Псалманууд 96 - Бурятский Библия. Отдельные книги Ветхого Завета

¹ Эзэндэ шэнэ дуу дуулагты, бүхы дэлхэй, Эзэндэ дуулагты.

² Эзэндэ дуулагты, нэрыень үреэгты, абарһан тухайнь үдэрһөө үдэртэ дуулгагты!

³ Тэрэнэй алдар солые үндэһэтэдэй дунда, Тэрэнэй гайхамшагта хэрэгүүдые бүхы арадуудай дунда тунхаглагты!

⁴ Юуб гэбэл, Эзэн агууехэ, угаа магтагдаха, бүхы бурхадһаа үлүү Тэрээнһээ аймаар.

⁵ Юуб гэбэл, бусад арадуудай бурхад — хооһон шүтээнүүд, харин Эзэн огторгой бүтээһэн юм.

⁶ Нэрэ хүндэ болон һүр жабхалан урдань, хүсэ шадал ба үзэсхэлэн байдал нангин газартань оршодог.

⁷ Арад зоной обогууд, Эзэниие магтагты, Эзэнэй алдар соло ба хүсэ шадал магтагты!

⁸ Эзэндэ нэрынь шанараар алдар үргэгты! Үргэл асаржа, хашаа руунь ерэгты.

⁹ Гэгээн солынь үзэсхэлэн соо Эзэндэ һүгэдэн мүргэгты! Бүхы дэлхэй, Тэрэнэй урда шэшэрэн байгты!

¹⁰ «Эзэн бол Хаан!» гэжэ үндэһэтэдэй дунда хэлэгты. Юртэмсэ нээрээ бата бэхи тогтоогдонхой, ганхахагүй. Эзэн арад зониие зүб шударга ёһоор сүүдлэхэ.

¹¹ Огторгой баясаг, газар дэлхэй хүхиг! Тэнгис далай болон досоонь байгаа бүхы юумэн нэерэг лэ!

¹² Тала газар болон дээрэнь байгааша бүхы юумэн баярлана, ойн модод бултадаа баясан дуулана,

¹³ Эзэнэй урда! Юуб гэбэл, Тэрэ заларан ерэжэ байна, газар дэлхэйе сүүдлэхээр заларжа байна. Тэрэ юртэмсые зүб шударгаар, арадуудые Өөрын үнэн сэхээр сүүдлэхэл!