Псалманууд 97 - Бурятский Библия. Отдельные книги Ветхого Завета

¹ Эзэн бол Хаан! Газар дэлхэй баярлан байг лэ! Олон аралай уладууд баясаг лэ!

² Үүлэн болон шэб харанхы Тэрэниие тойроно, шэрээгэйнь һуурида — зүб шударга болон шударга ёһо.

³ Урда тээнь гал дүлэн гарана, дайсадыень тойроод шатаана.

⁴ Сахилгаануудынь юртэмсые гэрэлтүүлнэ, газар дэлхэй хаража, шэшэрэн байна.

⁵ Бүхэдэлхэйн Эзэнэй урда, Эзэнэй урда, хаданууд дабирхай мэтэ хайлана.

⁶ Тэнгэри зүб шударгыень тунхаглана, бүхы арадууд алдарыень харана.

⁷ Хэмэл хүрэгүүдтэ ажал хэдэг, шүтээнүүдээр һайрхадаг бүхы зон эшэг лэ! Бүхы бурхад, Тэрэнэй урда һүгэдэн мүргэгты!

⁸ Эзэн, Танай сүүдүүдһээ боложо, Сион дуулаад, баясана, Иудын басагад баярлана.

⁹ Юуб гэбэл, Та бүхы дэлхэй дээгүүр Дээдэ Эзэнта, Та бүхы бурхадһаа угаа дээгүүр үргэгдэнхэйт!

¹⁰ Эзэндэ дуратайшуул, муу муухайе үзэн ядагты. Тэрэ Өөрын гэгээнтэнэй ами наһа хамгаалдаг, муу муухай зоной һабарһаа сүлөөлдэг.

¹¹ Гэгээнтэн руу гэрэл сасарна, сэдьхэлээрээ арюун зондо баяр тарана.

¹² Гэгээнтэн, Эзэн тушаа баясагты! Тэрэнэй нангин нэрые магтагты!