Псалманууд 87 - Бурятский Библия. Отдельные книги Ветхого Завета

1 [Кораахай уг удамай. Псалма. Дуун.]

¹ [Кораахай уг удамай. Псалма. Дуун.] Тэрэ Өөрын хотын һуури нангин хаданууд дээр табяа.

² Эзэн Сион дээрэхи хотодо Яковой бусад һууринуудһаа үлүү дуратай.

³ Бурханай хото, шам тухай алдар соло таранхайл. [Хүгжэм]

⁴ Намайе мэдэдэг зоной дунда Рааһаб болон Вавилоон, тиихэдэ Пилишт, Тиир, Эфиопи Нам тушаа мэдэнхэй, «Тэрэ тэндэ түрэһэн» гэлдэнэ гэжэ дуулгахаб.

⁵ Сион тушаа зон иигэжэ хэлсэхэ: «Энэ хүн ба тэрэ хүн тэндэ түрэһэн, Дээдэ Бурхан тэрэниие Өөрөө бэхижүүлээ».

⁶ Эзэн зониие бүридхэн тоолохо үедөө иигэжэ бэшэхэ: «Энэ тэндэ түрөө» гэжэ бэшэхэ. [Хүгжэм]

⁷ Дууладаг, лимбэ дээрэ наададаг зон «эхин булагуудни шам дотор байна» гэхэ.