Псалманууд 5 - Бурятский Библия. Отдельные книги Ветхого Завета

¹ [Дуунай бүлэгэй хүтэлбэрилэгшэдэ: лимбын дууряалга доро. Давидай псалма.]

² Эзэн! Үгэнүүдыем дуулыт! Һанаа алдахым анхарыт!

³ Хаамни, Бурхамни, хашхарааем шагныт! Би танда зальбаржа байнаб.

⁴ Эзэн! Үглөө бүри Та намайе дуулажа байнат. Үглөө бүри би найдал дүүрэн урдатнай байнам.

⁵ Муу хүндэ Та дурагүй Бурханта, нүгэлтэй хүн Танай хажууда байжа шадахагүй!

⁶ Һайрхадаг зон урдаһаатнай хаража шадахагүй, муу муухай хэрэг үйлэдэгшэдые Та үзэн яданат,

⁷ гүжир үгэ хэлээшэдые усадхахат, алууршан, худалшан Танда жэгшүүритэй муухай.

⁸ Танай хайраар би гэр руутнай орохоб, нангин үргөөдэтнай шэшэрэн-айн һүгэдэхэб.

⁹ Эзэн! Өөрын үнэн зүб замаар намайе хүтэлэн ябыт! Дайсадтамни харша болгон, харгыем дардам сэхэ болгыт!

¹⁰ Дайсад үнэн зүб юумэ хэлэдэггүй. Сэдьхэлдэнь — үхэл хатал, ама хоолойнь — үхэлэй зам руу татадаг, хэлэниинь билдагануур.

¹¹ Бурхан, тэдэниие хэһээгыт! Һанамжалһан юумэнь өөһэдэйнь толгой дээр бууг! Нүгэлтэй тэдэниие намнажа үлдыт! Тэдэ Таниие буруушаана бшуу!

¹² Танай аршалан байгаа зон хүхилдэн байг лэ! Тэдэнэй хамгаалагшань Та байһанда тэдэ хэтэ мүнхэдөө хүхин байг! Нэрэдэтнай дуратай зондо Та баяр хүхилдөөн болонот.

¹³ Эзэн, Та үнэн шударга хүниие үреэхэт, бамбайгаар мэтэ үршөөлөөрөө тэрэниие халхалхат!