Псалманууд 47 - Бурятский Библия. Отдельные книги Ветхого Завета

¹ [Дуунай бүлэгэй хүтэлбэрилэгшэдэ: Кораахай уг удамай псалма.]

² Бүхы арадууд, альга ташагты! Баярта хашхараагаар Бурханиие магтагты!

³ Юуб гэбэл, Дээдэ Эзэн аймшагтай, бүхы дэлхэйн агууехэ Хаан юм.

⁴ Тэрэ бидэн доро арадуудые, ула доромнай арад зониие оруулаа.

⁵ Тэрэ маанадта дуратай Яковой һүр жабхалангаа — уг залгамжалан дамжуулха газар шэлээл. [Хүгжэм]

⁶ Эзэн Бурхан хашхарха дуунай дунда, бүреэгэй абяан доро дээшээ залараа!

⁷ Бурханда магтаал үргэгты, магтаал үргэгты! Хаандамнай магтаал үргэгты, магтаал үргэгты!

⁸ Юуб гэбэл, Бурхан хадаа бүхэдэлхэйн Хаан мүн! Ирагуу үгэнүүдые дуулан үргэгты!

⁹ Үндэһэтэдые Бурхан захиран байна; Бурхан нангин сэнтиидээ залараа.

¹⁰ Арадуудай удамаршад Абраһаамай Бурханай арад зон мэтэ суглараа! Газар дэлхэйн ноёд Бурханда хандаа! Бурхан бүгэдын дээгүүр үргэмжэлэгдөө!