Псалманууд 8 - Бурятский Библия. Отдельные книги Ветхого Завета

¹ [Дуунай бүлэгэй хүтэлбэрилэгшэдэ: гиттит гэжэ хүбшэргэйтэ зэр зэмсэгэй дууряалга доро. Давидай псалма.]

² Эзэн Бурхамнай! Бүхы дэлхэйгээр Танай нэрэ гайхамшиг лэ!

³ Үхибүүдэй, нарай нялха хүүгэдэй аманһаа Ши Өөртөө магтаал дуудуулхаш! Дайсадай урдаһаа Та бүхэлэлтэ хээт, үһөөгөө абагшыешье номгоруулаат.

⁴ Танай бүтээһэн огторгой, Танай байгуулһан һара, мүшэдые харанам.

⁵ Хүн гээшэ Танай һанамаар юм гү? Харин Та һананат. Хүнэй хүбүүн гээшэ Танай һанаагаа табимаар юм гү? Харин Та һанаагаа табинат.

⁶ Өөрын элшэнэрһээ нэгэ бага доогуур тэрэниие табяат, алдар солоор ба нэрэ хүндөөр титимлээт.

⁷ Танай бүтээлнүүд дээгүүр засаглаха эрхэ тэрээндэ олгуулаат, ула доронь бүгэдые оруулхат:

⁸ хони ямаадые, бухануудые, ан арьяатанииешье,

⁹ огторгойн жэгүүртэниие, далайн уудамда тамардаг загаһадые…

¹⁰ Эзэн Бурхамнай! Нэрэтнай дэлхэй дүүрэн һүр жабхалантай!