Deutelonomi 28 - BIBLU WIWE LỌ 1923

¹ E NASỌ wá jọ, eyín hiẹ na yí sọwhiwhe do tùntóai hlan ogbè OKLUNỌ lọ Jiwheyẹwhe towe ton, nado nọ payi nado basi gbèdide étọn lẹ lepo heyẹn degbèna we to egbé he, wẹ OKLUNỌ lọ Jiwheyẹwhe towe na zé we do oji hugan akota aigba lọ tọn lepo:

² dona hele pó nasọ wá oji we, bo pa we eyín hiẹ na nọ tùntóai hlan ogbè OKLUNỌ lọ Jiwheyẹwhe towe tọn.

³ Donanọ hiẹ na yín to tòdaho lọ mẹ, podọ donano hiẹ na yín to ogle lọ mẹ.

⁴ Donanọ osinsẹ́n agbasa towe tọn na yín, po osinsẹ́n aigba towe tọn po, po osinsẹ́n kanlinyìnyìn towe lẹ tọn po, jideji oyin towe lẹ tọn, po ovú kanlinpá towe tọn le po.

⁵ Donanọ oha towe na yín po aklahòpanko towe po:

⁶ Donanọ hiẹ na yín whenuena hiẹ wá whégbè, podo donanọ hiẹ: na yín whenuena hie jẹgbonu yì.

⁷ OKLUNỌ lọ na hẹn kènto towe he fọ́n do oji we lẹ nado yín hihò to nukọn towe: Yé na gbọn aliho de ji jegbonu wá oji we, bo nasọ gbọn aliho ṣinawe họ̀nyì to nukọn towe.

⁸ OKLUNỌ lọ na degbè dona lọ tọn do oji we to zĩnhọ̀ towe lẹ mẹ, podọ to ehe hiẹ yí alọ towé hlan lepo me; é nasọ dona we to aigba he OKLUNỌ lọ Jiwheyẹwhe towe na we lọ mẹ.

⁹ OKLUNỌ lọ na do we ai na gbẹtọ wiwe de hlan ede, dile é ko whle hlan we do; eyín hiẹ na payi gbèdide OKLUNỌ lọ Jiwheyẹwhe towe tọn lẹ go, bo sọ nọ zinzọnlin to ali etọn lẹ mẹ.

¹⁰ Gbetọ aigba tọn lẹ lọ lẹpo nasọ mọ dọ hiẹ yín yiylọ gbọn oyín OKLUNỌ lọ tọn dali; yé bo nasọ yín avosatọ towe tọn.

¹¹ OKLUNỌ lọ na hẹn we zùn sùsùnọ na dagbe, to osinsẹ́n agbasa towe tọn lọ mẹ, podọ to osinsẹ́n kanlinyìnyìn towe tọn lẹ me, podọ to osinsẹ́n aigba towe tọn lọ mẹ, to aigba he OKLUNỌ lọ whle hlan otọ́ towe lẹ nado na we lọ mẹ.

¹² OKLUNỌ lọ na hùn agbànhọ̀ dagbe etọn hlan we, olọn lọ nado na ojikun aigba towe tọn lọ to osã etọn mẹ, podọ nado dona azọ́n alọ towe tọn lẹpo: hiẹ wẹ na nọ yàn hlan akọta sùsù, hiẹ ma: na whé gba.

¹³ OKLUNỌ lọ na hẹn we zùn ota lọ, osi lọ ma gba; podọ hiẹ na tin to aga jãnwẹ, hiẹ ma na tin to oglọ gba; eyín hiẹ na tuntóai hlan gbèdide OKLUNỌ lọ Jiwheyẹwhe towe tọn, he yẹn degbèna we to egbé he, nado nọ payido podọ nado nọ basi yé;

¹⁴ bo ma na lẹ́ jẹla sọn ohó he yẹn degbèna mí to egbé he lẹ lọ tọn depope mẹ, hlan alọ adusi mẹ, kavi hlan amiọn mẹ, nado hodo yẹwhe devo lẹ yì nado sẹ́n yé.

¹⁵ Ṣigba é na wá jọ, eyín hiẹ ma na tùntóai hlan ogbè OKLUNỌ lọ Jiwheyẹwhe towe tọn gba, nado nọ payi nado basi gbèdide etọn lẹpo po asẹdai etọn lẹ po he yẹn degbèna we to egbé he; wẹ odẹ̀hodo helẹ pó na wá oji we, bo sọ pla we.

¹⁶ Dẹhodonọ hiẹ na yín to tòdaho lọ mẹ, podọ dèhodonọ hiẹ nasọ yín to ogle lọ mẹ.

¹⁷ Dẹhodonọ oha towe na yín po aklahòpanko towe po

¹⁸ Dẹ̀hodonọ osinsẹ́n agbasa towe tọn lọ na yín, po osinsẹ́n aigba towe tọn po, jideji oyín towe lẹ lọ tọn, po ovú kanlinpá towe tọn lẹ lọ po,

¹⁹ Dẹ̀hodonọ hiẹ na yín whenuena hiẹ wá whégbè, podọ dẹ̀hodonọ hiẹ nasọ yín whenuena hiẹ jegbonu yí.

²⁰ OKLUNỌ lọ na do odẹ hodo, gbigbàdo, po whẹ̀dido po hlan oji we, to ehe hiẹ yí alọ towe hlan na nado wà lẹpo, kaka hiẹ do yín vivà, podọ kaka hiẹ do dòn plaun; na oylan wiwà towe lẹ tọn wutu, ehe dali hiẹ ko gbẹ́ mi dai.

²¹ OKLUNỌ lọ na hẹn azọ̀nylankan lọ tó do ogo we, kaka é ko do hù we súdo sẹ́ sọn aigba lọ ji fiẹ mẹ hiẹ jei nado tindo e.

²² OKLUNỌ lọ na yí azọ̀njẹmẹji do hò mì, podọ po avivọha po, podọ po miyọnhùnhùn po, podọ po yozo miyọnawu po, podọ po ohi po, podọ po jijayìngbé po, podọ po òdọ́ po; yé nasọ domọna we aka hiẹ do dòn

²³ Olọn towe he tin to ota towe ji na yín gànvẹ̃, podọ aigba he tin to ogí, towe na yín gànyu,

²⁴ OKLUNỌ lọ na hẹn ojikun aigba towe tọn lọ zùn ojẹ̀ po kọgudu po: olọn wẹ é na jẹte sọn olọn; wá oji we kaka hiẹ nado yín vivà.

²⁵ OKLUNỌ lọ na hẹn we nado yín hihò to kẹ̀ntọ towe lẹ nukọn: hiẹ na gbọn aliho de jẹgbonu yì kẹ́ntọ towe lẹ ji, bo nasọ gbọn aliho ṣinawe họ̀nyì to yé nukọn: hiẹ nasọ yín mìmímìmí sọnde sọndọn to ahọludu aigba tọn lẹ lọ lẹpo ṣẹnṣẹn.

²⁶ Osiọ towe nasọ yín núdùdù hlan ohẹ aganukunmẹ tọn lẹ, podọ hlan gbékanlin aigba tọn lẹ, omẹ de ma nasọ tin finẹ nado klọ́n yé sẹ̀ gba.

²⁷ OKLUNỌ lọ na yí nutitẹ Egipti tọn do hò we, podọ po nutitẹ ylankan lẹ po, podọ po akli po, podọ po azọ̀ndìndanlànmẹ lọ po, sọn ehemẹ hiẹ ma sọgan yín azọnhẹngbọna te.

²⁸ OKLUNỌ lọ nasọ yí núlulu do hò we, podọ po nukuntintọn po podọ po awujiji ayiha tọn po:

²⁹ podọ hiẹ na nọ dlavi to oklekle, dile nukun tónnọ nọ to avidla to zinvlu mẹ do, hiẹ ma na mọdagbe to ali towe lẹ mẹ gba: podọ hiẹ na yín nukunbianọ jãnwẹ podọ bibẹ́ yì, omẹ de ma nasọ tin finẹ nado whlẹn we gba.

³⁰ Hiẹ na dà asi de, sunnusi devo bo na kọ̀ndopọ hẹ ẹ: hiẹ na do ohọ̀ de, hiẹ ma na nọ̀ finẹmẹ gba: hie na do ovẹ̃npa de, bo ma na zán sinsẹ́n etọn gba

³¹ Oyin towe na yín hùhù to nukun towe lẹ nukọn, hiẹ ma nasọ dù sọn e mẹ gba: kẹtẹkẹtẹ towe na yín yiyí huhlọn do yí sọyì sọn nukunmẹ towe nukọn, bo ma nasọ yín gigọ̀jó hlan we gba: lẹngbọ towe lẹ na yín nina hlan kẹ́ntọ towe lẹ, hiẹ ma nasọ tindo mẹde nado whlẹn we gba.

³² Visunnu towe lẹ po viyọnnu towe lẹ po na yín nina hlan ome devo lẹ, nukun towe lẹ na to nupọ́n, nukundoaliho na yé to azán lọ lẹpo mẹ na si we: núde to huhlọn alọ towe tọn lọ mẹ ma na tin to finẹ gba.

³³ Sinsén aigba towe tọn, po tuklajẹ towe lẹpo po, wẹ akọta he hiẹ ma yọnẹn de na dù; hiẹ na yín bibianukunna jãnwẹ podọ pipẹtẹ whepoponu.

³⁴ Mọ dọ hiẹ na yín núlunọ na nupinpọ́n nukun towe lẹ tọn he hiẹ na mọ lọ.

³⁵ OKLUNỌ lọ na yí nutitẹ ylankan do hò we to kligonu lẹ mẹ, podọ to azàngandan lẹ lọ mẹ, ehe mẹ hiẹ ma sọgan yín azon hẹngbọna sọn gba, sọn afọpahomẹ afọ towe tọn jẹ ahọ̀ndòmẹ ota towe tọn.

³⁶ OKLUNỌ lọ na hẹn we wá, po ahọlu towe he hiẹ na zé do oji we lọ po jẹ akọta he hiẹ ma ko yọnẹn de de, hiẹ kavi otọ́ towe lẹ ma gba; podọ finẹ yé na nọ sèn yẹwhe devo lẹ te, atin po zannu po.

³⁷ Hiẹ Io na lẹzun awujinu de, hówhihwhén de, podọ hodọnu de to akọta lọ lẹpo ṣẹnṣẹn fiedali OKLUNỌ lọ na plan we yì

³⁸ Hiẹ na hẹn okún sùsù jẹgbonu yì jẹ dangbo, bo na bẹ́ pẹvide wá owhégbè; na owẹ́n lọ na dù i súdo.

³⁹ Hiẹ na do ovẹ̃npa lẹ bo sọ jla yé do, aigba hiẹ ma na nù sọn ovẹ̃n lọ mẹ gba, kavi bé vẹnsinsén lẹ lọ gba: na owán lọ na dù yé.

⁴⁰ Hiẹ na tindo atin oliviéli lẹ gbọn agboji towe lẹpo mẹ lẹ́do pé, ṣigba hiẹ ma na yí amì lọ do samìsisana dewe gba; na olivieli towe na jà sinsẹ́n eton kọ̀nyìngbé.

⁴¹ Hiẹ na ji visunnu lẹ po viyọnnu lẹ po, ṣigba yé ma na yín towe gba; na yé na yì jẹ meglọnọ mẹ

⁴² Atin towe lẹpo po sinsẹ́n aigba towe tọn po wẹ owọ́n lọ na yí.

⁴³ Ojónọ he tin to gblagbla towe mẹ na fọ́n daga to oji we dejideji; hiẹ bo na to tejẹ wá odò dejideji

⁴⁴ Ewọ na nọ yàn hlan we, hiẹ ma na yàn hlan ewọ gba: ewọ na yín ota lọ, hiẹ bo na yín osi lọ.

⁴⁵ Dẹ̀hodo helẹ pó na wá oji we, bo na domọna we, bo pla we, kaka hiẹ do yín vivà; na hiẹ ma tùntóai hlan ogbè OKLUNỌ lọ Jiwheyẹwhe towe tọn lọ wutu, nado nọ payi gbèdide etọn lẹ go po aṣedai eton he é ko degbèna we lẹ po;

⁴⁶ ye bo na tin to oji we na ohia de podọ na awujiji de, podọ to okún towe ji kakadoi:

⁴⁷ Na hiẹ ma sẹ́n OKLUNỌ lọ Jiwheyẹwhe towe po ayajijẹ po wutu, podọ po bomẹhùnhùn ayiha tọn po, gbon gege onú lẹ lọ lẹpo tọn dali:

⁴⁸ enẹwutu hiẹ na nọ sẹ́n kẹ̀ntọ tọwe he OKLUNỌ lọ na dohlan oji we lẹ, to huvé mẹ, podọ to nugbla me, podọ to omẹjijẹ mẹ podọ to ohẹ́njẹ onú lẹpo tọn mẹ: é bo nasọ yí oglepọnú ogan tọn de do okọ̀ towe, kaka ewọ ko do va we.

⁴⁹ OKLUNỌ lọ na hẹn akota de sọn aganu wá oji we, sọn opòdo aigba tọn lọ dile akùn nọ zlọn do; akọta de ogbè mẹhetọn hiẹ ma na tunwun gba:

⁵⁰ akọta nukunmẹ yinylọnnọ de, he ma na ho nukunta mẹho tọn pọ́n, kavi do nukundagbe hia hlan yọ̀pọ:

⁵¹ é bo na dù sinsẹ́n kanlinyìnyìn towe tọn, po sinsẹ́n aigba towe tọn po, kaka hiẹ na do yin vivà he ga ma na pò gbadó dai na we, ovẹ̃n, kavi amì, jideji oyin towe tọn, kavi ovú kanlinpá towe tọn, kaka é ko do hẹn we nado dọ̀n

⁵² E nasọ doawhànledo we to họngbo towe lẹ lẹpo mẹ, kaka adó yìji podọ oglọnnọ towe lẹ do wá odò, ehemẹ hiẹ dotudo, gbọn aigba towe lẹpo mẹ ewọ bo nasọ doawhànlẹ́do we to họngbo towe lẹpo mẹ gbọn aigba towe he OKLUNỌ lọ Jiwheyẹwhe towe ko na we lẹpo mẹ

⁵³ Hiẹ bo nasọ nọ dù sinsẹ́n agbasa towe titi tọn, olàn visunnu towe lẹ tọn po viyọnnu towe lẹ tọn po he OKLUNỌ lọ Jiwheyẹwhe towe ko na we; to sladodokọ̀jinamẹ lọ mẹ podọ to giglọnmedo lọ mẹ, ehe kẹ́ntọ towe lẹ na do glọn we do.

⁵⁴ Sunnusi he yín lẹblanunọ to mì sẹnsẹn, podọ abọẹabọẹnọ, nukun etọn na yín yinylan hlan nọvisunnu etọn dali, podọ hlan asi akọ́n etọn tọn lọ dali, podọ hlan pipòtọ ovi etọn lọ tọn he é tindo pipò lẹ dali:

⁵⁵ mọ dọ ewọ ma na na depope yé tọn sọn olàn ovi etọn mẹhe é na dù lẹ lọ tọn mẹ gba, na é ma tindo núde pipóai nẹ́ wutu; to sladodokojinamẹ lọ mẹ podọ to giglọnmẹdo lọ mẹ, ehe kẹ́ntọ towe na do glọn we do to họ̀ngbo towe lẹ lẹpo mẹ.

⁵⁶ Yọnnusi lẹblanu nọ podọ abọẹabọẹnọ to mì ṣẹnṣẹn, he ma na hà nado ze afọpàhomẹ afọ etọn tọn do aigba lọ ji na abọẹninọ po lẹblanu po, nukun etọn na yín yinylan hlan asú akọn etọn mẹ tọn lọ dali, podọ hlan visunnu etọn dali, podọ hlan viyọnnu etọn dali;

⁵⁷ podọ hlan okúkan etọn he tọ́n sọn afọ etọn lẹ ṣẹnṣẹn wá dali, podọ hlan ovi etọn he é na ji lẹ dali; na é na dù yé to nuglọ na ma tin onú lẹ lẹpo tọn: to sladodokọ̀jinamẹ lọ mẹ podọ to giglọnmẹdo lọ me, ehe, kẹ̀ntọ towe na do glọn we do to hóngbo towe lẹ lẹpo mẹ.

⁵⁸ Eyín hiẹ ma na payi nado basi ohó osẹ́n he tọn lẹ lọ he yè wlan do owé he me, na hiẹ nido nọ dibusi oyín gigonọ podọ osinọ he, OKLUNỌ LỌ JIWHEYẸWHE TOWE;

⁵⁹ whenẹnu wẹ OKLUNỌ lọ na hẹn azọ̀nylankan towe lẹ zùn awujinu, po azọ̀nylankan okún towe tọn lẹ po, yèdọ azọ̀nylankan daho lẹ, podọ dindẹnai tọn, po olànmẹzòn ylankan lẹ po, podọ dindẹnai tọn.

⁶⁰ E bo nasọ hẹn okúzọ̀n Egipti tọn lẹ lọ lẹpo vó gò wá oji we, he hiẹ yín avosatọ na; yé nasọ tó do ogo we.

⁶¹ Lànmẹzòn lẹpo ga, po azọ̀nylankan lẹpo pọ, he yè ma wlan do owé osẹ́n he tọn mẹ gba, yé wẹ OKLUNỌ lọ nasọ hẹn wá oji we, kaka hiẹ do yín vivà.

⁶² Mìlẹ nasọ yín pipodai pẹ de to osọha mẹ, whenẹnu mọ mìlẹ ko tin di sunwhlẹvu olọn tọn le na gégé; na hiẹ ma tùntóai hlan ogbè OKLUNỌ lọ Jiwheyẹwhe towe tọn wùtu.

⁶³ E nasọ wá jọ, dọ dile OKLUNỌ lọ jaya to mì ji do nado wà dagbe na mì, podọ nado hẹn mì yín sùsù; mọwẹ OKLUNỌ lọ nasọ jaya to mì ji do nado hẹn mì nado dọ̀n, podọ nado và mì; mìlẹ bo nasọ yín dindọ̀nsún sẹ́ sọn aigba lọ mẹ fie mẹ hiẹ jei nado yí i

⁶⁴ OKLUNỌ lọ bo nasọ vúnvún we do akọta lẹ lọ lẹpo sẹnẹẹn sọn opòdo aigba tọn de yèdọ jẹ opodo aigba lọ tọn; podọ finẹ hiẹ na sẹ́n yẹwhe devo he hiẹ ma ko yọnen lẹ te, hiẹ kavi otọ́ towe lẹ ma gba, yèdọ atin po zannu po.

⁶⁵ Podọ hiẹ ma na mọ awubọ to akọta helẹ ṣẹnṣẹn gba, podọ gbọjẹ de ma na tin na afọpahomẹ afọ towe tọn gba: ṣigba OKLUNỌ lọ na na ayiha sisọsisọ de we to finẹ, po nukun kangbigble tọn lẹ po, po alindọn gbigbadó tọn po:

⁶⁶ ogbẹ́ towe na pla nukọn towe to ayiawe mẹ: hiẹ bo na nọ dibu to ozán po okle po, bo ma na tindo yinyọnẹn ogbẹ́ towe tọn de gba:

⁶⁷ to afọnnu lọ mẹ hiẹ na dọmọ, Jiwheyẹwhe do jlo e yín whèjai! podọ to whèjai hiẹ nasọ dọmọ, Jiwheyẹwhe do jlo é yín afọnnu! na obu ayiha towe tọn he hiẹ na di, podọ na númimo nukun towe lẹ tọn he hiẹ ná mọ.

⁶⁸ OKLUNỌ lọ nasọ yí ohún lẹ do vọ́ we hẹnwá jẹ Egipti mẹ, gbọn aliho lọ ji ehe tọn yẹn dọ hlan we dọ, Hiẹ ma to nasọ mọ ẹn ba gba: finẹ mì na sà mìde te hlan kẹ̀ntọ mìtọn lẹ na afànumẹsunnu lẹ podọ na afànumẹyọnnu lẹ, omẹ de ma nasọ hó mì.