Псалманууд 95 - Бурятский Библия. Отдельные книги Ветхого Завета

¹ Ерэгты, Эзэндэ баяртай дуу дуулая, абаралайнгаа Хабсагайда баяртай шанга дуулаладая.

² Магтаал үргэн урдань зогсоё, дуу дуулан алдаршуулая.

³ Юуб гэбэл, Эзэн бол агууехэ Бурхан бүхы бурхад дээрэ Агууехэ Хаан мүн.

⁴ Гартань дэлхэйн гүн байна, хадын орьёлнууд Тэрэнэй мэдэлэй.

⁵ Далайшье Тэрэнэй, тэрэниие бүтээгээ шүү, гарнуудынь хуурай газарые түхөөгөө.

⁶ Ерэгты, мүргэе, доро дохиё, бидэниие бүтээгшэ Эзэнэй урда унан мүргэе.

⁷ Юуб гэбэл, Тэрэ манай Бурхан, Тэрэнэй адуулдаг зон — бидэ, гарайнь хүтэлһэн хонидбди. Мүнөө Тэрэнэй дуу хоолой соносоо гээшэ һаа,

⁸ Мэрибаада болоһондол адли, Массаада, сүл губида, болоһондол адли зүрхэеэ үсэд бү болгыт.

⁹ «Таанарай үбгэ эсэгэнэрэй туршахада, Минии үйлэ хэрэг хараһаншье һаа, Намайе шалгахада,

¹⁰ дүшэн жэлэй туршада Би тэрэ үеынхидтэ сухалдажа, «тэдэ ухаагаа төөриһэн зон, Минии замуудые мэдэдэггүй хүнүүд» гэжэ айладааб.

¹¹ Тиимэһээ Би уурлажа, Минии зохёоһон амар амгалан газарта тэдэ үнэхөөрөө орохогүй гэжэ тангариглааб.