Псалманууд 67 - Бурятский Библия. Отдельные книги Ветхого Завета

¹ [Дуунай хүтэлбэрилэгшэдэ: хүбшэргэйтэ зэмсэгүүдэй дууряалга доро, псалма, дуун.]

² Бурхан маанадые нигүүлэн хайрлаг, юрөөг лэ! Гэрэлтэ нюураа бидэндэ үзүүлэг лэ! [Хүгжэм]

³ Тиигэбэл, Танай зам газар дэлхэй дээр ойлгосотой болохо, бүхы үндэһэтэд абаралыетнай ойлгохо.

⁴ Бурхан! Арадууд Таниие магтаг лэ! Бүхы арадууд Танда магтаал үргэг!

⁵ Яһатан баясан, хүхилдэн байг! Арадуудые Та зүб шударга сүүдлэхэт, дэлхэйн яһатаниие захирхат.

⁶ Бурхан! Арадууд Таниие магтаг лэ! Бүхы арадууд Танда магтаал үргэг!

⁷ Хүрьһэтэ газар ургаса үгэнэ. Бурхан, манай Бурхан, маанадые юрөөг лэ!

⁸ Бурхан маанадые юрөөг лэ! Газар дэлхэйн бүхы хизаараар Тэрээнһээ айн байг лэ!