EZEKIELI 13 - BIBLU WIWE LỌ 1923

¹ OHO OKLUNỌ tọn sọ wá dẽ, dọmọ,

² Visunnu gbẹtọ tọn, dọdọdai do yewhegán Islaeli tọn lẹ go he dodaidọ, hiẹ ni bo dọ hlan yé he dọdọdai sọn ayiha yetọn titi mẹ dọ, Mi sè ohó OKLUNỌ tọn;

³ Le we OKLUNỌ JIWHEYẸWHE dọ: Dindọn hlan yẹwhegán klenọ lẹ he hodo gbigbọ yetọn titi, po onú he yé ma ko mọ lẹ po!

⁴ Islaeli E, yẹwhegán towe lẹ ko tin taidi wọtupọẹ lẹ to otẹn gbògbó lẹ me.

⁵ Mìwlẹ ma ko hẹji yì biọ fìkẹwhè lẹ mẹ gba, kavi basi opá yìaga na owhé Islaeli ton gba nado nọte to awhànfuntẹn to azán OKLUNỌ tọn gbè.

⁶ Yé ko mọ ovó po odọsẹ lalonọ po, he dọmọ, OKLUNỌ dọmọ; bọ OKLUNỌ ma ko do yé hlan: yé ko sọ hẹn gbẹtọ lẹ nado dotódìdo dọ ohó OKLUNỌ tọn lẹ do yín hẹnlòdo.

⁷ Bé mìwlẹ ma ko mọ númimọ ovótọ de, podọ bé mìwlẹ ma ko dọdọṣẹ lalonọ de, le mì tlẹ to didọ sọ dọ, OKLUNỌ dọmọ; ṣogan yẹn ma ko dọhó gba?

⁸ Enẹwutu le wẹ OKLUNỌ Jiwheyẹwhe dọ: Na mìwlẹ ko dọ ovó wutu, bo sọ mọ lalo lẹ, enẹwutu, dayi e go, yẹn tin agọ̀ do mì go, wẹ Okluno Jiwheyẹwhe dọ.

⁹ Podọ alọ ṣie na sọ tin to yẹwhegán he mọ ovọ́ go, po he dọdọṣẹ lalo lẹ po: yé ma na tin to aṣli omẹ ṣie lẹ tọn mẹ gba, mọ yé ma na yín winwlan to otòwé owhé Islaẹli tọn tọn mẹ gba, mọ yé ma sọ to na biọ aigba Islaeli tọn lọ me gba; mìwlẹ na sọ yọnẹn dọ yẹn wẹ OKLUNỌ Jiwheyẹwhe.

¹⁰ Na, yèdọ na yé ko doalọtún omẹ ṣie lẹ wutu, dọmọ, Jijọho: bọ jijọho de ma tin; podọ whenuena mẹde do adó he ma tli de yìaga, dayi e go, yé nọ yí obó mayànmayàn do gọ́?

¹¹ dọ hlan yé he yí obọ́ mayànmayàn do to gigọ́ ẹ lẹ, dọ é na jai: jikun ṣònnọnọ de na tin; podọ mì, kenjikun daho emi, na sọ flẹ; podọ oyu jẹhọn de na sọ tlẹn ẹn.

¹² Pọn, whenuena yè hẹn adó lọ jai, bó yè ma na dọ ẹ hlan mì dọ, Fie wẹ obọ́ he mì ko yí do gọ́ ẹ te!

¹³ Enẹwutu le wẹ OKLUNỌ Jiwheyẹwhe dọ; yèdọ yẹn na yí oyu jẹhọn de do tlẹn ẹn to homẹwlu ṣie mẹ; podọ jikun sònnọnọ de na sọ tin finẹ to adi ṣie mẹ, po kẹnjikun daho lẹ po to homẹwlu mẹ nado và ẹ súdo.

¹⁴ Mọwẹ yẹn na gbà adó he míwlẹ ko yí obọ́ mayànmayàn do gọ́ lọ liai, bo na hẹn ẹn wá odò jẹ aigba, mọ bọ yè na hẹnodòdonu etọn yín númọdòna: é bo na hó, mìwlẹ na sọ yín vivàsúdo to gblagbla etọn mẹ; mìwlẹ na sọ yọnẹn dọ yẹn wẹ OKLUNỌ.

¹⁵ Le wẹ yẹn na hẹn homẹwlu ṣie sọ to adó lọ ji do, podọ to yé he yí obó mayànmayàn do gó ẹ lẹ ji; Yẹn bo na sọ dọ hlan mì dọ, Adó lọ ma sọ tin ba, kavi yé he gọ́ ẹ lẹ;

¹⁶ nado dọ, Yẹwhegán Islaeli tọn lẹ he dọdọdai gbọn Jelusalẹm tọn dali, podọ he mọ númimọ jijọho tọn na ewọ le, bọ jijọho de matin, wẹ OKLUNỌ JIWHEYẸWHE dọ.

¹⁷ Podọ hiẹ, visunnu gbẹtọ tọn, zé nukunmẹ towe do viyọnnu omẹ towe lẹ tọn go, he to dọdaidọ sọn ayiha yetọn titi mẹ; bo dọdọdai do yé go,

¹⁸ Bo dọmọ, Le wẹ OKLUNỌ JIWHEYẸWHE dọ: Dindọn hlan yọnnu he tò okòdo le to opétẹn alọ lẹ tọn lẹpo ji, bo sọ basi odukù le na ota gbẹtọ otè lẹpo tọn tọn nado yànwènna alindọn lẹ! Mì to wènyanna alindọn omẹ ṣie lẹ tọn, mì sọ to alindọn he ma yín mitọn lẹ whlẹngan.

¹⁹ Mìwlẹ ko sọ flu mi to omẹ ṣie le ṣẹnṣẹn na alogògò oli tọn lẹ podọ na okánpò akla tọn, nado hù alindọn he ma do kú lẹ, podọ nado whlẹn alindon he ma do nogbè lẹ gán, gbọn lalodido mìtọn dali hlan omẹ ṣie he tuntóai hlan lalo lẹ.

²⁰ Enẹwutu le wẹ OKLUNỌ JIWHEYẸWHE dọ: Dayi e go, yẹn tin agọ̀ do okọ̀do mìtọn lẹ go, fie mì to wẹ̀nyanna alindon lẹ te, di ohẹ́ yen na sọ tlẹn yé sọn awa mìtọn lẹ mẹ; yẹn na sọ gbọ alindọn lẹ lọ ni yì, yèdọ alindọn he mì to wènyanna di ohẹ̀ lẹ.

²¹ Odukù mìtọn lẹ ga wẹ yẹn na tlẹn, bo sọ whlẹn omẹ ṣie lẹ sọn alọ mìtọn mẹ, yé ma na sọ tin to alọ mìtọn mẹ ba gba nado yín wènyanna; mìwlẹ na sọ yọnen dọ yẹn wẹ OKLUNỌ.

²² Na lalo lẹ wẹ mì ko yí do hẹnhomẹgble ayiha dódónọ lẹ tọn wutu, mẹhe yẹn ma ko hẹn zùn homẹgblenọ; bo sọ nahuhlọn alọ mẹylankan tọn lẹ, na ewọ ma na do lẹ́gọ̀ sọn aliho ylankan etọn mẹ, gbọn ogbè pagbèdido nẹ dali:

²³ enẹwutu mìwlẹ ma na mọ ovọ́ ba, kavi dọdọṣẹ asẹ lẹ gba: yen bo na sọ whlẹn omẹ ṣie lẹ sọn alọ mìton mẹ; míwlẹ na sọ yọnẹn dọ yẹn wẹ OKLUNỌ.