Псалманууд 53 - Бурятский Библия. Отдельные книги Ветхого Завета

¹ [Дуунай бүлэгэй хүтэлбэрилэгшэдэ: үлеэдэг хүгжэмтэ зэмсэгэй дууряалга доро. Давидай ирагуу үгэнүүд.]

² Мунхаг хүн сэдьхэлдээ «Бурхан үгы» гэжэ һанана. Зон һальхай һамуун хэрэгүүдые хэнэ, муу муухай, жэгшүүритэй юумэ үйлэдэнэ. Һайн хэрэг хэдэг хүн байхагүй.

³ Юумэ ойлгодог, Бурханиие бэдэрдэг хүн бии гү гэжэ мэдэхэеэ Эзэн тэнгэриһээ зон руу харана.

⁴ Бүхы зон хамта замһаа хадуураа, бүгэдөөрөө забхайралдаа. Һайн хэрэг хэдэг хүн байхагүй, нэгэшье үгы.

⁵ Муу юумэ хэдэг тэдэ юушье ойлгодоггүй юм гү? Хилээмэ эдиһэндэл адляар минии арад түмэниие зооглонол, Эзэниие дууданагүй.

⁶ Аймаар бэшэ газарта тэдэ угаа ехээр айха. Юуб гэбэл, шинии урдаһаа тулагшадай яһые Бурхан сасаха, Тэдэ эшхэбтэр байдалда орохо, юуб гэхэдэ, Бурхан тэдэниие тообогүй.

⁷ Израилиин абарал Сионһоо ерэхэнь болтогой! Арад зоноо баряанһаа Эзэнэй бусаахада, Яков баярлаха, Израиль баясаха!