Deutelonomi 4 - BIBLU WIWE LỌ 1923

¹ PODỌ dinvie, Islaeli È, tùntóai hlan asẹdai lẹ lọ, podọ hlan whẹ̀dida lẹ lọ, he yẹn plọn mì, na nado nọ wà yé; na mì nido gán, bo yì bo tindo aigba lọ he OKLUNỌ lọ, Jiwheyẹwhe otọ mìtọn le tọn lọ na mì.

² Mìlẹ ma na dèdogó ohó he yẹn degbèna mì lọ, mọ mì ma na dèpò sọn e mẹ, na mì nido nọ; payi gbèdide OKLUNỌ lọ Jiwheyéwlie mìtọn tọn le lọ go he yẹn degbèna mì.

³ Nukun mitọn lẹ ko mọ núhe OKLUNỌ lọ wà na Baali-peoli tọn wutu: na omẹ he hodo Baali-peoli lẹpo, OKLUNỌ lọ Jiwheyẹwhe towe ko và yé sọn gblagbla towe mẹ.

⁴ Ṣigba mì he sẹ́bòdo OKLUNỌ lọ Jiwhe vewhe mìtọn go tin togbè omẹ dopo dopo mi tọn to egbé;

⁵ Dayi e go; yẹn ko plọn aṣẹdai lẹ lọ mì po whẹ̀dida lẹ po, yẹdọ dile OKLUNỌ lọ Jiwheyẹwhe ṣie degbèna mi do, na mì ni do nọ wà mọ to gblagbla aigba lọ tọn mẹ fiedali mẹ mì jei nado tindo e.

⁶ Enẹwutu mì nọ payi bo sọ nọ basi yé; na ehe wẹ nuyọnẹn mìtọn po wuntuntun mìtọn po to nukun gbẹtọ lẹ lọ tọn mẹ, he na sè aṣẹdai helẹ pó, bo dọmọ, Nugbonugbo gbẹtọ núyọnẹntọ podọ wuntuntọ de wẹ akọta daho he.

⁷ Na akọta daho tẹwẹ tin finẹ he tindo Jiwheyẹwhe sẹpọ́ yé de, dile OKLUNỌ lọ Jiwheyẹwhe mítọn te whedepopenu mí dawhá ylọ ẹ?

⁸ Podọ akọta daho tẹwẹ tin finẹ, he tindo aṣẹdai lẹ po whẹ̀dida dódónọ lẹ po dile osẹ́n he lẹpo te, he yẹn zé do mì nukọn to egbó he?

⁹ Yí ayipipa hlan dewe ṣokẹdẹ, bo yí sọwhiwhe do whla alindọn tọwe, hiẹ nikã wẹ̀n onú lẹ lọ he nukun towe lẹ mọ, podọ yé nikã fọ́nyì sọn ayiha towe mẹ to azán ogbẹ̀ towe tọn lẹpo mẹ; ṣigba hẹn yé yín yinyọnẹn hlan ovi towe lẹ podọ ovi ovi towe lẹ tọn lẹ;

¹⁰ azán he gbè hiẹ ṣite to OKLUNỌ lọ Jiwheyẹwhe towe nukọn to Holẹbi mẹ, whenuena OKLUNỌ lọ dọ hlan mi dọmọ, Pli gbẹtọ lẹ lọ na mi, yẹn bo nasọ hẹn yé sè ohó ṣie lẹ, na yé nido plọn nado nọ dibusi mi to azán he gbè yé tin togbẹ̀ to aigba lọ ji lẹpo, podọ na yé nido nọ plọn ovi yetọn lẹ.

¹¹ Bọ mìlẹ sọ wá sẹpọ́ bo ṣite to osé lọ glọ; bọ osé lọ yí miyọn do to jiji jẹ odaglà olọn tọn mẹ, po zinvlu po, aslọ, po zinvlu titli po.

¹² OKLUNỌ lọ sọ dọhó hlan mì sọn gblagbla miyọn lọ tọn mẹ: mìlẹ sè ogbè ohó lẹ tọn, ṣigba mì ma mọ ojlẹmọ de gba; ogbè de kẹdẹ wẹ mì sè.

¹³ E bo sọ la alènu etọn hlan mì he é degbèna mì nado nọ yíwà, yèdọ gbèdide ao lẹ; é bo sọ wlan yé do tafo zannu tọn awe ji.

¹⁴ OKLUNỌ lọ bo sọ degbèna mi to ojlẹ nẹ mẹ nado nọ plọn aṣẹdai lẹ po whẹ̀dida lẹ po mì, na mí nido nọ basi yé to aigba lọ mẹ fiedali mì jei nado tindo e.

¹⁵ Enẹwutu mì ni yí ayipipa hlan mìde; na mì ma mọ ojlẹmọ hunkọ de tọn to azán he gbè OKLUNỌ lọ dọhó hlan mì to Holebi mẹ sọn gblagbla miyọn tọn mẹ gba:

¹⁶ mi nikã hẹn mìde gble, bọ mì basi boṣiọ pipa de to ojlẹmọ ohiamọ depope tọn mẹ, apajlẹ asú tọn kavi asi,

¹⁷ apajlẹ okanlin depope tọn he tin to aigba lọ go, apajlẹ ohẹ awànọ depope tọn he to zinzlọn to olọn lọ mẹ,

¹⁸ apajlẹ onú depope tọn he tin aigba lọ go, apajle whèvi depope tọn he tin to osìn mẹ to aigba lọ glọ:

¹⁹ podọ hiẹ nikã zé nukun towe lẹ daga hlan olọn, podọ whenuena hiẹ mọ owhè lọ po osùn lọ po po sunwhlẹvu lẹ lọ po, yèdọ awhànpa olọn tọn lẹpọ lọ, hiẹ yín dindòn yì bo sọ litaina yé bo to yé sèn, he OKLUNỌ lọ Jiwheyẹwhe towe ko má hlan akọta lẹpo lọ to olọn lọ pete glọ.

²⁰ Ẹligba OKLUNỌ lọ ko dè mìlẹ, bo hẹn mì jẹgbonu sọn ozòhi ogànyu lọ tọn mẹ wá, sọn Egipti mẹ, nado tin hlan ẹn akọta ogú tọn de, dile e te to egbé he.

²¹ Humọ OKLUNỌ gblehomẹ do ogo e na mìtọn wutu, bo whle dọ yẹn ma na yì aigba dagbe nẹ mẹ gba, he OKLUNỌ lọ Jiwheyẹwhe towe na we na ogú de:

²² ṣigba yẹn mananọma kú to aigba he ji gba yẹn ha yì Jọdani gododọ̃n blo: ṣigba mìlẹ na yì gododọ̃n bo tindo aigba dagbe nẹ.

²³ Mì ni yí ayipipa hlan mìde, mì nikã wọn alènu OKLUNỌ lo Jiwheyẹwhe mítọn tọn, he é basi po mì po, bọ mì basi oboṣiọ pipa de to ojlẹmọ onú depope tọn mẹ he OKLUNỌ lọ Jiwheyẹwhe towe ko kọ́na we.

²⁴ Na OKLUNỌ lọ Jiwheyẹwhe towe miyọn jáwla de wẹ, Jiwheyẹwhe awuwhannọ de.

²⁵ Whenuena hiẹ na ji ovi lẹ, po ovi ovi lẹ lọ tọn lẹ po, bọ mì na ko tin dẹn to aigba lọ ji, bo na hẹn mìde gble, bo basi obosiọ pipa de to ojlẹmọ onú depope tọn mẹ, bo na wà enẹ he yín oylan to nukun OKLUNỌ lọ Jiwheyẹwhe towe tọn mẹ, nado hẹn ẹn gblehomẹ hlan adi:

²⁶ Yẹn ylọ olọn po aigba po nado dekunnu do mì ji to egbé he, dọ mì na dọn gbidigbidi sọn aigba lọ ji fie mì jei to Jọdani gododọ̃n nado tindo e; mì ma na hẹn azán mìtọn lẹ dẹn to e ji gba, ṣigba na yín vivà gbidigbidi.

²⁷ OKLUNỌ lọ nasọ vúnvún mì to akọta lẹ lọ ṣẹnṣẹn, mì nasọ yín jijodai vude to osọha mẹ to akọta lẹ lọ ṣẹnṣẹn fie OKLUNỌ lọ na plan mì yì.

²⁸ Finẹ wẹ mì na sẹ̀n ovodun lẹ te, azọ́n alọ gbẹtọ lẹ tọn lẹ, atin po zannu po, he ma nọ mọnú, kavi sènú, kavi nọ dùnú, kavi nọ sèwán gba.

²⁹ Ṣigba eyín mìlẹ na din OKLUNỌ lọ Jiwheyẹwhe towe sọn finẹyì, hiẹ na mọ ẹn, eyín hiẹ na yí ayiha towe lẹpo podọ po alindọn towe lẹpo po do din hodo e.

³⁰ Whenuena hiẹ tin to nukunbibia mẹ, bọ yè hẹn onú helẹ pó wá oji we, eyín to azán godo tọn lẹ mẹ hiẹ lẹ́gọ̀ do OKLUNỌ lọ Jiwheyẹwhe tówe de, bo tùntóai hlan ogbè etọn

³¹ na OKLUNỌ lọ Jiwheyẹwhe towe Jiwheyẹwhe lẹblanunọ de wẹ; é ma na gbẹ́ we gba, kavi và we gba, kavi wọn alènu otọ́ towe lẹ tọn lọ he ewọ whle hlan yé gba.

³² Na kàn azán he ko wayì lẹ lọ tọn biọ dinvie, he ko tin nukọn towe, sọn azán whenu he Jiwheyẹwhe da gbẹtọ do aigba lọ ji, podọ sọn opòdo dopo olọn tọn jẹ awetọ, eyín onú mọnkọ de ko tin dile onú daho he te, kavi ko yín sisè di ehe?

³³ Bé gbẹtọ sè ogbè Jiwheyẹwhe tọn gbède to hódọ sọn gblagbla miyọn tọn mẹ dile hiẹ ko sè do, bo sọ togbẹ́?

³⁴ Kavi Jiwheyẹwhe ko toupọ́n nado yí bo yí akọta de na ede sọn gblagbla akọta devo tọn mẹ, gbọn whlepón lẹ dali, gbọn ohia lẹ dali, podọ gbọn nujawu lẹ dali, podọ gbọn awhàn dali, podọ gbọn alọ hlọnhlọnnọ de dali podọ gbọn awà dindlẹn jẹgbonu de dali, podọ gbọn budaho le dali, kẹdẹdi ehe OKLUNỌ lọ Jiwheyẹwhe mìtọn wà na mì lẹpo to Egipti mẹ to nukun mìtọn lẹ nukọn?

³⁵ Yè do e hia hlan we, na hiẹ nido yọnẹn dọ OKLUNỌ lọ ewọ wẹ Jiwheyẹwhe; devo de ma tin dogó ẹ gba.

³⁶ E hẹn we nado sè ogbè etọn sọn ọlọn mẹ, na é nido plọn we: é sọ hẹn we nado mọ miyọn daho etọn to aigba ji; hiẹ sọ sè ohó etọn lẹ sọn gblagbla miyọn lọ tọn mẹ jẹgbonu.

³⁷ Podọ na ewọ yiwanna otò mìtọn lẹ wutu enẹwutu wẹ é dè okún yetọn to yé godo, bo yí huhlọn daho etọn do hẹn we jẹgbonu sọn Egipti mẹ, to nukun etọn mẹ;

³⁸ nado yàn akọta lẹ kiklohu podọ hlọnhlọnnọhu hiẹ jegbonu sọn nukọn towe, nado hẹn we wáwhégbè, nado na aigba yetọn we na ogú de, dile é te to egbé hé.

³⁹ Enẹwutu a ni yọnẹn to egbé he, bo sọ yí i do ayiha towe mẹ, dọ OKLUNỌ lọ ewọ wẹ Jiwheyẹwhe to olọn mẹ aga podọ to aigba ji todò: devo de ma tin finẹ gba.

⁴⁰ Hiẹ bo na nọ payi asẹdai etọn lẹ go, po gbèdide etọn lẹ po, he yẹn degbèna we to egbé he, na é nido yì na dagbẹ to de we, podọ to ovi towe lẹ de to godo towe, podọ na hiẹ nido hẹn azán towe lẹ dẹn to aigba lọ ji, he OKLUNỌ lọ Jiwheyẹwhe towe na we, kakadoi.

⁴¹ Whenẹnu wẹ Moṣe klan tòdaho atọ̀n dovo to Jọdani gododọ̃n hlan whèzizẹ̀ dali;

⁴² na mẹhùtọ lọ nido nọ họ̀nyì finẹ, he hù kọmẹnu etọn madodego, bo ma sọ gbẹwanna ẹn to ojlẹ he wáyì mẹ gba; podọ to hinhònyì jẹ dopo tòdaho helẹ tọn mẹ ewọ nido nọgbè

⁴³ Enẹ wẹ nado dọ, Bezeli to zùngbo lọ mẹ, to otò aigba vlala lọ mẹ, na Lẹubeninu lẹ lọ; podọ Lamoti to Gileadi mẹ, na Gadinu lẹ lọ; po Golani po to Baṣani mẹ, na Manassenu lẹ lọ.

⁴⁴ Ehe wẹ osẹ́n lọ he Moṣe: zé do ovi Islaeli tọn lẹ lọ nukọn:

⁴⁵ ehelẹ wẹ okunnuhó lẹ lọ, po asedai lẹ lọ po, po whẹ̀dida lẹ lọ po, he Moṣe dọ hlan ovi Islaeli tọn lẹ lọ, whenuena yé jẹgbonu sọn Egipti mẹ wá;

⁴⁶ to Jọdani gododọ̃n, to agbadò he pànnukọn Beti-peoli lọ mẹ, to aigba Sihoni ahọlu Amọlinu lẹ tọn lọ tọn jì, he nọnọ̀ Hẹṣbọni, mẹhe Moṣe po ovi Islaeli tọn lẹ lọ po hò, whenuena yé jẹgbonu sọn Egipti mẹ wá:

⁴⁷ yé sọ yí aigba yetọn to nútindo mẹ, po aigba Ogi ahọlu Baṣani tọn lọ tọn po, ahọlu awe Amolinu lẹ lọ tọn he tin to Jọdani gododọn hlan whèzizẹ dali;

⁴⁸ Sọn Aloeli mẹ, he tin to otónu agbadò Alnoni tọn lọ tọn go, yèdọ jẹ osé Sioni kòn (dopolọ wẹ Helmoni),

⁴⁹ po Alaba lọ lẹpo po to Jọdani gododọ̃n hlan whèzẹtẹn dali, yèdọ jẹ ohù Alaba tọn lọ kọ̀n, to asisà Pisga tọn lẹ lọ glọ.