JIWHEYẸWHE dọ.

⁵ Podọ yewlẹ, eyín yé na sè, kavi eyín yé na gbọ, (na owhé atẹsitọ de wẹ yè,) gãnṣo na yọnẹn dọ yẹwhegán de ko tin to yé ṣẹnṣẹn.

⁶ Podọ hiẹ, visunnu gbẹtọ tọn, yín obuditọ na yé tọn blo, kavi yín obuditọ na ohó yetọn lẹ tọn blo, yín ovéun po owun lẹ po tlẹ tin to de wé, bọ hiẹ sọ nò yèdùmẹlan lẹ ṣẹnṣẹn; a yín obuditọ na ohó yetọn lẹ tọn blo, kavi yín avosatọna mẹpinpọ́n yetọn lẹ blo, yín yé tlẹ yín owhé atẹsitọ de.

⁷ Hiẹ na sọ dọ ohó ṣie lẹ hlan yé, eyín yé na sè, kavi eyín yé na gbọ: na atẹsitọ petepete wẹ yé

⁸ Ṣigba hiẹ visunnu gbẹtọ tọn, sè nuhe yẹn didọ hlan we; hiẹ yín atẹsitọ taidi owhé atesitọ nẹ blo: kè onù towe, bo dù enẹ he yẹn na we.

⁹ Podọ whenuena yẹn sọ pọn, dayi e go, yè dè alọ de jẹgbonu hlan mi; bo, pọ́n, hiha odi owe de tọn de tin to e mẹ;

¹⁰ Ewọ sọ dlẹn ẹn to nukọn ṣie; é sọ yín winwlan to homẹ po gbonu po yè sọ wlan avigbè lẹ, po awubibla po, po dindọn po do e mẹ.