Псалманууд 48 - Бурятский Библия. Отдельные книги Ветхого Завета

¹ [Дуун. Псалма. Кораахай уг удамай зохёоһон.]

² Агууехэ Эзэн Бурханаймнай хото соо, нангин хада дээрээ угаа магтагдана.

³ Үзэсхэлэнтэ һайхан үндэр, бүхэдэлхэйн баяр болохо Сион хада, Цафооной ташалангууд, агууехэ Хаанай хото.

⁴ Тэрэнэй бүхэлэлтэнүүдээр Эзэн Өөрыгөө хүсэтэй Хамгаалагша гэжэ танюулаа.

⁵ Юуб гэбэл, харыт, хаашуул хамтаржа, хамтадаа ябан үнгэрбэ.

⁶ Тэдэ хараад, гайхаба, айн, зугадан тэрьедэбэ.

⁷ Тэдэ шэшэрэлдэбэ, түрэжэ байгаа эхэнэр мэтэ ехэ үбдэбэ,

⁸ Таршиишэй онгосонуудые дорно зүгэй һалхинай урбалдуулдаг мэтэ.

⁹ Маанадай соносогшо юумэн Түмэн Сэрэгтэ Эзэнэй хото соо, бидэнэй Бурханай хото соо, үнэн! Бурхан тэрэ хотые хэтэ мүнхэдөө байгуулаа.

¹⁰ Бурхан, бидэ Танай нангин үргөөгэй дунда Танай хайра энэрэл тушаа бодоо бэлэйлди.

¹¹ Бурхан, Танай нэрэ болон алдар газар дэлхэйн хизаар хүрэтэр мэдээжэ. Танай гар зүб шударгаар дүүрэнхэй.

¹² Сион хада баясаг лэ, Иудын хото һууринууд Танай зүб сүүдтэ баярлаг лэ.

¹³ Сиониие тойрон ябагты, гороологты, самхагуудынь тоологты.

¹⁴ Хойто үедөө дамжуулан хөөрэхын тула хэрэмүүдынь ухаандаа хадуужа абагты, ордонуудаарнь ябагты.

¹⁵ Юуб гэхэдэ, энэ Бурхан хэтын хэтэдэ манай Бурхан, Тэрэ маанадые үхэн үхэтэрнай хүтэлхэ.