Eksọdusi 15 - BIBLU WIWE LỌ 1923

¹ WHENẸNU wẹ Moṣe po ovi Islaeli tọn lẹ po ji o àn he hlan OKLUNỌ, bo dọhó, dọmọ, Yen na jihàn hlan OKLUNỌ, na é ko yi gigo do gbawhàn ; Osó po hihétọ etọn po wẹ é takiti na do ohù mẹ.

² OKLUNỌ wẹ huhlọn poohàn ṣie po, Ewọ sọ lẹzùn whlẹngan ṣie: Ehe wẹ Jiwheyẹwhe ṣie, yẹn na sọ to pipa ẹ ; Jiwheyẹwhe otọ ṣie tọn, yẹn na nọ zé e daga.

³ OKLUNỌ we gbẹtọ awhànfùntọ de: Oyín etọn wẹ OKLUNỌ.

⁴ Kẹkẹ Falo tọn lẹ po awhànpa etọn po wẹ é ko zedlan ohù mẹ: Awhàngandaho mẹdidè etọn lẹ wẹ yè sìọ do Ohù Vẹ̃ mẹ.

⁵ Dogbo lẹ ṣinyọn yé ji: yé jẹte biọ dògbo lẹ me di osé de.

⁶ Adusilọ towe, OKLUNỌ E, yín gigonọ to huhlọn mẹ, Adusilọ towe, OKLUNỌ È, gbàkẹntọ lọ hanyanhanyan.

⁷ Podọ to kiklo yẹyi towe tọn mẹ hiẹ takitina yé mẹhe fọ́n do oji wẹ lẹ: Hiẹ do adanjijẹ zogbe towe tón, é fiọ yé di amàhúhú.

⁸ Yè yí fufú awọntinslo towe tọn lẹ do dọn osìn lẹ plidopọ, Olọ gigọ́ lẹ? ite sángbanna di ado de; Dògbo lẹ dágo to ohò ohù tọn mẹ

⁹ Kẹntọ lọ domọ, Yen na domọna, yẹn na pla, yẹn na má ogblan lọ: Wantuntun ṣie na yín nupekọnanọ to yé ji; Yẹn na dọn ohi ṣie, alọ ṣie na sú yé do.

¹⁰ Hiẹ yí jẹhọn towe do fúfùfú, ohù ṣinyọn yé ji: Yé siọ di sunmí to osìn huhlọnnọ lẹ mẹ.

¹¹ Mẹnu wẹ tin di we, OKLUNỌ E, to yẹwhe lẹ ṣẹnṣẹn? Mẹnu wẹ tin di we, gigonọ to wiwé me, Osinọ to pipa lẹ mẹ, he nọ wà nújawu lẹ?

¹² Hiẹ dlẹn adusilọ towe tón, Aigba zé yé mì

¹³ Hiẹ to dagbewanyi towe me ko hiali gbẹtọ he hiẹ ko fhinlẹ: Hiẹ ko gọkọna yé to huhlọn towe mẹ hlan fininọ̀ wiwé towe.

¹⁴ Gbẹtọ lẹ lọ ko sè, yé sisọ: Awúfiẹsa lẹ ko hẹn tomẹnu Filistia tọn lẹ go.

¹⁵ Whenẹnu wẹ yè hẹn awúji ogán daho Ẹdomi tọn lẹ; Otògán Moabi tọn lẹ, sisọsisọ té do yé go: Yè hẹn tòmẹnu Kenani tọn lepo yọ kònyingbe.

¹⁶ Avòsisá po obú po jẹ́ yé ji; Gbọn kiklo awà towe tọn dali yé site gù di zannu de; Kaka omẹ towe lẹ do juwáyì, OKLUNỌ E, Kaka omẹ he hiẹ ko họ̀ lẹ do juwáyì.

¹⁷ Hiẹ na hẹn yé wáwhé, bo dó yé to osé ogúyigba towe tọn mẹ, Otẹn lọ, OKLUNỌ È, ehe hiẹ ko basi na dewe nado nọnọ̀ e mẹ, Ofiwiwe lọ, OKLUNỌ È, ehe alọ towe le ko doai.

¹⁸ OKLUNỌ na to ahọludu kakadoidọi.

¹⁹ Na osé Falo tọn lẹ biọ humẹ po kẹkẹ etọn lẹ po po osónọ etọn lẹ po yì ohù mẹ, OKLUNỌ sọ VỌ osìn ohù tọn lẹ hẹn wá yé ji; ṣigba ovi Islaeli tọn lẹ to zọnlinzin to aigba kló ji to ṣẹnṣẹn ohù tọn.

²⁰ Miliam yẹwhegan, nọviyọnnu Aalọn tọn zé akòhún de do alọ me: yọnnu lẹpo sọ tọn hodo e po akòhún lẹ po po owè po.

²¹ Miliam sọ gblọnna yé dọ, Mì jihan hlan OKLUNỌ, na é ko yí gigo do gbawhàn ; Osó po hihẹtọ etọn po wẹ é ko zédlan do ohù mẹ.

²² Moṣe so plan Islaeli yi nukọn sọn Ohù Vẹ̃ tó, yé sọ tón yì biọ zùngbo Suli tọn mẹ; yé to yìyì azán atọ̀n to zùngbo mẹ, bo ma mọ osìn de.

²³ Whenuena ye wá Mala, yé ma sọgan nù sọn osìn Mala tọn mẹ gba, na é yín vivẹ: enẹwutu wẹ yè do ylọ oyín etón dọ Mala.

²⁴ Gbetọ lẹ sọ to hunhlun do Moṣe go, domọ, Eté wẹ mí na nù?

²⁵ Ewọ sọ dawhá hlan OKLUNỌ; OKLUNỌ sọ do atin de hia ẹ, ewọ sọ zé e dlẹn osìn lẹ mẹ, yè sọ hẹn osìn lẹ vivi. Finẹ wẹ é basi sẹndai de po aṣẹdai de po na yé te, fine we é sọ whlé ye pọ́n te;

²⁶ Ewọ sọ dọmọ, Eyín hiẹ na yí sọwhiwhe do tùntóai hlan ogbè OKLUNỌ Jiwheyẹwhe towe tọn, bo na wà enẹ he jlọ to nukun etọn lẹ mẹ, bo na na otọ́ hlan gbèdide etọn lẹ, bo payi séndai etọn lẹpo go, yẹn ma na yí depope azón lẹ tọn do ogo we gba, ehe yẹn ko yí do Egiptinu lẹ go: na yẹn OKLUNỌ he hẹnazọ̀ngbọna we wẹ.

²⁷ Yé sọ wa Elim, fie asisa wiawe osìn tọn lẹ ko te, po odetin kandegbàn po: yé sọ whesla do finẹ to osìn lẹ tó.