Псалманууд 54 - Бурятский Библия. Отдельные книги Ветхого Завета

1-2 [Дуунай бүлэгэй хүтэлбэрилэгшэдэ: хүбшэргэйтэ зэмсэгэй дууряалга доро. Зиипшүүд ерэжэ, Саулда «Бидэнэй дунда Давид хоргодожо байна» гэжэ хэлэхэ үедэнь Давидай зохёоһон ирагуу үгэнүүд.]

^1-2 [Дуунай бүлэгэй хүтэлбэрилэгшэдэ: хүбшэргэйтэ зэмсэгэй дууряалга доро. Зиипшүүд ерэжэ, Саулда «Бидэнэй дунда Давид хоргодожо байна» гэжэ хэлэхэ үедэнь Давидай зохёоһон ирагуу үгэнүүд.]

³ Бурхан! Өөрын нэрээр намайе абарыт, Өөрын хүсөөр хэрэгым шиидхыт.

⁴ Бурхан! зальбаралым дуулыт, аманһаам гарагша үгэнүүдые анхарыт.

⁵ Юуб гэбэл, хари зон урдаһаам эсргүүсэн бодоол, хэрзэгышүүл намайе алахаа бэдэрнэ. Өөһэдын урда Бурханиие заладаггүйшүүл тэдэ мүн. [Хүгжэм]

⁶ Анхарыт, Бурхан минии туһалагша, Эзэн ами наһым тэдхэнэ.

⁷ Тэрэ дайсадтам муу муухайень харюулхал. Үнэн сэхээрээ тэдэниие усадхыт!

⁸ Би дуратайгаар Танда үргэл үргэхэб, Эзэн, Танай нэрые магтахаб, юуб гэбэл, Та һайнта.

⁹ Юуб гэбэл, Та намайе бүхы гай зоболонһоо абараат, дайсадайнгаа нюдэ руу айнгүй хараа бэлэйб.