3 JOHANU 1 - BIBLU WIWE LỌ 1923

¹ MẸDAHO lọ hlan Gaiu mẹyiwanna talala lọ, mẹhe yẹn yiwanna to nugbo mẹ.

² Mẹyiwanna, yẹn jlo hú onú popo, dọ hiẹ ni tin jijọho, bo sọ nọ́ gángán yèdọ dile ayiha towe to jijọho do.

³ Na homẹ ṣie hún susu, whenuena mẹmẹsunnu lẹ wá, bo to kunnude hlan nugbo towe, yèdọ dile hiẹ to zọnlinzin to nugbo lọ mẹ do.

⁴ Yẹn ma tindo ayajẹ daho de hú ehe gba, dọ yẹn ni to sisè dọ ovi ṣie lẹ to zọnlinzin to nugbo mẹ.

⁵ Meyiwanna, hiẹ wà azón nugbo de to onú depope hiẹ to wiwà mẹ hlan mẹmẹsunnu le, podọ hlan jonọ lẹ ga;

⁶ ehe to owanyi towe kunnude to agùn nukọn: mẹhe eyín hiẹ hẹn yì nukọn to gbéjizọnlin yetọn ji dile é jẹ na Jiwheyẹwhe tọn do, hiẹ wà dagbe:

⁷ na oyín etọn tọn wutu wẹ yé tón yì, ma yí núde to Kosi lẹ de.

⁸ Enẹwutu é jẹ dọ mí ni nọ yí omẹ nẹlẹ hunkọ do, na mi nido yín azọ́ntọgbẹ́ to nugbo lọ de.

⁹ Yẹn wlanwe alọpadelẹ hlan agùn lọ: ṣigba Diotlefe, mẹhe jlo nado yín ogán to yé me, ma yí mí do gba.

¹⁰ Enẹwutu eyín yen wá, yẹn na flin onú wiwà etọn he é wà, é yí ohó homẹkẹn tọn do to mí badu: enẹ ma sọ pekò hẹ, èwlọsu ma yí mẹmẹsunnu lẹ do, é sọ to kikọ́ na yé he jlo nado yí yé do lẹ, bo sọ to yé yàn jẹgbonu sọn agún lọ mẹ

¹¹ Meyiwanna, hiẹ yíhianà onú he yín oylan blo, adavo he yín dagbe. Ewọ he to dagbe wà, Jiwheyẹwhe de é jọ̀ sọn: ṣigba ewọ he to ylanwà, ma mọ Jiwheyẹwhe gba.

¹² Demetliu tindo oyín dagbe to gbẹtọ lẹpo de, podọ to nugbo mẹ ga; mọwe, mìwlẹ sọ dekunnu ètọn; hiẹ; sọ yọnẹn dọ nugbo wẹ kunhùdide mítọn.

¹³ Yẹn tindo owé onú susu tọn nado wlan, ṣigba yẹn ma jlo na yí wesìn po wekantin po do wlanwe hlan we gba:

¹⁴ ṣigba yẹn to tódo dọ yẹn na mọ we zàndevie, mí nasọ dọhó na nukun mọ nukun. Jijọho tin hlan we. Họntọn lẹ dọnúdo we. Dọnúdo họ́ntọn lẹ yínkọyínkọ mẹ.