Псалманууд 46 - Бурятский Библия. Отдельные книги Ветхого Завета

¹ [Дуунай бүлэгэй хүтэлбэрилэгшэдэ: залуу эхэнэрнүүдэй нарин хоолойгоор, Кораахай уг удамай дуун.]

² Бурхан хадаа манай хорохо газар, хүсэн, ямаршье гай тодхорто туһалагшамнай мүн.

³ Тиимэһээ газарай хүдэлхэдэшье, далайн гүн руу хада уулануудай хэмхэржэ унахадашье айхагүйбди.

⁴ Уһан хүнхинэжэ, шааяна, һүртэйдэнь хада ууланууд айн доһолно. [Хүгжэм]

⁵ Бурханай хото гү, али Дээдэ Эзэнэй нангин оршолые баясуулдаг урасхалтай гол бии юм.

⁶ Бурхан тэрэ хотын дунда оршоно, хото доһолхогүй, Бурхан тэрээндэ үүр сайхаһаа эхилээд туһалха.

⁷ Үндэһэтэнүүд шууялдажа, хан түрэнүүд һалганан байна. Бурханай дуугархада, газар хайлана.

⁸ Түмэн Сэрэгтэ Эзэн бидэнтэй хамта, Яковой Бурхан хадаа манай Хамгаалагша мүн! [Хүгжэм]

⁹ Ерээд, Эзэнэй юу хэһые харагты. Тэрэ газарые хооһон губи болгоо,

¹⁰ дэлхэйн бүхы булангууд хүрэтэр дайн дажар зогсоогоо, һурша ном, жада хухалаа, дайшалхы тэргэнүүдые галдан шатаагаа.

¹¹ Аалидагты, Намайе Бурхан гэжэ мэдэгты. Үндэһэтэдэй дунда, газар дэлхэй дээрэ үргэмжэлэгдэхэб!

¹² Түмэн Сэрэгтэ Эзэн маанадтай хамта, Хамгаалагшамнай — Яковой Бурхан!