EZEKIELI 11 - BIBLU WIWE LỌ 1923

¹ HUMỌ gbigbọ zé mi daga, bo hẹn mi wá jẹ hòngbo whèzẹtẹn ohò OKLUNỌ tọn tọn ji, he to pinpọ́n hlan whèzẹtẹn dali; bo dayi e go, to ohòn hòngbo lọ tọn ji sunnusi koatọ́n site; yẹn mọ to gblagbla yé tọn mẹ Jaazania visunnu Azuli tọn, po Pẹlatia visunnu Bẹnaia tọn po, ahọvi gbẹtọ lẹ tọn lẹ lọ.

² Ewọ sọ dọ hlan mi dọ, Visunnu gbẹtọ tọn, ehelẹ wẹ omẹ hebla-oylanwà dọ, podọ he na ohónamẹ yinylan to todaho he mẹ:

³ he dọmo, Bé ojlẹ lọ ma sẹpọ́ nado dó ohọ̀ lẹ: todaho he wẹ ogọ̀gbo lọ, míwlẹ wẹ agbasalan.

⁴ Enẹwutu dọdọdai do yé go, dọdọdai, hiẹ visunnu gbẹtọ tọn E.

⁵ Gbigbọ OKLUNỌ tọn flẹ do oji e, ewọ sọ dọ hlan mi dọ, Dọhó, Le wẹ OKLUNỌ dọ: Le wẹ mìwlẹ ko dọ, mì owhé Islaeli tọn emi; na yẹn yón onú he biọ otù mitọn mẹ wá lẹ.

⁶ Mìwlẹ ko hẹn alántọsiọ mitọn lẹ sudeji to todaho he mẹ, mì ko sọ yi alántọsiọ lẹ do gó alihogbo etọn lẹ.

⁷ Enẹwutu le wẹ Okiunọ JIWHEYẸWHE dọ: Alántọṣiọ mitọn lẹ mẹhe mì ko tó do gblagbla etọn mẹ, yéwlẹ wẹ agbasalan, podọ tòdaho he wẹ ogògbo lọ: ṣigba yẹn na hẹn mì jegbonu sọn gblagbla e tọn mẹ wá.

⁸ Mìwlẹ ko sí na ohi lọ; yẹn na sọ hẹn ohi lọ wá mì ji, wẹ OKLUNỌ JIWHEYẸWHE dọ.

⁹ Yẹn na sọ hẹn mì jegbonu sọn gblagbla etọn mẹ wá, bo jó mì do alọ ojonọ lẹ tọn lẹ mẹ, bo na sọ hẹn whẹ̀dida lẹ ṣẹ to mì ṣẹnṣẹn.

¹⁰ Míwlẹ na jai gbọn ohi lọ dali; yẹn na dawhèna mì to agbó Islaeli tọn ji; mìwlẹ na sọ yọnẹn dọ yen wẹ OKLUNỌ.

¹¹ Tòdaho he ma na yín ogògbo mitọn gba, mọ míwlẹ ma na sọ yín agbasalan to gblagbla etọn mẹ gba; yẹn na dawhèna mì to agbó Islaeli tọn lọ ji;

¹² mìwlẹ na sọ yọnẹn dọ yen wẹ OKLUNỌ: na míwlẹ ma ko zinzọnlin to osẹ́ndoai ṣie lẹ mẹ gba, mọ mì ma ko sọ hẹn whẹ̀dida ṣie lẹ ṣẹ gba, ṣigba ko wà hodo whẹ̀dida akota he tin lẹ́do mì pé lẹ tọn.

¹³ E sọ wá jọ, whenuena yẹn dọdọdai, wẹ Pẹlatia visunnu Bẹnaia tọn kú. Whenẹnu wẹ yẹn họ́ do nukunmẹ ṣie ji, bo yí ogbè lélé de do dawhá, bo dọmọ, ṣò OKLUNỌ JIWHEYẸWHE Bé hiẹ na basi opòdo gigọ pipòtọ Islaeli tọn tọn de wẹ?

¹⁴ Ohó OKLUNỌ tọn sọ wá dẽ, dọmọ,

¹⁵ Visunnu gbẹtọ tọn, mẹmẹsunnu towe lẹ, yèdọ mẹmẹsunnu towe lẹ, sunnusi sọn ofligò towe lẹ mẹ, po owhé Islaeli tọn lẹpo po, popo yé tọn, wẹ yé mẹhe tòmẹnu Jelusalẹm tọn le ko dọ hlan dọ, Mì hẹn míde dẹn do OKLUNỌ; mìwlẹ we yè yí aigba he na na nutindo de:

¹⁶ enẹwutu dọ, Le wẹ OKLUNỌ Jiwheyẹwhe dọ: Le yen tlẹ ko diọtẹnna yé dẹn boboe to akota lẹ ṣẹnṣẹn sọ, podọ le yẹn tlẹ ko sọ vúnvún yé do otò lẹ ṣẹnṣẹn sọ, gãnṣo yẹn ko yín fiwiwe de hlan yé na ojlẹ vude to otò fie yè hẹn yé wá lẹ lọ mẹ.

¹⁷ Enẹwutu dọ, Le wẹ OKLUNỌ Jiwheyẹwhe dọ: Yẹn na ṣinyan mì pli sọn akọta lẹ mẹ, bo sọ bẹ́ mì pli sọn otò fie yè ko vúnvún mì do lẹ mẹ, yẹn na sọ na aigba Islaẹli tọn mì.

¹⁸ Yé na wá finẹdali, yé na sọ bẹ́ onú awuhiọ etọn lẹpo po osùnú etọn lẹpo po yì sọn finẹ.

¹⁹ Yẹn bo na sọ na ayiha dopo yé, yẹn bo na sọ yi gbigbọ yọ́yọ́ de do mì hòmẹ; yẹn bo na sọ dè ayiha zannunọ sọn agbasalan yetọn mẹ, bo na na ayiha agbasalan tọn de yé:

²⁰ na yé nido nọ zinzọnlin to oséndoai ṣie lẹ mẹ, bo sọ yìn gbèdoai ṣie lẹ, bo basi yé: yéwlẹ bo na sọ yín omẹ ṣie lẹ, yẹn bo na sọ yín Jiwheyẹwhe yetọn.

²¹ Ṣigba na yé ayiha mẹhetọn to zọnlinzin hodo ayiha onú hiọawu yetọn lẹ, po osùnú yetọn lẹ po tọn, yẹn na hẹn aliho yetọn wá ota yetọn titi lẹ ji, wẹ OKLUNỌ Jiwheyẹwhe dọ.

²² Whenenu wẹ kẹlubimi lẹ lọ zé awà yetọn lẹ daga, kẹkẹfọ lẹ lọ sọ tin to yé ta gẽ; gigo Jiwheyẹwhe Islaẹli tọn tọn sọ tin to yé ta aga.

²³ Gigo OKLUNỌ tọn lọ sọ hẹji yìaga sọn gblagbla tòdaho lọ tọn mẹ, bo ṣite to osé he tin to whèzẹtẹn tòdaho lọ tọn dali ji

²⁴ Gbigbọ lọ sọ zé mi daga, bo hẹn mi to numimọ lọ mẹ gbọn gbigbọ Jiwheyẹwhe tọn dali wá biọ Kaldea mẹ, jẹ yé mẹmẹglọ lẹ tọn de. Mowẹ numimọ he yẹn ko mọ hẹji yì sọn dẽ.

²⁵ Whenẹnu wẹ yẹn dọ onú he OKLUNỌ ko dohia mi lẹpo hlan mẹmẹglọ tọn lẹ lọ.