Псалманууд 76 - Бурятский Библия. Отдельные книги Ветхого Завета

¹ [Дуунай бүлэгэй хүтэлбэрилэгшэдэ: хүбшэргэйтэ зэмсэгэй дууряалга доро. Асаапай псалма. Дуун.]

² Бурхан Иудада алдартай, нэрэнь Израильда агууехэ.

³ Шалээмдэ майхангынь бии, Сиондо байрань оршодог.

⁴ Тэрэ тэндэ һурша номой годлинуудые, бамбай, һэлмэ, дайнай зэбсэгүүдые хухалһан юм.

⁵ Та алдартайт, мүнхэ хадануудһаа толорон байнат!

⁶ Зоригтой сэрэгшэд бэлэхэн олзо болоо, унтаа, һэрихэгүй, эрэшүүл хэнииньшье гараа хүдэлгэжэ шадаагүй.

⁷ Яковой Бурхан, Та тэдээн руу хашхараат, дайшалхы тэргэнүүд, морид мүнхэ нойроор нойрсонхой.

⁸ Та угаа һүрөөтэйт. Ууртай байгаа сагтатнай хэн урдатнай байжа шадахаб даа.

⁹ Тэнгэриһээ Та зарлиг буулгаат, газар дэлхэй айжа, аниргүй болоо,

¹⁰ дэлхэйн бүхы ядуушуулые абархаар Бурханай сүүдлэхэеэ бодоһон үедэ. [Хүгжэм]

¹¹ Уур хилэн дундаа Та зониие дэбһэнэт, үлэһэн зон руу ууртай эрьенэт.

¹² Эзэн Бурхандаа тангариг үргэгты, сахигты. Тойроод байгааша бүхы зон Аймшагтай Бурханда бэлэг баригты.

¹³ Тэрэ ноёдой һүр һүлдые номгоруулна, дэлхэйн бүхы хаашуулда аймшагтай.