Псалманууд 99 - Бурятский Библия. Отдельные книги Ветхого Завета

¹ Эзэн — Хаан! Арадууд шэшэрэлдэг лэ! Тэрэ херүбүүд дээрэ һууна, газар дэлхэй доһолог лэ!

² Сион соо Эзэн агууехэ, бүхы арадууд дээгүүр үргэмжэлэгдэнхэй.

³ Танай агуу, һүрдэмөөр нэрые тэдэ магтан дуулаг! Тэрэ хадаа арюун!

⁴ Тэрэ хүсэ шадалтай Хаан, зүб шударгада дуратай. Та сэхэ тэгшэ ёһо батажуулаат, Яковой зондо шударга ёһо, зүб шударгые хээт.

⁵ Манай Эзэн Бурханиие үргэмжэлэгты! Хүлэйнь гэшхүүрэй урда һүгэдэн мүргэгты! Тэрэ арюун мүн!

⁶ Моисей болон Аһароон тахишадайнь дунда, Самуил нэрыень дуудагшадай дунда байгаа. Эзэниие тэдэнэй дуудахада, Тэрэ дуулаа.

⁷ Тэрэ тэдээндэ үүлэн бахана сооһоо айладаа бэлэйл. Үршөөһэн зарлигыень болон һургаалнуудыень тэдэ сахин байгаа бэлэй.

⁸ Эзэн Бурхамнай! Та тэдээндэ харюусаат, Та тэдэниие хүлисэдэг, үйлэ хэрэгүүдэйнь түлөө хэһээдэг Бурханта.

⁹ Эзэн Бурханииемнай үргэмжэлэгты! Нангин хада дээрэнь һүгэдэн мүргэгты! Юуб гэбэл, Эзэн Бурхамнай арюун нангин юм.